John 18:11 - Sumi Naga CL (Re-edited) Bible (BSI)

¹¹ Jisü no Peter vilo pi, “O azütakikihi pesü asükhi lo süvelo. Ni ye Apu no I pelo shope niye tsükeu jukhu shomoni keshea?”

BAIBEL (BSI)

¹¹ Jisu no Pitor vilo pi, “Ozuta pe asuchhilo suvelo. Niye iPuno aghime jukhu ipelo shopeniye tsukeu shomoni kesha?”

Sümi Tiqhelimi Bible

¹¹ Jisü no Peter vilo azah tsü, “O kihizüta süchileve lo! Ni ye Apù no aghime jikhu I pelo sho peniye tsü keu shomoni keshea?”

John 18:11 Iomraidhean Croise

SAMUEL AKINIU 16:10

Ikemu akükau no pi, “Nongu Zeruiah nuliqo, ni ye nongu sasü kiu shikepu ani kea? Tsala Ampeu no pa vilo, ‘David ghusholo,’ ipike ghenguno pa no ghusho aghi aye, khuu no pa vilo ishi piluni kea, ‘No ye kushiye tishi kea?’”

LESHELE 75:8

Kughengu Ampeu u lo ajukhu tsüqüpe ani tipau lono Pa no atsaizü akivishi lekiteve keu eno mlaghubei qole akeu leqhi, eno ayeghi lo kixikilami kümtsü no tipau lo kighiji ashekhau kutolo sho nani.

EZEKEL 23:31

No ye o fo laghi lo wuvae; tighenguno I no li jukhu pesü o u lo süvetsü nani.

MATTHEW 20:22

Ikemu Jisü no khochile, “Nongu no kiu khu ani keno nongu ye mtha aphie. I no shoniye akeu jukhu nongu ye sholu nani keshea?” Pama no khochile, “Nikujo ye tishilu nani.”

MATTHEW 26:39

Pa no kitila azüu wuno agi no ayeghi dape inikhu, “I Pu, shikulupu shi aye ajukhu hipau I launo ikhiluve tsülo; tishinamu I gho kumono o pulou shilo.”

MATTHEW 26:42

Itaghi, ghuthu akiniu Jisü no wuno ishi inikhu, “I Pu, ajukhu hipau I no shomo kelo ikhiluve tsümla aye, o pulou shilo.”

Luke 12:30

Kughengu thime hipaqo ye ayeghi lo shiye kümtsü no phucheni, eno nongu ye tipaqo avehupu shi anie pi nongu Papu no ithi ani.

Luke 22:42

“Apu, Nono pulo aye, ajukhu hipau I launo pewuve tsülo. Tishimu, I pulou kumono O pulou shilo.”

John 15:10

I no I Pu zakütsü papelu no Paw kikimiye lo kimepe ache ketoi, nongu no I zakütsü papelu aye Iw kikimiye lo anani.

John 17:24

Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

John 18:36

Jisü no pi, “I yekipe ye hipa yeghi lo yekipe kumoe. I yekipe no hipa yeghi lo yekipe keaye, I küghape Jewmi u lo sümoni ye I khopemi no aghüshi aghini cheke. Ikemu I yekipe ye hipa yeghi lo yekipe kumoe.”

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

2 Kor. 10:4

Kughengu ningu ghüshi nanu ye ashi ghünanu kumoe ikemu aliwo kumto kütsani keu Alhou launo ighikeu küka ghünanu ke.

2 Kor. 6:7

kuchou tsapi eno Alhou küka lono; au ajeu ngo piyiu amikucho ghünanu pesü;

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.