John 17:24 - Sumi Naga CL (Re-edited) Bible (BSI)

²⁴ Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

BAIBEL (BSI)

²⁴ Apuo! niye nono khunoqomi itsuve akeno tipaqo pelo niye khile ani keno igholo apenikeu ipulou ani, eno ayeghiqha lhophemphi lono nono ikimiye puzu akimthe jekipi itsukeu panongu pelo ikimthe jekipi ithulupeni shi ani.

Sümi Tiqhelimi Bible

²⁴ “Apùo, ni ye nono khunoqo pesü I tsü keno panoqo pelo I no khilehi ani keno tile I gholo ape nishi ani eno I juküvü ithulu penishi ani, tiye nono ajuküvü I tsü keu ke, kughengu nono ayeghi pulhosü mphi züu no I kimiye ke.

John 17:24 Iomraidhean Croise

BOTHUBO 45:13

Egypt lo I gigihupu, eno nongu no ithulu akeu kümtsü I pu vilo pi masae. Mtazü I pu hilau saiqighi lo.”

MATTHEW 25:21

Pa mpeu no pi, ‘Aghile shivae, akivi eno pükhübekulu qeu; no ye kitila lomu pükhübekulu shike I no o pelo kutomo shou ampeu shipeni. O mpeu lokivi gholo sülo.’

MATTHEW 25:23

Pa mpeu no pi, ‘Aghile shivae, akivi eno pükhübekulu qeu; no ye kitila lomu pükhübekulu shike I no o pelo kutomo shou ampeu shipeni. O mpeu lokivi gholo sülo.’

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

MATTHEW 26:29

I no nongu vilo piani, I Pu yekipe lono nongu sasü anileshi shomoke tsala kutolo, ni ye hipa tsaibo lo pekighi zü shomoae.”

Luke 12:37

Aqemi khunono kutope khe ake lono ampeu ighi püzü ithuluni keno, pano kümghapue. Mtsüqheino I no nongu vilo piani, ampeu no chighiche khapu püzü aghulhu lüpa lo panoqo küghüqa no huthu nani.

Luke 23:43

Jisü no pa vilo pi, “Mtsüqheino I no o vilo piani, no ye ishi no I gholo alokughuno-a lo aniae.”

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 12:26

Khuu no I qeni keno pa ye I pape masae; I no khile ani keno I qemi ghi tile anani. Khuu no I qeni keno I pu no pa gihu nani.”

John 14:3

I no wuno nongu sala a-a kutotsü kethiu, I no ideighi no I gholo nongu sawu nani, tishikeu lono I no khile ani keno nongu ghi tile anani.

John 15:9

Apu no I kimiye ketoi, ni ghi nongu kimiye cheni. Iw kikimiye lo kimepe alo.

John 17:2

Kughengu Nono khunoqo pesü pa tsü keno tipaqo lau lhokta küxü tsü peniye timi kümtsü shou no aküka pa tsüvae.

John 17:22

Nono ajuküvü I tsükeu I no panoqo tsüvae, tishianguno nikujo no lakhi ketoi panongu ghi lakhi shipeni,

John 17:5

Apuo, ayeghiqha lhophe mphilo I no O gholo akelo ajuküvü achekeu pesü itehi O nhethe lono I juküvüpu shitsülo.

John 6:37

I Pu no I tsükeu kümtsü I lau ighi nani, eno I lau ighi keqo ni ye khilemu hapheve monani.

John 6:39

Eno I puwu keu pulou ye hike: Pa no itsü keqo lakhimu pühave mono ashekha tsala lono xüputhu niye ke.

John 8:58

Jisü no pi, “Kuchou no I no nongu vilo piani, Abraham züuno ni ye acheghivae.”

1 Kor. 13:12

Kughengu itehi ningu ye ahiju lo jusü akeshi yekibideu ithulu ani, ikemu hithiu ye agi no agi kinheqhe ithulu nani. Itehi ni ye ithipixi aphi, ikemu Alhou no qhoi ni ithi aketoi hithiu ye I no qhoi ithive nani.

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

2 Kor. 5:8

Iyei, ningu ye amlo kuloghi shi ani, eno aphimpi qhive püzü Ampeu gholo auveni keu pavi nani.

FILIPIAMI 1:23

Ni ye hi küma dolo I tsakibipe ani: hipa yeghi qhive no Ampeu gholo auve keu pavi keke tiuno I pulou shi ani;

1 Thes. 4:17

Tileno ningu xüakemi ye amülhü lono Ampeu sasü kushoni ke panongu gholono kümtsa khüngküsü lo sünhe saikuve nani, eno ningu ye pülhapuju Ampeu gholo acheuve nani.

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

Piyeküsü 21:22

Ni ye aphughi lo achineki ithumlae, kughengu aphughi chineki ye Ampeu Alhou Akughushuu eno Ambeti huke.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.