John 17:2 - Sumi Naga CL (Re-edited) Bible (BSI)

² Kughengu Nono khunoqo pesü pa tsü keno tipaqo lau lhokta küxü tsü peniye timi kümtsü shou no aküka pa tsüvae.

BAIBEL (BSI)

² Kughengu nono khunoqo pesu pa tsukeno tipanoqo lau lhokta kuxu tsupeni kehu lhoxu kumtsu shou nono akuka pa tsuvae.

Sümi Tiqhelimi Bible

² Kughengu nono timiqo kümtsü shou kükagha puloza pesü pa tsüke eno pa pelo lhokta küxü pesü nono pa tsüke miqo kümtsü lau tsülu peniye ke.

John 17:2 Iomraidhean Croise

LESHELE 110:1

Ampeu no I Mpeu vilo pi: “I no o ghümi pesü o pukhu kinepu shitsü moke kutolo I u ajeu iqalo.”

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

MATTHEW 25:46

Panongu ye alho ghimepu lo ilove nani, ikemu achipikaluve keqo ye lhokta küxü lo wu nani.”

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

John 17:24

Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

John 17:6

“Ayeghiqha lono Nono khunoqo ikhiphepe I tsü keno tipaqo lau I no O je pephe piyevae. Panongu ye Ow, Nono panongu pesü I tsü, eno panongu ye O tsa peluvae.

John 17:9

Ni ye panoqo ghenguno inikhu ani. Ni ye ayeghiqha ghenguno inikhu amoe ikemu Nono I tsüve kemi ghenguno inikhu ani, kughengu panongu ye Ow ake.

John 3:35

Apu no Anu kimiye eno thokha kümtsü pesü pa u lo süvetsü.

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

John 6:27

Pühave kepu chuqupu ghenguno kumono lhokta küxü kutolo akepu chuqupu, khikhi Timi Nu no nongu tsü nani keno, tipau ghenguno mlalo. Kughengu pa shou Apu no amchipu chishidavae.”

John 6:37

I Pu no I tsükeu kümtsü I lau ighi nani, eno I lau ighi keqo ni ye khilemu hapheve monani.

John 6:39

Eno I puwu keu pulou ye hike: Pa no itsü keqo lakhimu pühave mono ashekha tsala lono xüputhu niye ke.

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

1 Kor. 15:25

Kughengu Alhou no Pa ghümi kümtsü Pa pukhu philo qhitsü moke kutolo Pa no ayepe masae.

Ephesiami 1:20

Pa no Khristo lau no pephe, ti ye kughou akithi lono Khristo xüputhupe kungugha lo Pa u ajeu küghüqa keno,

FILIPIAMI 2:10

ikehu kungugha eno ayeghi lo ngo ayeghi qhou akemi kümtsü no Jisü je kukelo qhoqhünhe masa nani,

1 Tim. 1:16

Ikemu I no kimiyekini ithulu keu ye hi gheno ke, ni, axinemi kümtsü nguno alhoksau, vecheo Khristo Jisü no paw kupukülai keu kutuukulu piye, tishikeu lono pa pülülu keu lono lhokta küxü ithuluni kemi lau kichekipiye shi peniye ke.

IBRIMI 1:2

ikemu hi ashekha ghuloki loye Pa no khuu vecheo ayeghiqha pulhosü no thime kümtsü shou amheghi kiyighiu shi peniye kishephe keno, Pa Nu vecheo ningu pütsae.

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.

1 John 1:2

kughou aküxüpu tipau pephe piye keno, ningu no ithulu no ashepe shitsü, eno lhokta küxü khikhi Apu gholo ache püzü ningu lau pephetsü keno, tipau pesü nongu lau sheshu ani.

1 John 2:25

Eno hi ye Khristo no ningu lau piqhikeu shoqhi—lhokta küxü huke.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

Jude 1:21

lhokta küxü lo sawu chekeu ni Mpeu Jisü Khristow kimiyekini huqhe ghi nongu ye Alhou kikimiye lo alo.