John 17:13 - Sumi Naga CL (Re-edited) Bible (BSI)

¹³ Ikemu itehi ni ye O lau chea, eno ayeghi lo akelo I no hipaqo pikeu ye panongu pelo I lokivi panongu lolo kupulu peniye ke.

BAIBEL (BSI)

¹³ Itehi niye olau chea, eno ayeghilo akelo ino hipaqo tsa piakeuye panongu pelo panoqo mlolo ilokivi kupu alupeni kehuke.

Sümi Tiqhelimi Bible

¹³ “Niye itehi O lau chenie, ikemu panongu pelo panongu lolo alokiqi akimighi chhitoi alu penike ghenguno I no ayeghi lo panongu gholo aphi lono thime hipaqo pi anie.

John 17:13 Iomraidhean Croise

NEHEMIA 8:10

Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

LESHELE 126:5

Khunono anhezü kipiji lono xusü cheni keno alokivishi ghile hulu nani!

LESHELE 43:4

Tileno Alhou kümlla khache lo, shishe I lovilu chekeu Lhou lau wuno akighilebo pesü O sheqheni, O Alhou, I Lhou.

John 13:3

Apu no thokha Jisü u lo süve tsükeu, eno pa ye Alhou launo ighi no Alhou lau wuveni chenie pikeu pa no ithi akehu,

John 15:11

I no nongu vilo hipaqo piakeu ye I lokivi nongu lolo apeniye, eno nongu lokivi chhitoilu peniye ke.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

John 17:11

Ni ye ayeghi lo ngomae, eno O lau cheae, ikemu panongu ye ayeghi lo aphie. Apu Akimtheu, O je lono Nono I tsükeqo khe tsülo, tishianguno nikujo no lakhi ketoi panongu ghi lakhi shi penie.

John 3:29

Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

John 7:33

Tile Jisü no pi, “Ni ye nongu gholo ado kitila aghi no tithiu no I puwu keu lau wuve nani.

Apostolmi 13:52

Pülüluve kemi ye alokivi eno Aghungu Kimthe no chhitoive.

Rommi 14:17

Kughengu Alhou yekipe ye chuqu-kusho vehuke kumoe, ikemu Aghungu Kimthe no tsükeu achipiu-mikucho, külakishi eno aloviqhiyi keu ke.

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

1 John 1:4

Ikehu ningu lolo alokivi akeu kupukülailu peniye nino hipaqo yelu ani.

2 John 1:12

Nongu lau kutomo yelu kepu aghi namu kakupa ngo kiyezü peitha moveni. Tipa züqhulo ni ye nongu lau ighi no agi kinheqhe ghi küptsa kileni ke laju ani, tishianguno ningu lokivi kupulu peniye ke.