John 17:1 - Sumi Naga CL (Re-edited) Bible (BSI)

¹ Jisü no hipaqo pive kethiu pa gi peqhepe kungugha lo juno pi, “Apu, atüqhüdo ye ighivae, O Nu pelo O juküvüpu shilu penike O Nu juküvüpu shitsülo.

BAIBEL (BSI)

¹ Jisu no hipaqo pitave kethiu pa gi peqhepe kungughalo juno pi, “Apuo, atuqhudo hu ighivae, oNu jepipi tsulo tishianguno Anu pelo ojepipi tsupenike.

Sümi Tiqhelimi Bible

¹ Jisü no hipau pive kethiu pa no kungugha küdau jupuku no inikhu: “Apùo, ado hu ye ighivae. O Nu juküvü shitsülo, tishianguno O Nu pelo O juküvü shi tsülu pe kepu shi.

John 17:1 Iomraidhean Croise

LESHELE 123:1

O No khuu kungugha lo ayekipe lakhü lo iqa ani keno, O lau I no jupuku ani!

ISAIAH 38:14

Akhalu momu azüghau toi I sütsa ye tsütsüshi ighauvae; amiqhi toi akulhoshi igha auvae. I nhethi no kunguu jukeno khoivae. O Ampeu, I qaqhipe akelo I xaphetsü kepushi tha-lo tsülo!

Mark 14:41

Ghuthu aküthüu loye pa no ighi no panoqo vilo pi, “Nongu ye itehi kutolo züaphi keshea? Tino kughomae; ado huye ighivae. Timi Nu ye küghape axinemi u lo thechu shisüvae.

Luke 18:13

Ikemu zame küqhau ye putou pa kütashi puthughope pa kütsü mu peqhemo no pa mla kukhu ghi pi, ‘Alhou, ni axinemi kimiyekütü tsülo!’

Luke 22:53

Kughou I no tsalakipe nongu gholo achineki lo akeno nongu ye I küghamoe. Ikemu hi ye nongu tüqhüdo ae eno aküzü küka ake.”

John 11:4

Ikemu ti chilu kelo Jisü no pi, “Aküsü hi ye akithipu kumoe. Hi ye Alhou jekipipu ghenguno ke, eno hipau vecheo Alhou Nu jekipipu shiniye ke.”

John 11:41

Ikehu panongu no atuqu ikhive. Eno Jisü no kunguu jupuku no pi, “Apu, Nono I tsa chilu tsüke ghenguno I no O shikimthi ani.

John 12:23

Jisü no khochile, “Timi Nu jekipipu shikepu do ighivae.

John 13:1

Hechekulu Ghulhu zülo Jisü no hipa yeghi qhive no Apu lau wuveni keu tüqhüdo tove keu ithive kelo, pa no ayeghi lo paw shive keqo kimiye chekehu ashekha kutolo panoqo kimiye.

John 16:32

Julo, atüqhüdo cheni, eno mtsüqheino ighivae, nongu kümtsü pütüta kilo apanaghave nani, eno I likhi qhive nani. Ikeghi ni ye I likhive monani, kughengu Apu no I gholo ani.

John 7:30

Ikehu panongu no pa kügha luve niye shi, ikemu khunomu pa shou au bemlae, kughengu pa do ye tomono ake.

John 7:39

Pa no hi pikeu ye pa pülü kemi no Aghungu ithuluni ye akeu ghili piae, kughengu ti kutolo Jisü pesü ajuküvüpu shitsü mphi kehu Aghungu tsümono ake.

John 8:20

Hi kümtsü pa no achineki lo kütsü akelono akümllagho kiqhi-a phivilo no pike; ikemu khunomu pa küghamoe kughengu pa do ye ighi mono ae.

Apostolmi 3:13

Abraham, Isaac, eno Jacob Lhou, ni puasü Lhou no Pa qeu Jisü, khuu Pilate no kuqho pheveni pi keghi nongu no pa zülono akipimi tsüno milive keno, pa juküvüpu shive tsüae.

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.