John 16:28 - Sumi Naga CL (Re-edited) Bible (BSI)

²⁸ Ni ye Apu launo ighi eno ayeghi lo ighivae; eno itehi ni ye ayeghi qhive no Apu lau wucheae.”

BAIBEL (BSI)

²⁸ Niye Apu launo ighike eno ayeghilo ighivae; eno itaghi ayeghiqha qhiveno Apuh lau wuveni cheni.”

Sümi Tiqhelimi Bible

²⁸ Ni ye Apù lau no ayeghi lo ighike; ni ye itehi ye ayeghi qhive no Apù lau idewove cheae.”

John 16:28 Iomraidhean Croise

Luke 24:51

Panongu kümghatsü ghi pa ye panoqo launo kütüta shisü kungugha lo saikuve.

Luke 9:51

Kughou Jisü saikuve kepu tsala kupunuve keno, pa ye Jerusalem lo wunike thebeive.

John 13:1

Hechekulu Ghulhu zülo Jisü no hipa yeghi qhive no Apu lau wuveni keu tüqhüdo tove keu ithive kelo, pa no ayeghi lo paw shive keqo kimiye chekehu ashekha kutolo panoqo kimiye.

John 13:3

Apu no thokha Jisü u lo süve tsükeu, eno pa ye Alhou launo ighi no Alhou lau wuveni chenie pikeu pa no ithi akehu,

John 14:28

I no nongu vilo, ‘Ni ye wuveni cheni ikemu nongu lau ighi nani,’ ipikeu nongu no chiluvae. Nongu no I kimiye aye, nongu ye alovi nani, kughengu ni ye Apu lau wucheae eno Apu no I nguno akijeu ke.

John 16:10

amikucho tsa loye, ni ye Apu lau wuve chea eno nongu no ni ithulumo akehu;

John 16:16

“Ado kitila thiu nongu ye ni ithumlave nani, itaghi ado kitila thiuno nongu no ni ithulu nani.”

John 16:30

Itehi ye ningu no ithive ake no ye thokha ithi ani eno khunomu o vilo ighiju akepu vehu kühavae; hi ghenguno no ye Alhou launo ighi kepi ningu no pülü luvae.”

John 16:5

Ikemu itehi ni ye I puwu keu lau wucheae, ikeghi nongu khunomu I vilo, ‘No ye khila wucheni kea?’ ipi ighiju moe.

John 17:11

Ni ye ayeghi lo ngomae, eno O lau cheae, ikemu panongu ye ayeghi lo aphie. Apu Akimtheu, O je lono Nono I tsükeqo khe tsülo, tishianguno nikujo no lakhi ketoi panongu ghi lakhi shi penie.

John 17:13

Ikemu itehi ni ye O lau chea, eno ayeghi lo akelo I no hipaqo pikeu ye panongu pelo I lokivi panongu lolo kupulu peniye ke.

John 17:5

Apuo, ayeghiqha lhophe mphilo I no O gholo akelo ajuküvü achekeu pesü itehi O nhethe lono I juküvüpu shitsülo.

John 8:14

Jisü no khochile, “I no ni ampi shepe shi aghi namu, I shepe ye kuchoue, kughengu ni ye khilano ighi eno khila wucheni keno I no ithi ani. Ikemu ni ye khilano ighi momu khila wucheni keno nongu ye mthae.

John 8:42

Jisü no panoqo vilo pi, “Alhou no nongu papu keaye nongu ye I kimiyeni cheke, kughengu ni ye Alhou launo ighi eno ni ye hile ani. Ni ye I kutoshi no ighike kumoe ikemu Pa no I puwuke.