John 16:21 - Sumi Naga CL (Re-edited) Bible (BSI)

²¹ Totimi lakhi no anga pununi kelo, li tüqhüdo ye ighive akehu li ye amloksa shicheni, ikemu kughou no anga punuveni keno, anga lakhi ayeghi lo punu sülukeu lokivi lono li ye aghime kümsü mlave cheni.

BAIBEL (BSI)

²¹ Totimi lakhiye anga punu niye su akelo amloksa shicheni, kughengu lino aghime shikepudo ighi kehu; ikemu kughono anga punuluveni keno liye li ghime kumsumave cheni, tiye anga lakhi ayeghilo punusulukeu lokivi launoke.

Sümi Tiqhelimi Bible

²¹ Totimi lakhi ye angá punúni kelo sǜ cheni kughengu li do ye ighivea ke; ikemu kughou li no angá punúveni keno li ye angá hu ayeghi lo punuqhiluve keu lokiqi ghenguno amloghuju hu kümsümave cheni.

John 16:21 Iomraidhean Croise

BOTHUBO 3:16

Totimi vilo Pa no pi, “I no mtsüqheino o punu küsü küghüsüve tsüni; no ye aküsü lono atianuli punu nani. Tishimu nono o kimi jumine nani, eno pa no o shou ayepe nani.”

JOB 11:16

Nono o veküsa kümsümave nani; tipaqo ye züqozü no qowuve ketoi nono kümsülu nani.

LESHELE 113:9

Pa no totimi anuhami lau akibo kuto tsüno li pelo alokivi shi atianuli paza shilupe cheni. Ampeu sheqhelo!

ISAIAH 13:8

Panongu ye thüghüive no apunu küsü sü akeshi aghime no tshüluve nani. Panongu no kichimamashi agi no hughüipe lakhino lakhi jukile nani.

ISAIAH 21:3

Hi ghenguno ni ye totimi no apunu küsü sü akeshi aküsü no I phi kümtsü tsügha luvae; hi chilu eno ithulupe ni ye pishepe apuchopungo auvae.

ISAIAH 66:7

“Li ye apunu küsü sümphi lono punuve ke; aküsü no li shou ikughi mphi lono li ye anu punuve.

MICAH 4:10

O Zion limi, totimi no apunu küsü lo aketoi ihi eno ighalo, kughengu itehi nongu ye mishighüna lono ipeve nani eno aluza qhalo xüuve niae; nongu ye Babylon lo wuniae. Tilauno nongu xaphelu nani; Ampeu no nongu ghümi u lono nongu xachilelu nani.

MICAH 4:9

Itehi nongu ye kushiye ighaqa ani kea? Nongu ye akükau kühava kea? Nongu lapiyemi pühave kehu totimi punu küsü toikeu no nongu tsüqü luve akeshea?

Galatiami 4:27

Kughengu shi yepüani: “Alovilo, anuhau anu iqomo keu; ilhethu ighamkulo, no apunu küsü süju mphi keu! Kughengu no jumuve keu totimi huno akimi akeu nipu nguno alau atianuli ananie.”

1 Thes. 5:3

Timiqo no, “Iqüghai eno sükusho ani,” ipi ake lono totimi no apunu küsü ighive ketoi züleno pano shou kütsakungo ighi nani, eno panongu ye poka mlave nani.