John 16:20 - Sumi Naga CL (Re-edited) Bible (BSI)

²⁰ Kuchou no I no nongu vilo piani, ayeghiqha no alovi akelo nongu ye mloqa nani. Nongu ye amloksa no chhitoi nani, ikemu nongu mloküsa ye alokivipu shive nani.

BAIBEL (BSI)

²⁰ Kuchouno ino nongu vilo pini: Nonguye igha qah nani ikemu ayeghiqhano alokivi shi anani; nonguye amloksa shi nani ikemu nongu mlokusa hu alokivipu shive nani.

Sümi Tiqhelimi Bible

²⁰ Kuchou no I no nongu vilo pìní, ayeghiqha no alovishe akelo nongu ye qanimlo nani. Nongu ye amlokighishi shi nani, ikemu nongu mlokighishi ye alokiqipu shive nani.

John 16:20 Iomraidhean Croise

JOB 20:5

Kixikilami lokivi ye ado ikholo, Alhou kümthami mlokiqi ye asüchedo lakhi likhie.

LESHELE 30:11

Nono I mloghime pesü alokivi kighilhe shive tsüe; Nono Iw yeqhiyephi ikhiluve tsü, eno alokivi pesü I puuke,

LESHELE 30:5

Kughengu Pa loghu ye ado ikhonhei ghenguno, eno Pa mlokiqi ye aküxü tivilo ke. Putho lo anhezü piji aghiluvi, ikemu inaqhe no alokivi ighi cheni.

LESHELE 97:11

Aküvü no amikuchomi shou yepuku ke, eno amlo kümzümi shou alovi ke.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

JEREMIYA 31:25

Kughengu I no qeinaive kemi eno kulhokughomi ghapiqi tsüno aghüthi püxütsü nani.”

MATTHEW 21:38

Ikemu kughou mishikulumi no anu ithulu keno, panongu lakhi no lakhi vilo pi, ‘Hi no amheghi kiyighiue. Ighilo, ningu pa pithive no pa mheghi luveni nolo.’

MATTHEW 5:4

“Khunono mloqa cheni keno akümghapue, kughengu panongu lokughuno tsünani.

Mark 14:72

Paikhavi awudu no akiniu ighave. Jisü no kishi pa vilo pi keno pa no kümsüchilelu, “Awudu no ghuthu akiniu ighamphi lono no ye ghuthu küthü ni milive nani.” Pa no amloghuju shi qauve.

Mark 16:10

Li no wu püzü khunoqo qamlo akeno, Jisü poshumiqo vilo pi.

Luke 22:45

Tithiu pa no ithughi no pa khopemi lau ighi kelo panongu ye amloksa lono miqemlei züuve aghi.

Luke 22:62

Peter no khalau ipeve no kukhukimji shi qae.

Luke 23:27

Aqokitikhi kije eno totimi kutomo no pa ghenguno mloqa papeche.

Luke 24:17

Jisü no pama vilo iniju, “Nokujo ye kiu tsa no tishi kütsala kile cheni kea?” Pama no agi zümoipe inaqhoi ngove.

Luke 24:21

Ikemu ninguu ye pau no Israel xachilelu nanie pi laju cheke. Tinguno alau, hi kümtsü ishiküthüni no shivae.

Luke 6:21

“Nongu khunono itehi müzüthi ani keno akümghapue, kughengu nongu ghapiqi tsü nani. “Nongu khunono itehi mloqa ani keno akümghapue, kughengu nongu ye alovi nu nani.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

John 16:6

Ikemu I no nongu vilo hipaqo pike ghenguno, nongu ye amlo ghime no chhitoivae.

John 20:20

Pa no hipatsa pive kethiu, pa u ngo pa jibo pesü panoqo piye. Akhopemi no Ampeu ithulu kelo alokivi shive.

Apostolmi 5:41

Apostolmi no hoho zülono cheve no Jisü je ghenguno akukujo ithulu küzüpu shikehu alokivi shive.

Rommi 5:11

Tinguno alau, ni Mpeu Jisü Khristo ghenguno ningu ye Alhou lau külashilu kehu nino Pa vecheo Alhou lau aloviqhiyi acheni.

2 Kor. 6:10

amloime ketoi anamu alhokuthu alovi cheni; kumlhomi toi anamu timi kutomo pesü kinimi shitsü cheni; kiumu küha ketoi keghi thokha kümtsü acheni.

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

1 Thes. 1:6

Nongu no ningu eno Ampeu kimihi shike, kughengu nongu no aghime kitikhi lono Aghungu Kimthe lokivi pesü atsakiviu ikhilu,

James 1:2

I thiküzümiqo, kughou nongu no akijiksa jeli sholuni keno, ti kümtsü alokivi lo kihisülo,

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

Piyeküsü 11:10

eno ayeghi lo xüküami no pama ghenguno alovi ilhe no agho pesü tsükile nani, kughengu tungkupmi hi pama ye ayeghilomi kijiküpsau ke.

Piyeküsü 18:7

Li ampi no li jepipi eno aghakiqishi küakini kuthole xü kehu tipa qhemi aghime eno akumlo li tsülo, kughengu li no amlo lono piche, ‘Ni ye kükaliu lakhi shi iqa ani, ni ye chimemi kumoe, eno ni ye khilemu akumlo sholumo nani.’