John 16:2 - Sumi Naga CL (Re-edited) Bible (BSI)

² Panongu no sinagog lono nongu haphe nani. Mtsüqheino khunono nongu pithiluni keno, pa ye Alhou huthulu ani kepi kümsüni keu tüqhüdo hu cheni.

BAIBEL (BSI)

² Panonguno Sinagog lono nongu hapheve nani. Aghuloki hu cheni kughou timi khunono nongu pithiluni keno paye ti shilukeuno Alhou huthulu ani kepi kumsu nani.

Sümi Tiqhelimi Bible

² Panongu no synagog lono nongu hapheve nani; kuchou lo ye kughou timi khuno no nongu heqhi pithini keno panongu ye Alhou lau hukuthu kümlagho shi ani küghashi kümsüveni keu do cheni.

John 16:2 Iomraidhean Croise

ISAIAH 65:5

panongu no picheni, “I launo putosülo; ni ye akimthe ke.” Hipaqo ye I nigi lo amchhi ke, puchopuju iqü chekeu mi ke.

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

DANIEL 11:33

Alokütsümi no kutomo pelo vethalupe nani, ado kitila ghenguno kemu panongu ye azütakikihi, ami, akughu, eno pükaqhi keu lono ikiqive nani.

MATTHEW 10:28

Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

MATTHEW 24:9

“Tileno nongu pesü shikighime eno pithive penike küghaluve nani, shiye kümtsü no I je ghenguno nongu jumithi nani.

Luke 6:22

“Kughou Timi Nu ghenguno timi no nongu mithini, eno nongu hapheve no thaigha ghi atichepu shi nongu juaje shitsüni keno, nongu ye akümghapue!

John 12:42

Tishimu kutomo no eno yepemi gholo ghi pa pülübe luve, ikemu Phariseemi msa kehu panongu ye piphemoe, tishianguno panoqo pesü sinagog lono haphe pemo niye ke;

John 16:25

“Ni ye thime hipaqo pesü nongu vilo kimghikipiye lono pivae. I no kimghikipiye lono nongu pütsamo no shoboi Apu ghili nongu vilo pikepu tüqhüdo cheni.

John 16:32

Julo, atüqhüdo cheni, eno mtsüqheino ighivae, nongu kümtsü pütüta kilo apanaghave nani, eno I likhi qhive nani. Ikeghi ni ye I likhive monani, kughengu Apu no I gholo ani.

John 4:21

Jisü no li vilo pi, “Totimio, I pülülo, naghuto hipau loke kumono Jerusalem lono mu nongu no Apu mlla moveni keu tüqhüdo cheni.

John 4:23

Ikemu kuchou kümllami no aghungu eno kuchou lono Apu mllani keu tüqhüdo cheni, eno ti ye itehi ke, kughengu Apu ye hitoi Pa mllani kemi phucheni.

John 9:22

(Pa puaza ye Jewmi msake ghenguno hipatsa pike, kughengu Jewmi no khukhumu Jisü ye Khristo kepi piphe keu ye sinagog lono hapheveni keu shi xathave ke.)

John 9:34

Panongu no pa khochile, “No ye axine lo punusü püani püzü nono ningu shikani kea?” Tishino panongu no pa hapheve.

Apostolmi 5:33

Panongu no ti chilupe axuideve no apostolmi pithiveni shive.

Apostolmi 7:56

Pa no pi, “Julo, atsütsü khaqhi no Alhou u ajeu Timi Nu puthugho akeu I no ithulu ani.”

1 Kor. 4:13

ningu thaigha aye nino akümtsha shi khochile cheni. Ningu ye ayeghiqha ghapheu, eno timiqow tübatüzü xukupuu shivae eno shianie.

FILIPIAMI 3:6

achineye lo amlotsü keu tsa loye, akukuhou kijiküpsau; eno Ayezah qholono amikucho shikeu loye tukutiye kühae.

Piyeküsü 6:9

Kughou Ambeti no michida apunguu xükho keno, Alhou Tsa eno tipau shepekishi ghenguno ghiqhive kemi ghunguqo akümlla kiptia qholo aghikeu I no ithulu.

XAKUTHAMI 6:30

Tile panongu no Joash vilo pi, “O nu pithive nike saipeghi lo, kughengu pa no Baal kümlla khache tulave tsü eno tipau phivilo Asherah julho loqhive tsüae.”