John 15:20 - Sumi Naga CL (Re-edited) Bible (BSI)

²⁰ I no nongu vilo pikeu tsa kümsü lulo: ‘Aqemi ye pa mpeu nguno akijeu kumoe.’ Panongu no I pishipuju aye, nongu ghi pishipuju nani. Panongu no I tsa pelu aye, nongu tsa ghi pelu nani.

BAIBEL (BSI)

²⁰ Ino nongu vilo pivekeu tsa kumsululo: ‘Aquaxemi lakhiye pa mipeu nguno akijeu kumoe.’ Panonguno ipishipuju aye nongu ghi pishipuju nani, panonguno itsa papelu aye nongu tsa ghi papelu nani.

Sümi Tiqhelimi Bible

²⁰ I no nongu vilo kiu pi keno kümsülulo: ‘Aqemi lakhi ye pa mpeu nguno akijeu kumoe.’ Panongu no I pishi-puju aye, panongu ye nongu ghí pishi-puju nani. Panongu no I kükütsü gholu aye, panongu ye nongu kükütsü ghí gholu nani.

John 15:20 Iomraidhean Croise

EZEKEL 3:7

Ikemu Israel laghami ye o tsa inini ke pulomo nani, kughengu panongu ye I tsa inini ke pulomoe: kughengu Israel laghami ye kümtsü no kuthovi eno amlo mkake.

MATTHEW 10:24

“Akhopeu lakhi ye pa kükütsüu nguno akijeu kumoe, momu aqüaxeu ye pa mpeu nguno akijeu kumoe.

Mark 10:39

“Nikujo ye shilu nani,” pama no khochile. Jisü no pama vilo pi, “Nokujo ye I no shokeu jukhu sho nani, eno baptiz khikhi I shou shitsü keno nokujo ghi baptiz tipau shilu nani,

Luke 2:34

Simeon no panongu kümgha tsüno anu paza Mary vilo pi, “Jualo, anu hipau vecheo Israel lo timi kutomo ikiqive eno kutomo ithughilu, eno timi no mjochile kepu michipu shi penike pa puwu ani,

Luke 6:40

Akhopeu ye paw shikükau nguno akiqheu ke kumoe, ikemu kughou pa no qokiphe ithulu kepushi akeu kupuveni keno, paw shikükau toive nani.

John 10:31

Jewmi no itaghi atu ikhipe pa veqhi niye shie.

John 11:57

Achinetomi ngo Phariseemi no Jisü kügha luveni ke ghenguno khukhumu pa no khile ani keno ithi aye panoqo pithi penike azah tsüve.

John 13:16

Kuchou no I no nongu vilo piani, aqeu lakhi ye pa mpeu nguno akijeu kumoe; momu aghinimi ye pa puwu akeu nguno akijeu ke kumoe.

John 5:16

Hi ghenguno Jewmi no Jisü pishipuju thuve, kughengu pa no Sabbath tsala lono hitoi keu kümla shike.

John 7:32

Phariseemi no aqokitikhi gholo Jisü ghili kügha akeu chilu, eno achinetomi ngo Phariseemi no pa kügha penike aghukhemi puwu.

John 8:51

Kuchou no I no nongu vilo piani, khuu no I tsa peluni keno pa ye khilemu thimo nani.”

John 8:52

Jewmi no pa vilo pi, “No ye tüghami o lolo anie pi itehi ye nino ithivae! Abraham ye thivae, eno tungkupmiqo ghi thivae, ikeghi nono, ‘khuu no I tsa peluni keno khilemu akithi michemo nani’ ipi ani.

John 8:59

Ikelo panongu no pa veniye atu ikhilu, ikemu Jisü no itshüve no achineki lono ipeve.

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

1 Kor. 4:12

ningu ye ichheime ni u no mla cheni. Ningu ghusho aye, nino kümghave tsü cheni; ningu shikighime aye nino kutuu cheni;

2 Kor. 4:9

shikighime cheni ikemu pheve chemoe; hekuluqhi ikemu kütsave chemoe;

1 Thes. 2:15

Jewmi no Ampeu Jisü eno tungkupmi ghiqhive, eno ningu hapheve, Alhou pulou kumo shive, eno timi kümtsü ghümi shino

2 Tim. 3:12

Kuchou no Khristo gholo xükimepe Alhou sükümsa küxü xünishi kemi kümtsü shikimighi nani;

SAMUEL ATUGHIU 8:7

Ampeu no Samuel vilo pi, “Panongu no o vilo pi akeqo tsa kümtsü inilo, kughengu panongu ye o milive amoe, ikemu I no pano shou akükau shi akeu milive ani.