John 15:16 - Sumi Naga CL (Re-edited) Bible (BSI)

¹⁶ Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

BAIBEL (BSI)

¹⁶ Nonguno ikisheluke kumoe, ikemu ino nongu kishelu eno nongu hekutsulu eno wupuzu tamono axathi kutomo pithipeni yeke. Tishianguno nonguno ije lono Apuh vilo kiu kiumu khu aye pano nongu tsu nani.

Sümi Tiqhelimi Bible

¹⁶ Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

John 15:16 Iomraidhean Croise

BOTHUBO 18:18

Abraham ye mtsüqheino kije eno akughushu shiye shi nani, eno ayeghi lo shiye kümtsü pa vecheo müghalu nani.

LESHELE 145:4

Tiqheli lakhi lono lakhiu kutolo O kümla pikibe nani, eno O kughushu kümla shuphe nani.

LESHELE 71:18

Ikehu I no kitemi shive no asa mpave namu O küka pesü ighini keu tiqhelimi vilo sheshulu moke kutolo I pheve kevilo, O Alhou.

AHOLE 11:30

Amikuchomi xathi ye aküxüpu sübo, eno alokütsümi no aküxü pükhalu cheni.

ISAIAH 27:6

Ighinikeu tsala lo Jacob lagha ye akuhu qüsüve nani, Israelmi no mini ipeghi no punani eno axathi no ayeghi nhakha nani.

MICAH 5:7

Tishino Jacobw ghükulumi ye Ampeu tsüzü toi, atsüni shou tsüghuqhi ketoi, ashiaye kutomo dolo anani ti ye timi ghenguno munuve chemo momu timi nuliqo ngokhe chemoe.

MATTHEW 21:22

Eno nongu no akighini lono kiu kiumu khu kelo, nongu no aküpülü aghi aye ithulu nani.”

MATTHEW 7:7

“Khulo, eno ti nongu tsü nani; phulo, eno nongu no phulu nani; kukhulo, eno nongu lau khaqhitsü nani.

Luke 6:13

Kughou atsala ipeghi keno, pa no akhopemi kukütsü no panongu dolono chighikini kishephe, eno tipaqo pesü apostolmi ipi kuvetsü:

John 13:18

Ni ye nongu kümtsü ghenguno piamoe; I no khuno kisheluve akeno ithi ani. Ikemu hi ye Kuchoyesü shikupu niyeke, ‘Khuu no I sho chu keno, pa no I shou chhophisüe.’

John 15:19

Nongu no ayeghiqha laumi keaye, ayeghiqha no pano laumi toi nongu kimiyeni cheke; ikemu ayeghiqha launo I no nongu kisheluve ke ghenguno ayeghiqha no nongu mithi ani.

John 15:5

Ni ye atsaibo; eno nongu no alokaqo ke. Khunono I lau ani eno I no khuno lau ani keno, pa no axathi kutomo pithi cheni, kughengu I sümo keloye nongu ye kiumu shimlae.

John 6:70

Jisü no panoqo khochile, “I no no chighikini kishelu kekumo? Ikeghi nongu gholo lakhi ye tüghamie.”

Apostolmi 1:24

Panongu no inikhu no pi, “O Ampeu, nono timi kümtsü mlo ithi anike ningu piye tsülo, hi pama dolo Nono khikhiu kishepe

Apostolmi 1:8

Ikemu kughou nongu shou Aghungu Kimthe ighini keno, nongu no akumto ithulu nani, eno Jerusalem, Judea kümtsü, Samaria, eno ayeghi shekha kutolo nongu no I shepemi shi nani.”

Apostolmi 10:41

timi kümtsü lau kumo kemu Alhou no thopimi shipenike kisheluve kemi, pa no akithi lono ithughive kethiu pa sasü kümtsa chusho kemi ningu lau ipeghi ke.

Apostolmi 22:14

Pa no pi, ‘Ni puasü Lhou no o pelo Pa pulou ithi, Amikuchou ithulu, eno Pa no pikeu tsa chilu penike o süsüvae.

Apostolmi 9:15

Ikemu Ampeu no pi, “Wulo, kughengu pa no I je pesü Jewkumomi ngo kükami eno Israelmi zülo wu penike I no kishevae.

Rommi 1:13

Aküsamiqo, nongu pelo mthano apeni shimoye pi ani, ni ye ghuthu kutomo nongu lau eno Jewkumomi lau ghi ighi no nongu gholo ghile hunike kughu ighivae (ikemu ishi kutolo lakhave ke likhie).

Rommi 1:5

Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,

Rommi 15:4

Khaghi ghuloki lono kiu yepe qhive keno ti ye ishi ningu qoputhu niye ke, tishianguno Kuchoyesü lo kheakulu eno shikumtokütsü vecheo ningu pelo lajupu apeniye ke.

Rommi 9:21

Alikiyiqiu ye aghani mqo lakhi pesü ali kütüta, lakhi no akhotopu lo eno lakhiu ye inapügha vehulo peitha kepu, mlapheni keu chipiu kühaveni keshea?

1 Kor. 10:11

Hi kümtsü kichekipiye shi panongu shou ikughi kemu ningu ghutu ghi tipaqo yepe qhitsüe, kughengu ningu ye ashekha ghuloki lo ayae.

Galatiami 1:15

Ikemu I punu mphi lono khuu no ni kishe kütüta shino paw küpükini lono I kulu keno,

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

Kolosiami 1:6

Atsakiviu khikhi nongu lau ighive akeno, nongu no ti chilu no kuchou lono Alhouw küpükini vethalu keu tsala lono athi pithi eno ikowo aketoi ayeghiqha kümtsü lo tishi ani.

1 Tim. 2:7

Hi ghenguno I pesü akükütsüu eno apostolmi shi süsü ke (ni ye kuchou tsa piani thono miki amoe), ni ye aküpülü eno kuchou lono Jewkumomi shikükau ke.

2 Tim. 1:11

Atsakiviu hipau hu pikülha penike I pesü akükütsüu, apostolmi eno shikükau shi süküsü shi,

2 Tim. 2:2

eno thopimi kutomo küa lono I no pikeu, nono chilu püakeu tsaqo pesü pükhükulumi khunono kütami shikalu nani keno, tipaqo pichebe lo.

Titus 1:5

I no Crete lo o qhive keu ye hipau kimji lono ke, o pelo kiu shikha move keno kithikiyi shive tsüno mishiphu kümtsü lo I no azah o tsüke toi kichimi süsü peniye ke.

IBRIMI 11:4

Aküpülü lono Abel no Cain nguno ikhikulupu ghakishi Alhou lau tsü, eno Alhou no pa kümllagho ikhilu tsüno aküpülü vecheo pa ye amikucho kepi kihi tsüe. Pa ye thive namu aküpülü vecheo pi chephie.

James 3:18

Alashi chekemi no alakishi lono apiti yisü keu lono amikucho ghile hucheni.

1 Peter 3:15

ikemu nongu mlo lo Khristo ye Ampeu eno akimthe kepi gihulo, nongu lolo lajupu akeu kiqi khuana no iniju aye sükusho tsa pilu kepushi alhokuthu kutope alo; tishimu akümtsha eno sükümsa lono shilo,

1 Peter 3:2

ti ye panongu no nonguw sümsa küzüpu eno tsüghükhüi keu süqesüli ithulu kelono zülu nani.

1 John 4:10

Kikimiye ye hipau lo ani: ningu no Alhou kimiye ke kumono Pa no ningu kimiye eno Pa Nu pesü ni ghenguno axine kümllagho shive penike puwue.

1 John 4:19

Ningu no kimiye kile chekeu ye Alhou paghino ningu kimiye kehue.