John 14:6 - Sumi Naga CL (Re-edited) Bible (BSI)

⁶ Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

BAIBEL (BSI)

⁶ Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

Sümi Tiqhelimi Bible

⁶ Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

John 14:6 Iomraidhean Croise

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

John 1:4

Pa lolo aküxüpu ae, eno aküxüpu huno timiqo küvü ke.

John 10:28

I no lhokta küxü panongu tsüe, panongu ye khilemu pühave monani, eno khunomu I u lono panoqo süxaluve mlae.

John 10:7

Ikehu Jisü no itaghi panoqo vilo pi, “Kuchou no I no nongu vilo piani, ni ye ambeqo hukikha ke.

John 10:9

Ni ye ahukikha ke. Khunono I vechesü iloni keno pa ye xaluve nani eno ipe-ilo luno atsüni kümtsha-a phulu nani.

John 14:19

Ado kitila thiu ayeghilomi ye ni ithumlave nani, ikemu nongu ye ni ithulu nani. I no xü ani kehu nongu ghi xü nani.

John 15:1

“Ni ye atsaibo kuchou eno I Pu ye atsailu kichiu ke.

John 18:37

Tile Pilate no pa vilo pi, “Tishiaye no ye akükau keshea?” Jisü no khochile, “Ni ye akükau kepi nono piani. Hi ghenguno I punue eno hi ghenguno ni ye ayeghi lo ighie— ti ye kuchou lau thopi shiniye ke. Khunono kuchou laumi keno I sütsa ini cheni.”

John 5:21

Kughengu Apu no kithimi xüputhu no aküxü tsü ketoi, Anu ghi aküxü pesü khuno tsünishi keno tsü nani.

John 6:33

Kughengu khuu kungugha lono iqighi no ayeghiqha lau aküxüpu tsü keno, Pa no Alhou no tsükeu shoke.”

John 6:51

Ni ye kungugha lono iqighi keu aküxüküa shoke. Khuu no hipa sho chuni keno pa ye alholo xü nani. I no ayeghiqha küxüpu ghenguno tsü akeu sho ye I shi ke.”

John 6:57

Apu xüakeu no I puwu eno I no Apu ghenguno xü aketoi, khunono I shi eno aji chushoni keno I vecheo pa ghi xülu nani.

John 6:68

Simon Peter no pa khochile, “Ampeu, ningu ye khuu lau wuni kea? Nono lhokta küxüpu tsa ani,

John 8:32

nongu no kuchou ithi nani eno kuchou huno nongu khaqhiphe nani.”

John 8:51

Kuchou no I no nongu vilo piani, khuu no I tsa peluni keno pa ye khilemu thimo nani.”

Apostolmi 3:15

Nongu no aküxü Mpeu khuu Alhou no akithi lono xüputhuve keno, pa pithive. Ningu no tipau thopimi ke.

Apostolmi 4:12

Xakulupu ye khuu lau nomu ithumla nani, kughengu ningu xaluni ke atsütsü qholo aje hinguno kütau timiqo lau tsü püamoe.”

Apostolmi 9:2

Damascus sinagog lo tsüpuwu kepu yesü khu, tishianguno khuana Alaghi laumi, kiptimi na totimi namu, pa no phulu aye küghape Jerusalem lo ighi niye ke.

Rommi 15:16

Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

Rommi 5:2

Pa vecheo ningu ye aküpülü lono Alhouw küpükini khipa shou ningu no itehi puthugho ani keno tighi ithulue, ikehu ningu ye Alhou juküvü küsajeni keu lakuju lo aloviqhiyi acheni.

Rommi 5:21

ikehu, axine no akithipu lo ayepe ketoi, küpükini no Alhou mikucho vecheo ni Mpeu Jisü Khristo küdau no lhokta küxü tsünike ayepe nani.

1 Kor. 15:45

Ishi yepüake toi: “Timi atüghüu Adam ye aküxüküa shi lhoke”; ikemu ashekhau Adam ye aküxüküa Ghungu ilhouve.

Ephesiami 2:18

Kughengu ningu amqo kinikujo pa vecheo Aghungu lakhi lono Apu pesü ningu kütsa shilue.

Kolosiami 2:17

Hipaqo ye ighini ye akeu thimeqo yekibide ke, ikemu athi kuchou ye Khristo gholo ani.

Kolosiami 2:9

Kughengu Khristo lolo Alhou lhoaye kuchopu kupukülai ani,

Kolosiami 3:4

Khristo, khuu nongu küxü keno, pa no ipeghi kelo, nongu ghi ajuküvü lono pa gholo ipeghi nani.

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

IBRIMI 9:8

Hipau vecheo Aghungu Kimthe no ningu piye akeu ye khalau bocho no ake thaqhülo Shishe Akimthe-a lo iloni keu pephemla aphie

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

1 Peter 2:4

Timi no kileqhive kemu Alhou nhethe loye kishekiphe eno akughupu shive aghikeu aküxüpu tuqu lau nongu no ighi kelo,

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

1 John 1:8

Tsala nino ningu ye axine kühae pi aye, ni likhi ninguu pishiqhi auva eno ni lolo kuchou kühae.

1 John 2:23

Khunomu Anu milive no Apu ikhilu mlae. Khuu no Anu ikhilu ani keno Apu ghi ikhilu ani.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

1 John 5:6

Hi ye, Khuu azü eno aji pesü ighi keno—Jisü Khristo huke; azü likhimu kumo ikemu azü eno aji kinikujo ke. Eno Aghungu no kuchou kepi ashepe shitsü, kughengu Aghungu ye kuchou huke.

2 John 1:9

Khuu no Khristo kükütsü lo kumono pa la kütashi wuveni keno, Alhou ye pa gholo kühae. Khukhumu Khristo kükütsü lo kimepe aghi keu ye Apu eno Anu kinikujo ani.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

Piyeküsü 20:15

Khukhumu aküxüpu kaku lo aje ye püaghimo keu ye amiyizü lo vesüve.

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.

Piyeküsü 3:14

“Laodicea kukuhou lo kungumi lau yelo: ‘Pükhükulupu eno Kuchou Thopiu, Alhouw amsüu pulhoküsü Amen tsape.

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.