John 14:28 - Sumi Naga CL (Re-edited) Bible (BSI)

²⁸ I no nongu vilo, ‘Ni ye wuveni cheni ikemu nongu lau ighi nani,’ ipikeu nongu no chiluvae. Nongu no I kimiye aye, nongu ye alovi nani, kughengu ni ye Apu lau wucheae eno Apu no I nguno akijeu ke.

BAIBEL (BSI)

²⁸ Ino ishi pikeu nonguye chiluvae: ‘Niye wuveni cheni ikemu niye nongu lau ideighi nani.’ Nonguno ikimiye aghi aye, ino Apu lau wuni cheni pikeulo nonguye alokivi shikepue, kughengu Apu ye inguno akijeuke.

Sümi Tiqhelimi Bible

²⁸ “Nongu no I no ishi pikeu chiluvae, ‘Ni ye wuchea eno ni ye nongu lau ideighi nani.’ Nongu no I kimiye cheghi aye nongu ye I no Apù lau wuche keu lo alovi nani kughengu Apù ye I nguno akijeu ke.

John 14:28 Iomraidhean Croise

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

LESHELE 68:9

O Alhou, Nono pofushi tsüghuqhi tsüe; O mheghi no qhai-ghoi akelo Nono athoputho tsüe.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

MATTHEW 12:18

“I qeu khuu I no kishephe keno I ngulho no jupe amloqi chekeu, I qhuu julo. I no I ghungu pa shou lepukutsü nani, pa no Iw kuchou xakütha pesü shiyeqo lau sheshu nani.

John 10:38

ikemu I no tipaqo shiaghi aye, nongu no I pülümo namu I kümla pülülo, tishianguno Apu no I lolo ani eno I no Apu lau ani kepi nongu no ithi eno vethalu nani.”

John 13:16

Kuchou no I no nongu vilo piani, aqeu lakhi ye pa mpeu nguno akijeu kumoe; momu aghinimi ye pa puwu akeu nguno akijeu ke kumoe.

John 14:12

“Kuchou no I no nongu vilo piani, khunono I pülüni keno pa ye I no mlakeu kümlaqo shinani; eno ni ye Apu lau wuchea kehu pa no hinguno akijeu mla nani.

John 14:18

“Ni ye mighimgha toi nongu qhivemo nani; I no nongu lau ighi nani.

John 16:7

Tishinamu I no nongu vilo kuchou tsa pini: nongu kivipu ghenguno I no wuve masae, kughengu I no wumo aye Akukuphuu ye nongu lau ighimo nani. Ikemu I no wuve aye, I no nongu lau pa puwu nani.

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

John 20:21

Jisü no itaghi panongu vilo pi, “Nongu gholo aloino keu alo. Apu no I puwu ketoi ni ghi nongu puwu ani.”

John 5:18

Hi ghenguno Jewmi no alaushi Jisü pithiveni ke phuthuve, kughengu pa no Sabbath hexakeu likhi kumono Alhou pesü papue pi, eno pa ampi pesü Alhou sasü aqhemi shike.

John 7:33

Tile Jisü no pi, “Ni ye nongu gholo ado kitila aghi no tithiu no I puwu keu lau wuve nani.

1 Kor. 11:3

Ikemu ni ye nongu pelo ithi penishi akeu ye Khristo no kiptimi kümtsü shou akütsü ke, anipu shou ye li kimi no akütsü ke, eno Khristo shou Alhou no akütsü ke.

1 Peter 1:8

Nongu ye Pa ithulu mphi kemu Pa kimiye cheni. Itehi mu nongu ye Pa ithulu amoe ikemu Pa lau pülübe cheni eno amlokiqi shi piphekümla lokivi gholo ajuküvü no shepichhipe

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”