John 14:26 - Sumi Naga CL (Re-edited) Bible (BSI)

²⁶ Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

BAIBEL (BSI)

²⁶ Ikemu Shikumtokutsuu, Aghungu Kimthe hu Apu no ije lono puwunikeu huno thwokha nongu shika nani, ino nongu vilo pivekeu kumtsu pano nongu pelo kumsuchilelu pe nani.

Sümi Tiqhelimi Bible

²⁶ Ikemu Shikumtokütsüu, Aghungu Kimthe, khikhi Apù no I je lono puwu nani keno, pa no thowkha kümtsü nongu kütsü nani eno I no nongu vilo pive keu kümtsü pesü nongu ghutu nani.

John 14:26 Iomraidhean Croise

LESHELE 51:11

O launo I hapupove kevilo, eno I launo O Ghungu Kimthe süwuve tsü kevilo.

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

ISAIAH 63:10

Ikemu panongu no Pa hebideke, eno Pa Ghungu Kimthe pelo amloküsa shipeke; ikehu Pa no panoqo ghümi lau küqhano Pa ampi no panongu sasü aghüshi ke.

MATTHEW 1:18

Jisü Khristo ye hitoi punu: Paza Mary ye Joseph sasü akibo shinike küsükha kileve no ache, ikemu pama no kümtsa küghüna mphi lono li ye Aghungu Kimthe launo mishipuve aghikeu ithulu.

MATTHEW 1:20

Ikemu pa no hipa vehu kümsükuto ake lono julo, Ampeuw kungumi lakhino asamou no pa lau ipeghi no pi, “David nu Joseph, Mary pesü o nipu shinikeu msa kevilo, kughengu li no khikhi mishipu ani keno ti ye Aghungu Kimthe launo ke.

MATTHEW 28:19

Tighenguno wulo eno shiye kümtsü pesü I khopemi shitsülo, Apu jeku, Anu jeku, eno Aghungu Kimthe jeku panongu baptiz shitsülo,

MATTHEW 3:11

“Aküxü xaide penike I no azü pesü nongu baptiz shitsüe, ikemu I thiu khuu cheni keno, pa no I nguno akumtou, eno pa pukhukuqho mu ni ye peküzüpu kumoe. Pa no Aghungu Kimthe eno ami pesü nongu baptiz shitsü nani.

Mark 12:36

David ampi no Aghungu Kimthe vecheo ishi shuphe keghi, “‘Ampeu no I Mpeu vilo pi, “I no o ghümi pesü o pukhu qholo qhitsü moke kutolo I u ajeu iqalo.”’

Mark 13:11

Kughou nongu küghape akughu shive niye atsakükügha lo sawuni keno, nongu ye kiu pinia pi azüuno amlo kütakihi kevilo, ikemu tipau süchedo lono kiu kiumu o tsükeu pesü pilo, kughengu nongu no kumoe, ikemu Aghungu Kimthe no atsa pi nani.

Luke 1:15

kughengu pa ye Ampeu zülo kije shi nani. Pa ye khilemu aji momu shomzü kepu aji kümka yemo nani, eno pa ye aza polo aphi lono Aghungu Kimthe no chhitoi nani.

Luke 1:35

Kungumi no khochile, “Aghungu Kimthe no o shou ikughi nani eno Shishe Akiqheu küka no o nhape ngo nani; ikehu anu punu niye akeu ye Alhou Nu akimtheu ipi ku nani.

Luke 1:41

Kughou Elizabeth no Mary sütsa chilu keno, li polo anu huno ithauve no li ye Aghungu Kimthe no chhitoive,

Luke 1:67

John papu Zechariah ye Aghungu Kimthe no chhitoive no tungkuptsa pithuve,

Luke 11:13

Tishiaye, nongu alhoksami thotsü kishi agho kivi pesü no tianuli tsü kepu keno ithi aghi aye, kungugha lo Apu ye tinguno alau khije ta Aghungu Kimthe pesü khu kemi tsü nani kelae!”

Luke 2:25

Jerusalem lo timi lakhi Simeon ipikeu ache, pa ye amikucho eno amlo tsüqhiyi Israel lokughuno tsüni keu tsala khelho chekemi, eno Aghungu Kimthe no pa gholo ache kemie.

Luke 24:49

Eno julo, I Pu no kiu piqhi püa keno I no nongu shou puku tsüni. Ikemu kunguu küka no nongu shepichhi moke kutolo aphughi lo ngo aghilo.”

Luke 3:22

eno Aghungu Kimthe no ashi phimpi lono miqhedu kimihi shi iqighi no pa shou ngove; eno kungugha lono asütsa lakhi ighi, “No ye I Nu I qhuu, O jupe Ni ye amlokiqi shicheni.”

John 1:33

Ni ampi ye Pa mtha ikemu khuu no I pelo azü pesü baptiz shipeniye puwu keno, Pa no I vilo pi, ‘Aghungu Kimthe no khuu shou iqighi no ngokeu nono ithulu keno, Pa no Aghungu Kimthe pesü baptiz shitsü nani.’

John 12:16

Pa khopemi ye atüghü lo hipaqo vethamla no ae, ikemu kughou Jisü pesü ajuküvüpu lo xüputhuve keno, tileno panongu no hipaqo ye pa ghenguno yepüani eno pa shou mla püani kepi kümsüchilelue.

John 14:16

I no Apu vilo khutsü nani, eno pülhapuju nongu sasü apenike Pa no Akukuphuu nongu tsü nani,

John 14:25

“I no nongu gholo aphi lono hipaqo pivae.

John 15:26

“Ikemu kughou I no Apu launo puwu keu Akukuphuu ighini keno, Kuchou Ghungu, Apu launo ipeghi keu, huno I shepe shitsü nani.

John 16:7

Tishinamu I no nongu vilo kuchou tsa pini: nongu kivipu ghenguno I no wuve masae, kughengu I no wumo aye Akukuphuu ye nongu lau ighimo nani. Ikemu I no wuve aye, I no nongu lau pa puwu nani.

John 2:22

Tighenguno kughou akithi lono pa xüputhu keno, pa khopemi no pa ye hipau pi akepi kümsüchile luno Kuchoyesü eno Jisü no pikeu tsa pülüve.

John 20:22

Pa no hipau pive kethiu panoqo shou atuthu shepuku no pi, “Aghungu Kimthe sasü lulo.

John 6:45

Tungkupmi kaku lo ishi yepüani, ‘Panongu kümtsü Alhou no shika nani.’ Apu tsa chilu no Pa launo shikalu keqo kümtsü I lau ighi cheni.

John 7:39

Pa no hi pikeu ye pa pülü kemi no Aghungu ithuluni ye akeu ghili piae, kughengu ti kutolo Jisü pesü ajuküvüpu shitsü mphi kehu Aghungu tsümono ake.

Apostolmi 1:2

pa no kishelu kemi Apostolmi lau Aghungu Kimthe vecheo azah tsüve kethiu, kungugha lo pa saikuve keu tsala kutolo.

Apostolmi 1:4

Panongu gholo akelono pa no Jerusalem qhikevi no Apuw pikiqhi khelopi azah tsü, pa no pi, “Nongu no I launo chiluvae;

Apostolmi 1:8

Ikemu kughou nongu shou Aghungu Kimthe ighini keno, nongu no akumto ithulu nani, eno Jerusalem, Judea kümtsü, Samaria, eno ayeghi shekha kutolo nongu no I shepemi shi nani.”

Apostolmi 11:16

Tileno Ampeu no kishi pipüa keno I no kümsülue, ‘John no azü pesü baptiz shitsüe; ikemu nongu ye Aghungu Kimthe no baptiz shitsü nani.’

Apostolmi 13:2

Panongu no Ampeu mlla eno kümvü ake lono Aghungu Kimthe no pi, “Barnabas ngo Saul pama pelo I no kulu keu kümla shipenike kishekimthe lo.”

Apostolmi 13:4

Aghungu Kimthe no puwu ketoi pama no Seleucia lo iqive eno tilauno ashuka lono Cyprus lo wuve.

Apostolmi 15:28

Kughengu hi ye Aghungu Kimthe eno ningu ghi pulolu no bekütha hipaqo nguno alau ye kiu makho mu nongu shou bemoni keu shivae:

Apostolmi 15:8

Timi mlo ithi akeu Lhou no ningu lau mlake toi, Aghungu kimthe panongu tsükeu vecheo panongu lau thopi shi,

Apostolmi 16:6

Asia lo atsakiviu pinike Aghungu Kimthe no hakhave kehu Paul ngo Silas pama ye Phrygia ngo Galatia qhalo wuve.

Apostolmi 2:33

Pa süqhepe Alhou u ajeu qhive no Apu launo Aghungu Kimthe piqhi püakeu ithulu kethiu, nongu ampi no ithulu eno chilu akeu hi ye pa no ningu shou lepuku tsükeu ke.

Apostolmi 2:4

Aghungu Kimthe no panongu kümtsü shepichhive no Aghungu no panongu pelo pilupe kehu amili kütau no pithuve.

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Apostolmi 20:35

I no thokha lo nongu piyeve ake ningu ye ichheime mlano miqemlei kemi kuphu, eno Ampeu Jisü ampi no pikeu tsa kümsülu masae, ‘Tsükeu no lukeu nguno akümghapue.’”

Apostolmi 28:25

Paul no atsa nhekha lakhi pive kethiu panongu dolo akükümsü küqha mlano ixawove: “Aghungu Kimthe no tungkupu Isaiah vecheo nongu puasü vilo ishi pikeu ye achipie:

Apostolmi 5:3

Ikemu Peter no pi, “Ananias, kushiye Aghungu Kimthe pishiqhi niye Satan no o mlo lo iloghive no ayeghi jekulu pisa hami o sala qhiluve kea?

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

Apostolmi 7:55

Ikemu pa ye Aghungu Kimthe no chhitoipe atsütsü lo jupuku no Alhou juküvü ithulu, eno Alhou u ajeu Jisü puthugho akeu ithulue.

Rommi 14:17

Kughengu Alhou yekipe ye chuqu-kusho vehuke kumoe, ikemu Aghungu Kimthe no tsükeu achipiu-mikucho, külakishi eno aloviqhiyi keu ke.

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

Rommi 15:16

Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

Rommi 5:5

eno lajupu hipau ye ni lokümthsüve tsü chemoe, kughengu Aghungu Kimthe ningu lau puwutsü keu huno Alhouw kikimiye pesü ni lolo sütsüke.

1 Kor. 12:3

Tighenguno ni ye nongu pelo ithi penishi ani, Alhou Ghungu lono atsa pi kemi khunomu, “Jisü ye müsüinivae!” ipi chemoe eno khunomu Aghungu Kimthe no sachemo aye, “Jisü ye Ampeu” ipi mlae.

1 Kor. 6:19

Nongu phimpi ye Alhou no nongu tsükeu, nongu lolo akeu Aghungu Kimthe chineki kepi nongu ye mtha keshea? Nongu ye nonguw ke kumoe,

2 Kor. 13:14

Ampeu Jisü Khristow küpükini, Alhouw kikimiye eno Aghungu Kimthew kuposhukulu no nongu kümtsü gholo apeniu.

2 Kor. 6:6

akimthe, akighithi, kutuukulu, kimiyekini, Aghungu Kimthe, kuchou kikimiye lono

Ephesiami 1:13

Kughou nongu no nongu xakulupu tsakiviu kuchou tsape chilu püzü Khristo lau pülübelu keno, Paw shilu keu michishi piqhi püakeu Ghungu Kimthe pesü nongu shou puku tsüe.

Ephesiami 1:17

Ikehu ajuküvü Papu, ni Mpeu Jisü Khristo Lhou no alokütsü ngo piyeküsü ghungu pesü nongu tsüno Pa kighithi lo thuwulu peni;

Ephesiami 4:30

Alhou Ghungu Kimthe no qhüchilekulu tsala ghenguno nongu shou amchipu chishidave akehu nongu ye Pa shikulosü kevilo.

1 Thes. 4:8

Tighenguno khuu no hi ikhilu moni keno, pa ye timi kumono Aghungu Kimthe nongu tsükeu Lhou ikhilu amoe.

2 Tim. 1:14

Aghungu Kimthe ni lolo akeu vecheo, agho kivi o pichebe püakeu jukutolo.

Titus 3:5

Pa no ningu xalue, ti ye nino amikucho kümla shikeu lono kumoe, ikemu Paw kimiyekini vecheo Aghungu Kimthe no qhukimthe pe punu kithe eno akithe shitsüe,

IBRIMI 10:15

Aghungu Kimthe ghi ni lau thopi shitsüe; Pa no atüghüshi pi,

IBRIMI 2:4

Alhou ghi amchipu eno akümzapu, mzamghalei keu jeli eno Pa pulou kiqi lono küsaje tsükeu Aghungu Kimthe gho vecheo ashepe shiküqha tsüke.

IBRIMI 3:7

Tighenguno Aghungu Kimthe no piake toi, “Ishi tsala lo nongu no Alhou sütsa chilu aye,

IBRIMI 9:8

Hipau vecheo Aghungu Kimthe no ningu piye akeu ye khalau bocho no ake thaqhülo Shishe Akimthe-a lo iloni keu pephemla aphie

1 Peter 1:12

Ikelo panongu no mla chekeu ye pano ghenguno kumono nongu ghenguno kepi pano lau pephe piyeve, eno ti ye itehi Atsakiviu kükütsümi no nongu lau sheshuve keu tsape, Aghungu Kimthe vecheo kungugha lono puwu keu khikhi kungumiu ghi tipaqo vehu ithinishi khelho acheni keno tihuke.

2 Peter 1:21

Kughengu tungkuptsa ye timi gho-apulou lono ighi püamoe, ikemu Aghungu Kimthe vecheo Alhou no tsükeu tsape Paw akimthemi no pikeu ke.

1 John 2:20

Ikemu nongu ye Akimtheu huno nukishelu püani, eno kümtsü no kuchou kighithi ani.

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.

1 John 5:7

Ashepe shitsü kemi küthü ani:

Jude 1:20

Ikemu kimiye chekeqo, nonguw shishe akimthe küpülü shiqhe puku eno Aghungu Kimthe lono inikhu keu vecheo,

Piyeküsü 2:11

Khuu no akini ani keno Aghungu no akukuhouqo lau piakeu chilulo. Khuu no theqhi luni keno pa ye akiniu kithi huno ghüzamla nani.’