John 14:21 - Sumi Naga CL (Re-edited) Bible (BSI)

²¹ Khunono I zakütsü ikhilu eno peluni keno, pa no I kimiye cheni. Khuu no I kimiye cheni keno I Pu no pa kimiye nani, eno I no pa kimiye no pa lau ni ampi pephepe piye nani.”

BAIBEL (BSI)

²¹ Khunono ino ahza tsukeu ikhiluni eno tipaqo peluni keno timi tipauno ikimiye cheni. Khunono ikimiye chenikeno iPuno pa kimiye nani, eno nighi pa kimiye nani eno ilikhi ino pa pephe piye nani.”

Sümi Tiqhelimi Bible

²¹ I yezaqo ikhilu eno pelu chekemiqo ye I kimiye cheni. I kimiye chekemiqo ye I pù no pa kimiye nani, eno ni ghí panoqo kimiye eno panongu lau I likhi I pìye nani.”

John 14:21 Iomraidhean Croise

KUKAMI AKINIU 18:6

Kughengu pa no mtotoi Ampeu tsüqüpe, eno Pa launo tsüghüve moe, ikemu Ampeu no Moses tsükeu Yezah pape ke.

LESHELE 35:27

Khunono I chipiu mikucho lo alokiqi shi cheni keno alovi ighamku eno amlo kiqishi tamono ishi pipelo, “Ampeu ye kije ke, Pa ye Pa qeu kivipu ghenguno azüküvü shi cheni!”

IPEKULU 33:18

Moses no pi, “Kimiyeno O juküvü I piyelo.”

AHOLE 8:17

Khunono I kimiye cheni keno I no tipaqo kimiye, khunono aghüiloqhiyi I phuni keno pano no I phulu nani.

JEREMIYA 31:31

“Julo, Ampeu no sheshu, I no Judah kibo sasü puloshoqhi kithe shini keu tsala cheni,

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

Luke 11:28

Ikemu pa no pi, “Khunono Alhou tsa chilu no pekupulu cheni keno panou no akümghaue!”

John 14:15

“Nongu no I kimiye aye, I zakütsüqo pape nani.

John 14:18

“Ni ye mighimgha toi nongu qhivemo nani; I no nongu lau ighi nani.

John 15:14

I no kiu azah tsü keno nongu no pape aye, nongu ye I küsami ke.

John 16:14

Pa no I jepipi tsü nani, kughengu kiu no Iw keno, pa no tipau pesü nongu lau sheshu nani.

John 16:27

kughengu Apu ampi no nongu kimiye ani, kughengu nongu no I kimiye eno ni ye Alhou launo ighi kepi pülübe luvae.

John 17:23

I no panongu lolo, eno Nono I lolo, tishikeu lono panongu ye kupukülai kubocholu peni, tishianguno ayeghiqha pelo Nono I puwu eno Nono I kimiye ketoi panoqo kimiye cheni kepi ithi penie.

Apostolmi 22:18

eno pa no I vilo pikeu ithulu, ‘Mtazü Jerusalem lono ipeve lo, kughengu nono I shepe shikeu panongu ye ikhilu tsümo nani.’

2 Kor. 12:8

I no ghuthu küthü kutolo hipau ghenguno Ampeu qhüiniju.

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

ZAKINIU 11:13

“Ishi tsala lo nongu mlo kuchopu eno angulho kuchopu pesü Ampeu nongu Lhou kimiye eno huthu penike I no tsü akeu zakütsü nongu no pelu aye,

ZAKINIU 7:13

Pa no nongu kimiye, kümghatsü, eno kughuko tsü nani. Pa no nongu puasüqo lau tushoqhi keu yeghi lo nongu polo kughukomi kümghatsü nani, eno no luza lo axathi, athi, atsaizü, eno thazü kümghatsü nani, now amishi eno ambe loji lo atiqo kughuko tsü nani.

2 Thes. 2:16

Itehi ye ni Mpeu Jisü Khristo ampi, eno ni Pu Alhou, khuu no ningu kimiye no küpükini vecheo lhokta lokughuno eno lajupu kivi ni tsü keno,

2 Tim. 4:22

Ampeu no o ghungu gholo apeniu. Ampeuw Küpükini no o gholo apeniu.

1 John 2:5

ikemu khunono Pa tsa peluni keno, kuchou no Alhou kikimiye ye pa launo kupukülailu cheni. Hipau vecheo ningu ye Alhou küdau ani kepi ithilu nani:

1 John 3:1

Apu no kiu toi keu kikimiye pesü ningu tsüve akeno kiqi julo, ningu pesü Alhou nuli kepi kuvetsü no kuchou nomu ningu ye tishi luvae. Ayeghilomi no ningu ithimo keu kiqi ye panongu no Alhou ithimo kehue.

1 John 5:3

Kughengu Alhou kikimiye ye ningu no Pa zakütsüqo pelu keu lono ke. Eno Pa zakütsüqo ye puqhe kümlapu kumoe.

2 John 1:6

Kikimiye ye hipau ke: ningu ye Alhou zakütsü kiqi lono cheche masae. Nongu no abothu lono chiluve ketoi azakütsü hipau tsükeu ye nongu pelo tipau lo cheche peniye ke.

Piyeküsü 2:17

Khuu no akini ani keno Aghungu no akukuhouqo lau piakeu chilulo. Khuu no theqhi luni keno I no küsü püakeu manna hami tsüni, eno atu kimiye lo aje kithe yepuku pe pa tsüni, ti ye khuu no ithuluni keno pa no kumo aye khunomu ti ithimo nani.’

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

Piyeküsü 3:20

Julo, Ni ye ahukikha lo puthugho no kukhu ani. Khuu no I sütsa chilu no ahukikha khaqhi tsüni keno I no pa lau iloghi no pa sasü chushoni eno pa no I gholo chushoni.