John 14:12 - Sumi Naga CL (Re-edited) Bible (BSI)

¹² “Kuchou no I no nongu vilo piani, khunono I pülüni keno pa ye I no mlakeu kümlaqo shinani; eno ni ye Apu lau wuchea kehu pa no hinguno akijeu mla nani.

BAIBEL (BSI)

¹² Kuchouno ino nongu vilo pini, khunono ipuluni keno paye ino mlakeu kumla ghi mlalu nani, eno ino Apu lau wuniake ghenguno paye hipaqo kumla nguno akumla kije mlalukha nani.

Sümi Tiqhelimi Bible

¹² Kuchou no I no nongu vilo pìní, khukhumu I shou pülü kemi ye I no shi chekeu kümlàqo shi nani, eno panongu ye hipaqo nguno akijeu kümlà ghí shi nani, kughengu ni ye Apù lau wucheni ke.

John 14:12 Iomraidhean Croise

MATTHEW 21:21

Jisü no panoqo khochile, “Kuchou no I no nongu vilo piani, nongu no aküpülü aghi püzü amlo lo lipimo aye, mububo lau kiu shive keno nongu no ti shiluke likhi kumono naghuto hipau vilo, ‘Iqesü azüghi lo ilove lo’ ipi namu tishilu nani.

Mark 11:13

Mububo lakhi miniboi putou no ithulu kehu athi pithi aghini mala Jisü no wuju. Kughou pa no ighi keno, mububo pithi kepu tüqhüdo tomo no akehu anipa kumo aye kiumu ithumlave.

Mark 16:17

Amchipu hipaqo no pülü luve kemi gholo anani: I je lono panongu no tüghami haphelu nani; panongu no amilikithe lono atsa pi nani;

John 14:28

I no nongu vilo, ‘Ni ye wuveni cheni ikemu nongu lau ighi nani,’ ipikeu nongu no chiluvae. Nongu no I kimiye aye, nongu ye alovi nani, kughengu ni ye Apu lau wucheae eno Apu no I nguno akijeu ke.

John 16:7

Tishinamu I no nongu vilo kuchou tsa pini: nongu kivipu ghenguno I no wuve masae, kughengu I no wumo aye Akukuphuu ye nongu lau ighimo nani. Ikemu I no wuve aye, I no nongu lau pa puwu nani.

John 4:37

Kughengu ishi pi chekeu ye kuchou ke, ‘Milakhi no xusü cheni eno lakhiu no ghile hucheni.’

John 5:20

Kughengu Apu no Anu kimiye cheni eno Pa ampi no shikeu kümtsü pa piye cheni. Eno nongu pelo akichiqhi penike akümla hinguno akijeu pa piye nani.

John 7:33

Tile Jisü no pi, “Ni ye nongu gholo ado kitila aghi no tithiu no I puwu keu lau wuve nani.

John 7:39

Pa no hi pikeu ye pa pülü kemi no Aghungu ithuluni ye akeu ghili piae, kughengu ti kutolo Jisü pesü ajuküvüpu shitsü mphi kehu Aghungu tsümono ake.

Apostolmi 10:46

Kughengu panongu no amili lono pi akeu eno Alhou sheqhe akeu chilue. Tileno Peter no shuphe,

Apostolmi 16:18

Li no atsala kutomo hitoi shiae. Paul no azüzüve no tsüghüwo aghawu vilo pi, “Jisü Khristo je lono I no azah o tsü anike no ye li launo ipeghive lo.” Tipa mtsa aghawu no ipeghive.

Apostolmi 19:12

pa dilu keu küghüsüphi eno heqhiphi ghi timiqo no küsükinimi lau pewu kelo aküsüqo shipühave, eno tüghaküsa ghungu no tipaqo launo ipeve.

Apostolmi 2:33

Pa süqhepe Alhou u ajeu qhive no Apu launo Aghungu Kimthe piqhi püakeu ithulu kethiu, nongu ampi no ithulu eno chilu akeu hi ye pa no ningu shou lepuku tsükeu ke.

Apostolmi 2:41

Ikehu khunoqo pa tsa ikhilu keno tipaqo baptiz shivetsü, eno tipani timi 3,000 kutolo panongu gholo kihisü luve.

Apostolmi 4:16

“Ningu ye pama pesü kiu shiveni kea? Kughengu paküta keu michipu pama vecheo shikeu Jerusalem lo küami kümtsü no ithiva, eno ningu ye lachile mlavae.

Apostolmi 4:33

Aküka kumto kije lono apostolmi no Ampeu Jisü xüchilekulu shepe shi, eno panongu kümtsü shou küpükini shishe kije ikughi.

Apostolmi 4:4

Ikemu pama tsa chilu kemi kutomo no pülüve, eno akikihi 5,000 kutolo shive.

Apostolmi 5:15

Ikelo timiqo no küsükinimi ghi alaghila lo khape ighi no azüa ngo ayephu lo püzü, tishianguno Peter no ighi kelo pa yekükhü likhimu khami shou ikughilu peniye ke.

Apostolmi 6:7

Alhou tsa alaushi ikowove, Jerusalem lo akhopemi kikihi shishe küghüsüve, eno achinemi kutomo no aküpülü khuaye ikhiluve.

Apostolmi 8:7

Kughengu timi kutomo philo mithekumo ghawu akeqo no aghügha küsashi ighasü ipeghi, aghi-anhü kithimi, eno aphiau kinita kemi shipivi ae.

Apostolmi 9:34

Peter no pa vilo pi, “Aeneas, Jisü Khristo no o shipivi ani, ithu o züa liküzüve lo.” Paikhavi pa no ithuve.

Apostolmi 9:40

Ikemu Peter no panongu kümtsü khalau pipeve no qhoqhünhe pe inikhu, eno pa no akumo küdau tsüghü ighi no pi, “Tabitha, ithulo.” Li no anhethi tsükho, eno Peter ithulu kelo ithu iqave.

Rommi 15:19

amchipu eno akümzapu küka, eno Alhou Ghungu küka lono ke—tishi kehu ni ye Jerusalem lono Illyricum qha kutolo homxasü Khristo tsakiviu kümla shikupu luvae,