John 13:1 - Sumi Naga CL (Re-edited) Bible (BSI)

¹ Hechekulu Ghulhu zülo Jisü no hipa yeghi qhive no Apu lau wuveni keu tüqhüdo tove keu ithive kelo, pa no ayeghi lo paw shive keqo kimiye chekehu ashekha kutolo panoqo kimiye.

BAIBEL (BSI)

¹ Hiye Hechekulu Ghulhu zuloke. Jisu no paye ayeghiqha hipau qhiveno Apuh lau wuvenikeu tuqhudo tovekeu ithive! Ayeghiqhalo khunoqono pawu keno pano pulhapuju tipaqo kimiye che, eno pano ashekha kutolo panoqo kimiyeche.

Sümi Tiqhelimi Bible

¹ Hechekulu ghulhu Tiqhitini shi niye akeu zülo Jisü ye ayeghi hipau qhive no Apù lau wuve nikeu do ighivea kepi ithi ae. Pa ye ayeghi lo pa pülü chekemiqo kimiye ke eno ashekha kutólo panoqo kimiye ke.

John 13:1 Iomraidhean Croise

AHOLE 8:31

Pa yeghiqha lo küxümi kümtsü gholono amlokiqi shiche.”

JEREMIYA 31:3

Ampeu no putou no ni lau ipeghi piye. I no lhokta kikimiye pesü o kimiye; tighenguno I no ishokibe o lau pükhükulu shike.

MATTHEW 26:45

Tithiu pa no akhopemi lau ighi no pi, “Kutou no zü eno akulhoqhi alo. Julo, ado ye ighivae, eno Timi Nu ye axinemi u lo phesüvae.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

Luke 22:53

Kughou I no tsalakipe nongu gholo achineki lo akeno nongu ye I küghamoe. Ikemu hi ye nongu tüqhüdo ae eno aküzü küka ake.”

Luke 9:51

Kughou Jisü saikuve kepu tsala kupunuve keno, pa ye Jerusalem lo wunike thebeive.

John 11:55

Jewmiw Hechekulu kupunuve eno timi kutomo no Aghulhu züuno pano ampi shikimthe niye aphu lono Jerusalem lo iqho.

John 12:23

Jisü no khochile, “Timi Nu jekipipu shikepu do ighivae.

John 13:29

Judas no pisabo puche kehu Jisü ye pa vilo “Aghulhu ghenguno ningu no kiu avehupu shiani keno qhüvelo,” momu kiu kiumu pesü kumlhomi tsü masae, ipi ani küghashi khami ye kümsüve.

John 13:3

Apu no thokha Jisü u lo süve tsükeu, eno pa ye Alhou launo ighi no Alhou lau wuveni chenie pikeu pa no ithi akehu,

John 13:34

Azakütsü kithe lakhi I no nongu tsü ani: nongu lakhino lakhi kimiye kilelo; I no nongu kimiye ketoi nongu ghi lakhino lakhi kimiyelo.

John 14:28

I no nongu vilo, ‘Ni ye wuveni cheni ikemu nongu lau ighi nani,’ ipikeu nongu no chiluvae. Nongu no I kimiye aye, nongu ye alovi nani, kughengu ni ye Apu lau wucheae eno Apu no I nguno akijeu ke.

John 14:31

ikemu ni ye Apu no azah I tsüke toi shicheni, tishianguno ayeghilomi no ni ye Apu kimiye cheni kepi ithi peniye ke. Ithulo, ningu hileno wuveni.”

John 16:28

Ni ye Apu launo ighi eno ayeghi lo ighivae; eno itehi ni ye ayeghi qhive no Apu lau wucheae.”

John 17:1

Jisü no hipaqo pive kethiu pa gi peqhepe kungugha lo juno pi, “Apu, atüqhüdo ye ighivae, O Nu pelo O juküvüpu shilu penike O Nu juküvüpu shitsülo.

John 17:16

I no ayeghi laumi kumo ketoi panongu ye ayeghi laumi kumoe.

John 17:26

I no panoqo pelo O je ithive ape eno I no tishi anani, tishianguno Nono I kimiye keu kikimiye no panoqo lolo apeni, eno ni ghi panoqo lolo anani.”

John 17:5

Apuo, ayeghiqha lhophe mphilo I no O gholo akelo ajuküvü achekeu pesü itehi O nhethe lono I juküvüpu shitsülo.

John 18:4

Jisü ye pa shou kiu shinani keno thokha ithi akehu pa no azüu ipeghi no panoqo vilo pi, “Nongu ye khuu phucheni kea?”

John 19:28

Thokha kümtsü shikupuvae pi Jisü no ithive kethiu (Kuchoyesü shikupu nike) pa no pi, “Ni ye tüghüthi ani.”

John 2:13

Jewmiw Hechekulu ghulhu kupunuve kelo Jisü ye Jerusalem lo iqho.

John 6:4

Jewmiw Hechekulu Ghulhu ye punukhoi ae.

John 7:30

Ikehu panongu no pa kügha luve niye shi, ikemu khunomu pa shou au bemlae, kughengu pa do ye tomono ake.

John 7:6

Jisü no panoqo vilo pi, “I do ye ighi mphie, ikemu nongu do ye alhokuthu acheni.

John 8:20

Hi kümtsü pa no achineki lo kütsü akelono akümllagho kiqhi-a phivilo no pike; ikemu khunomu pa küghamoe kughengu pa do ye ighi mono ae.

Rommi 8:37

Moe, Khuu no ningu kimiye cheni keno Pa vecheo ningu ye hi kümtsü lo aghütomi nguno alau tokulupu ani.

1 Kor. 1:8

Pa no ashekha kutolo nongu shikumto no ni Mpeu Jisü Khristo tsala lo küqü mono aghi penani.

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

IBRIMI 6:11

Eno nino kümsü pulo akeu ye nongu lakhikhi no ashekha kutolo mtsüqhei keu lajupu athoshi qhilu penishi ani,

1 Peter 1:13

Tighenguno, nongu kükümsü kutokughoi eno tsükhüi shino Jisü Khristo pephe piye kelo küpükini tsüniye akeu shou nonguw lajupu qhoi belo.

1 John 4:19

Ningu no kimiye kile chekeu ye Alhou paghino ningu kimiye kehue.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe