John 12:42 - Sumi Naga CL (Re-edited) Bible (BSI)

⁴² Tishimu kutomo no eno yepemi gholo ghi pa pülübe luve, ikemu Phariseemi msa kehu panongu ye piphemoe, tishianguno panoqo pesü sinagog lono haphe pemo niye ke;

BAIBEL (BSI)

⁴² Tishimu, Judami sakiphemi kutomono Jisu shou pulukeu ae, ikemu Farisimi msake ghenguno panonguye piphemoe, tiye Sinagog lono hapheve nosakehue.

Sümi Tiqhelimi Bible

⁴² Tishi namu tipau lo timi kutomo eno sakiphemiqo dolo ghí pa shou pülüluve. Ikemu panongu ye Phariseemiqo no panongu pesü synagog lono hapheve nikeu kümsà lau no panongu ye pekiphe shi panongu küpülü shuphemoe;

John 12:42 Iomraidhean Croise

AHOLE 29:25

Timi jupe msa chekemi ye pa sala alichhe mla ani, ikemu Ampeu shou pükhübe kemi ye sükusho ani.

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

ISAIAH 57:11

Nongu ye khuu ju püzü msave keno, I lau miki, I kümsümave, eno amlo lo qhimove kea? I no ado kushuo inaqhoi kutuu pesü ngove keghi, nongu ye I msa mono anike kumo?

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

JEREMIYA 38:19

Akükau Zedekiah no Jeremiah vilo pi, “Ni ye Jewmi Chaldeami lau wuve keqo msa ani, panongu no I pesü Chaldeami u lo süve tsüno I kijipüsa nosae.”

MATTHEW 10:32

Tishiaye khukhumu aqha zülono I je piphetsü keu ye ni ghi I pu khuu kungugha lo ani keno, Pa zülono piphetsü nani,

Luke 12:8

“I no nongu vilo piani, khukhumu aqha zülono I je piphetsü keu ye Timi Nu ghi titoi Alhouw kungumi zülono piphetsü nani.

Luke 23:13

Pilate no achinetomi ngo aqoaho sakiphemi kukütsü,

Luke 6:22

“Kughou Timi Nu ghenguno timi no nongu mithini, eno nongu hapheve no thaigha ghi atichepu shi nongu juaje shitsüni keno, nongu ye akümghapue!

John 11:45

Mary papesü ighi kemi Jewmi kutomo no Jisü no kiu shi keno ithulu püzü pa shou pülübe luve.

John 12:11

kughengu pa ghenguno Jewmi kutomo no wuno Jisü shou pülüuve ke.

John 16:2

Panongu no sinagog lono nongu haphe nani. Mtsüqheino khunono nongu pithiluni keno, pa ye Alhou huthulu ani kepi kümsüni keu tüqhüdo hu cheni.

John 19:38

Hipa thiu Arimatheami Joseph no Jisü kumo pewuve nike Pilate qhüiniju, pa ye Jewmi msa kehu küsüuno Jisü khopemi shiche, eno Pilate no pewu penike azah tsüve kehu pa no ighi no pewuve.

John 3:2

Pa no putho lono Jisü lau ighi no pi, “Rabbi, nino ithi anike no ye Alhou launo ighikeu shikükami, kughengu Alhou aghimo keloye khunomu nono amchipu kümla shi akeqo shimlae.”

John 7:13

Ikemu Jewmi msa kelauno khumu pekiphe shi pa ghili küptsamoe.

John 7:31

Tishimu timi kutomo no pa pülü luve no pi, “Kughou Khristo ighini keno pa ye timi hipau no amchipu kümla shi akeu nguno alau shinani kema?”

John 9:22

(Pa puaza ye Jewmi msake ghenguno hipatsa pike, kughengu Jewmi no khukhumu Jisü ye Khristo kepi piphe keu ye sinagog lono hapheveni keu shi xathave ke.)

John 9:34

Panongu no pa khochile, “No ye axine lo punusü püani püzü nono ningu shikani kea?” Tishino panongu no pa hapheve.

Apostolmi 5:41

Apostolmi no hoho zülono cheve no Jisü je ghenguno akukujo ithulu küzüpu shikehu alokivi shive.

Rommi 10:10

Kughengu amlo no pülü lupe eno Alhou lau achipikalupe cheni, eno akichi no piphetsü no xaluvepe cheni.

1 John 4:15

Khukhumu Jisü ye Alhou Nu kepi piphetsü keu ye Alhou lau kimepe ani eno Alhou no pa lolo ani.

1 John 4:2

Alhou Ghungu ye nongu no hipau lono michilu nani: Alhou launo ighikeu Ghungu huno Jisü Khristo ye ashi phimpi xapusü Alhou launo ighie pi shuphe nani,