John 12:34 - Sumi Naga CL (Re-edited) Bible (BSI)

³⁴ Ikehu aqokitikhi no pa khochile, “Ningu no Ayezah lono chiluke Khristo ye alholo ache nani ipie. Tishiaye no ye kishino Timi Nu ye ikhiqhe luve masae piani kea? Timi Nu huye khuu kea?”

BAIBEL (BSI)

³⁴ Timi aqokitikhino pa khochile, “Ni yezah kakulo Mesiya ye alhokupuju ache nani kepi pipuanie. Tishiaye noye kishi puzu Timi Nu ikhiqhenikeu tsa piani kya? Timi Nu huye khuu kya?”

Sümi Tiqhelimi Bible

³⁴ Aqokitikhi no ishi pi ipeghi, “Ningu no Ayeza lono chilu keu ye Messiah ye pülhapuju acheuve nani ipie, tishiaye no ye kíshi no, ‘Timi nu ye süqheve moayesa nani,’ ipi ani kea? ‘Timi Nu’ ipi akeu hiye khuu kea?”

John 12:34 Iomraidhean Croise

SAMUEL AKINIU 7:13

Pa no I je lono aki shiqhe nani, eno I no alhokupuju pa kükalakhü iqhikumto tsü nani.

LESHELE 110:4

Ampeu no tushoqhivae Pa kükümsü kilivemo nani, “No ye Melchizedek kikithi lono alhokupuju achineu ke.”

LESHELE 72:7

Pa ghuloki lono amikuchomi pelo ikowolu pelo, eno atsütsü lo aqhi kühave moke kutolo aloino apelo!

ISAIAH 53:8

Nedaqoda eno küghakütha vecheo Pa sasü wuve; eno paw tiqhelimi dolo khuu no pa ye timiqo xine ghenguno küxümi yeghi lono pithive kepi kümsü kea?

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

DANIEL 7:27

Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

MICAH 4:7

ala chemlave kemi pesü I no ghükulumi shive nani, eno hapupove kemi pesü akumto shiye shive nani; Ampeu no Zion lono hipa ghuloki lono alholo panoqo shou ayepe nani.

MATTHEW 16:13

Kughou Jisü no Caesarea Philippi tokukujo lo ighi keno, pa no pa khopemi vilo ighiju, “Timiqo ye Timi Nu pesü khuu ipi cheni kea?”

MATTHEW 21:10

Kughou Jisü no Jerusalem lo iloghi keno, aphughi lo kümtsü no, “Huye khuu kea?” ipi kügha ipeghive.

MATTHEW 8:20

Jisü no pa vilo pi, “Aghalo tsüqo ye atuki ani, eno aghauqo ye apüsü ani, ikemu Timi Nu ye khilehi mu pa kütsü belu kepu-a kühae.”

John 10:34

Jisü no khochile, “No Yezah lo, ‘I no pi, nongu ye alhouqo ke’ ipi yepüani ke kumo?

John 12:32

Kughou ayeghi lono ni ikhiqhe luveni keno, I no timi kümtsü I lau sünhe luve nani.”

John 15:25

Ikemu panongu Yezah lo yepüakeu tsa ye shikupu masae: ‘Jekujeli kühamu panongu no I mithike.’

John 8:28

Ikehu Jisü no pi, “Kughou nongu no Timi Nu ikhiqheni keno, tileno nongu no ni ye Pa kepi ithi nani; eno ni ye kiumu I küka lono shichemo, ikemu Apu no kiu I shika keno ti likhi pichenie pi ithi nani.

Rommi 3:19

Ningu no ithive ake Ayezah no kiu pi ani keno ti ye Ayezah qholo akemi vilo pi ani, tishianguno atsa kipipu kühano akichi lakhave tsü, eno ayeghiqha kuchopu Alhou lau kihikülai tsükulupu shiniye ke.

Rommi 5:18

Tighenguno, akipimi lakhi huno timi kümtsü sawo aghimepu lo ikhiphetsü ketoi amikucho kümla lakhi no timi kümtsü khaqhi pheve no aküxüpu tsü cheni.

IBRIMI 7:24

ikemu Jisü ye alholo acheni kehu paw achine kümla ye ishokibe acheni.