John 12:27 - Sumi Naga CL (Re-edited) Bible (BSI)

²⁷ “Itehi I ngulho no kütakihi auvae. Ni ye kiu pini kea? ‘Apu, hipa tüqhüdo lono I xalulo’ ipini keo? Ikemu hipau kimji ghenguno ni ye aghime tüqhüdo hipau lo ighivae.

BAIBEL (BSI)

²⁷ “Itehiye ighono imlo-kusa shivae. Niye kiu pini kela? ‘O Apuh, hipau tuqhudo lono ixaphelulo’ ipini kesha? Moe, hipau kimjipu ghenguno aghimepu tuqhudo hipaulo ino ighivae.

Sümi Tiqhelimi Bible

²⁷ “Itehi ye I mloküsa shivae, eno ni ye kiu pìní kea? ‘Apùo, asüchedo hipau lono I xalulo ipini keshea’? Moe, ni ye asüchedo hipau ghenguno ighike.

John 12:27 Iomraidhean Croise

LESHELE 6:3

I ngulho ghi ighono sükütü anie. O Ampeu khitohi ado luni kea?

LESHELE 88:3

Kughengu I ngulho ye aveküsa no chhitoi ani, eno I küxü ye Kithigha kupunu ayae.

ISAIAH 38:15

Pa no I pütsa, Pa ampi no hitoi shiveke ni ye kiu pini kea? I lolo kukhukimji akeu ghenguno ni ye I küxü tivilo asheshino checheniae.

ISAIAH 53:3

Pa ye timiqo no jukünatha eno miliveke; Pa ye ghichheghime shi eno amloghime no chhitoi, eno milakhi khuu lau, timiqo no pano gi küsüve cheni keno, pa thaigha eno ningu no Pa phimoke.

MATTHEW 11:25

Tipa tüqhüdo lo Jisü no pi, “Apuo, kungugha eno ayeghi Mpeu, I no O shikimthi ani, kughengu nono thime hipaqo pesü ayeghi lo lokütsümi ngo ithikuthu kemi launo küsüve no hi itimi kititiqo lau pephe tsüke;

MATTHEW 11:26

iyei, Apuo, kughengu hitoi shinikeu no O pulou shiake.

MATTHEW 26:42

Itaghi, ghuthu akiniu Jisü no wuno ishi inikhu, “I Pu, ajukhu hipau I no shomo kelo ikhiluve tsümla aye, o pulou shilo.”

MATTHEW 26:45

Tithiu pa no akhopemi lau ighi no pi, “Kutou no zü eno akulhoqhi alo. Julo, ado ye ighivae, eno Timi Nu ye axinemi u lo phesüvae.

Luke 22:44

Pa no amloiju akehu alau amlo tsüqhiyi inikhu; eno pa tsünhizü no aji toi ayeghi lo ijiqighi.

Luke 22:53

Kughou I no tsalakipe nongu gholo achineki lo akeno nongu ye I küghamoe. Ikemu hi ye nongu tüqhüdo ae eno aküzü küka ake.”

John 11:41

Ikehu panongu no atuqu ikhive. Eno Jisü no kunguu jupuku no pi, “Apu, Nono I tsa chilu tsüke ghenguno I no O shikimthi ani.

John 12:23

Jisü no khochile, “Timi Nu jekipipu shikepu do ighivae.

John 13:21

Jisü no hi pive kethiu, pa mlo kütakihive no thopi shi, “Kuchou no I no nongu vilo piani, nongu gholo milakhi no I thechuve nani.”

John 18:37

Tile Pilate no pa vilo pi, “Tishiaye no ye akükau keshea?” Jisü no khochile, “Ni ye akükau kepi nono piani. Hi ghenguno I punue eno hi ghenguno ni ye ayeghi lo ighie— ti ye kuchou lau thopi shiniye ke. Khunono kuchou laumi keno I sütsa ini cheni.”

1 Tim. 1:15

Hi ye pükhübekulupu eno ikhikulupu tsae: Khristo Jisü no axinemi xalu nike ayeghi lo ighikeu gholo ni ye axinemi kümtsü nguno alhoksau ke.

IBRIMI 2:14

Ikehu atianuliqo no ashi eno aji xapu aketoi, pa ampi ghi panoqo kimihi shi thokha küsaje ke, tishianguno pa kithi vecheo tüghami khuu no akithi küka ache keno kütsave niye ke,

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.