John 12:25 - Sumi Naga CL (Re-edited) Bible (BSI)

²⁵ Khunono pa küxü küpüni keno pühave cheni, khunono hipa yeghi lo pa küxü küpü moni keno lhokta küxü ghenguno pekütsü tsünani.

BAIBEL (BSI)

²⁵ Khunono pa likhi pa kuxu kupu nikeno tipau puhave nani; khunono ayeghi hipaulo pa kuxu kupumo nikeno lhokta kuxu ghenguno tipau pekutsulu nani.

Sümi Tiqhelimi Bible

²⁵ Khukhumu pano küxü kimiye keu ye pühave nani, ikemu khukhumu ayeghi hipau lo pano küxü mithive aye lhokta küxü ananie.

John 12:25 Iomraidhean Croise

YETSAPIU 2:17

Ikehu ni ye aküxü azüzüve, kughengu khetsünhe qholo kiu shi ani keno aveküsapu ke. Hi kümtsü adou eno amülhü küghaju püha aketoi ke.

MATTHEW 10:39

Khunono pa küxü pükhani keno pühave nani, eno khunono I je ghenguno pa küxü pühaveni keno phuluve nani.

MATTHEW 16:25

Kughengu khunono pano küxü pükhani keno pühave nani, ikemu khunono I ghenguno pa küxü pühaveni keno ti phulu nani.

MATTHEW 19:29

Eno khunono I je ghenguno aki-alu, chepu-cheli, apuaza, atianuli, momu ayeghi qhive keno, panongu ye ghuthu aqhe piqi ithulu nani, eno lhokta küxü mheghi ithulu nani.

Mark 8:35

Kughengu khunono pano küxü pükhani keno pühave nani, ikemu I ghenguno eno atsakiviu ghenguno aküxü tsüve kemi no ti xalu nani.

Luke 14:26

“Khunono I lau ighive no pa puaza, anipu atianuli, athiküzü acheli, eno pa küxüu ghi milive moni keno, pa ye I khopemi shimlae.

Luke 17:33

Khukhumu pa ampi küxü pükhani shikeu ye pühave nani, ikemu khunono aküxü pühaveni keno ti phulu nani.

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

Apostolmi 21:13

Paul no khochile, “Nongu ye kushiye mloqa no I mlo shikighime tsü ani kea? Kughengu ni ye Ampeu Jisü je ghenguno akughu shinike likhi kumono Jerusalem lono thiveni keu ghi kutope anie.”

IBRIMI 11:35

Totimiqo no pano bolomi akithi lono xüputhuve kemi ikhilue. Khami ye aküxü akiviu lo xüputhu peniye kuqhokiphe ghi milive no kijipüsa peke.

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.