John 11:25 - Sumi Naga CL (Re-edited) Bible (BSI)

²⁵ Jisü no li vilo pi, “Ni ye Xüchilekulu eno aküxüpu ke, khunono I shou pülübeni keno, pa ye thive namu xüluve nani,

BAIBEL (BSI)

²⁵ Jisu no li vilo pi, “Niye xuchilethughikeu eno akuxupue, khunono ishou pulubeni keno paye thive namu xuluve nani;

Sümi Tiqhelimi Bible

²⁵ Jisü no li vilo pi, “Ni ye xülekuthuu eno aküxü ke. Khuu no I pülüni keno panongu ye thive namu xüluve nanie;

John 11:25 Iomraidhean Croise

LESHELE 36:9

Kughengu aküxü züpuki ye O lau ani; O küvü lono ningu no aküvü ithulue.

ISAIAH 26:19

Ow timi thive keqo ye pano phimpi no xüthughive nani. Nongu ayeghimkhu lo akeqo, ithu alokivishi ale phelo! Kughengu O tsüzü ye inaqhe tsüzü, tino ayeghi vepüxüpe kithimi lau aküxüpu tsünanie.

ISAIAH 38:16

O Ampeu, timi ye O tsa eno O kümla vecheo xülu cheni, eno I küxü ghi hipau lo anie; I shiaji putho tsüno I püxü tsülo!

Luke 23:43

Jisü no pa vilo pi, “Mtsüqheino I no o vilo piani, no ye ishi no I gholo alokughuno-a lo aniae.”

John 1:4

Pa lolo aküxüpu ae, eno aküxüpu huno timiqo küvü ke.

John 14:19

Ado kitila thiu ayeghilomi ye ni ithumlave nani, ikemu nongu ye ni ithulu nani. I no xü ani kehu nongu ghi xü nani.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

John 3:36

Khunono Anu pülüni keno lhokta küxü ani; khunono Anu gholu moni keno aküxü ithumla nani, ikemu pa shou Alhou loghu anani.

John 5:21

Kughengu Apu no kithimi xüputhu no aküxü tsü ketoi, Anu ghi aküxü pesü khuno tsünishi keno tsü nani.

John 5:26

Kughengu Apu no Pa lolo aküxüpu aketoi, Pa no Nu pelo ghi aküxüpu pa lolo apenike tsüvae.

John 6:35

Jisü no panoqo vilo pi, “Ni ye aküxüpu shoke, khunono I lau ighini keno müzüthi monani, eno khunono I pülüni keno khilemu tüghüthi monani.

John 6:44

I Pu I puwu keu no sünhe saghimo keloye khumu I lau ighimlae. Eno ashekha tsala lo I no pa xüputhu nani.

Apostolmi 3:15

Nongu no aküxü Mpeu khuu Alhou no akithi lono xüputhuve keno, pa pithive. Ningu no tipau thopimi ke.

Rommi 4:17

ti ye ishi yepüake toi, “I no o pelo ashiaye kutomo papu shilupe.” Kithimi xüputhu eno kiumu küha keu lono kümtsü pulhosü keu Lhou—Khuu Abraham no pülüche keno, Pa zülo ningu ye Abraham tianuliqo ke.

Rommi 8:2

Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.

1 Kor. 15:18

Tishino khunoqo Khristo laumi shi zühuve akeno, panongu ye pühavae.

1 Kor. 15:29

Tishimo aye, timiqo no kithimi züqhushi baptiz lukeu kiqi ye kiu kea? Kithimi ye khilemu xüputhu chemoe pi aye, kushiye timiqo ye kithimi züqhushi baptiz lucheni kea?

2 Kor. 4:14

ti ye ningu no ithi aketoi Alhou khuu Ampeu Jisü xüputhu keno, Pa no Jisü gholono ningu ghi xüputhu nani, eno ningu kümtsa Pa zülo saghi nani.

FILIPIAMI 1:23

Ni ye hi küma dolo I tsakibipe ani: hipa yeghi qhive no Ampeu gholo auve keu pavi keke tiuno I pulou shi ani;

FILIPIAMI 3:10

Tishikeu lono I no pa ithi, paw xüchilekulu küka ithi, pa ghime küsaje, eno pa kithi lo ghi pa kimihi shino

1 Thes. 4:14

Kughengu nino Jisü ye thive eno xüchile thuve kepi pülü cheni kehu khunono thive akeno Jisü vecheo Alhou no Pa gholono panongu saghi nani kepi nino pülü cheni.

Piyeküsü 1:18

eno Xüküau huke. Ni ye thive kemu itehi ye alholo xüauvae. Akithi ngo Kithigha khaqhiyi ye I u lo ani.

Piyeküsü 20:5

Kithimi kütami achiliqo ye ampe qhethonhe kishekha moke kutolo xüchile mlave. Hi no kithimi xüchilekulu atüghüu.

Piyeküsü 21:4

Pa no panongu nhethi lono anhezü kümtsü isüvetsü nani, tile ye akithi ke kumono akumlo, aküqa, eno aghimeu ghi kühave niae, kughengu püzüu thime thaqhü ye wovae.”

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.