John 10:4 - Sumi Naga CL (Re-edited) Bible (BSI)

⁴ Kughou pa no pa ambe kümtsü khalau saipeghini keno, pa no azüu wuno ambeqo no pa pape cheni, kughengu panoqo no pa sütsa ithi ani.

BAIBEL (BSI)

⁴ Kughou pano bheriqo khalau saipeghi nikeno pano atughushi eno bheriqono pa papewu cheni, kughengu tipaqoye pa sutsa ithi ani.

Sümi Tiqhelimi Bible

⁴ Kughou pa no paw ambeqo kümtsü khalau sasü ipeghiveni keno, pa no panoqo züu shi no wucheni, eno paw ambeqo no pa pape cheni kughengu panoqo no pa sütsa ithi anike.

John 10:4 Iomraidhean Croise

ALE KIMCHI 2:8

I qhuu sütsa chilu anie! Julo, pa ye naghuto eno atoghi ilhechesü I lau cheni.

ALE KIMCHI 5:2

I no zühuju kemu I mlo ye ithu ae. Asütsa lakhi! I qhuu aki kukhu ani. “I lomi, I chepu, I khaqhisü lo, Iw miqhedu, Iw kupukülai keu, kughengu I kütsü ye atsüzü no pütsavae, putho tsüzü kighiji no I sa ghoküna keu dadaivae.”

MATTHEW 16:24

Tishino Jisü no pa khopemi vilo pi, “Khukhumu I papeni keu ye pa ampi milive no paw kros xapu I papelo.

John 10:16

Hipa loji lo kühakeu ni ye ambe kütau aphi. Ni ye tipaqo ghi saghi masae, panongu no I sütsa ini nani. Tileno aloji lakhi, akheu lakhi shive nani.

John 10:27

I mbeqo no I sütsa chilu cheni, I no panoqo ithi eno panongu no I pape cheni.

John 10:3

Khagho kheu no pa khaqhisü cheni. Ambeqo no pa sütsa chilu cheni eno pa no pa mbeqo aje pi ghi kucheni eno khalau sawu cheni.

John 10:5

Panongu ye tüsümi papewu chemo, ikemu pa launo pove nani, kughengu panoqo ye pa sütsa mthake.”

John 10:8

I züu ighi kemi kümtsü küpkami eno süxakulumi, ikemu ambeqo no panoqo sütsa initsü moe.

John 12:26

Khuu no I qeni keno pa ye I pape masae; I no khile ani keno I qemi ghi tile anani. Khuu no I qeni keno I pu no pa gihu nani.”

John 13:15

Kughengu I no kichekipiye nongu tsüve ake I no nongu lau shike toi nongu ghi tishi masae.

John 18:37

Tile Pilate no pa vilo pi, “Tishiaye no ye akükau keshea?” Jisü no khochile, “Ni ye akükau kepi nono piani. Hi ghenguno I punue eno hi ghenguno ni ye ayeghi lo ighie— ti ye kuchou lau thopi shiniye ke. Khunono kuchou laumi keno I sütsa ini cheni.”

John 3:29

Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

1 Kor. 11:1

I no Khristo kimihi shike toi nongu ghi I kimihi shilo.

Ephesiami 5:1

Tighenguno Alhou no qhuivü keu nuliqo akehu Alhou kimihi shilo.

ZAKINIU 1:30

Nongu züu cheche keu Ampeu nongu Lhou ampi no Egypt lo nongu nhethe lono shike toi nongu ghenguno aghü shitsü nani.

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

IBRIMI 6:20

ti ye Melchizedek ghola lono alholo ghenguno achinetou shive keu Jisü huno ningu züqhushi azüuno ilove keu-a loke.

1 Peter 2:21

Kughengu nongu ye hipau lo kuluvae, Khristo ghi nongu ghenguno imeve kehu kichekipiye shi nongu lau qhi püatsü ae, tishianguno nongu no Pa nepa papelu peniye ke.

1 Peter 4:1

Tishi aye, Khristo no ashi phimpi lono imeve akeke nongu ampi kükümsü ghi tipatho lono kutolulo, kughengu khukhumu ashi phimpi lono imeve aghi keu ye axine launo kukhovae,

1 Peter 5:3

khunoqo pesü nonguw jukükütsü qholo kuchoqhi püatsü akeno, panoqo qhasü kevi, ikemu ambe loji lau kichekipiye shilo.