John 1:51 - Sumi Naga CL (Re-edited) Bible (BSI)

⁵¹ Pa no itaghi pi, “Kuchou no I no nongu vilo pini, kungugha khaqhi püzü Alhouw kungumi no Timi Nu shou iku-iqiju akeu nongu no ithulu nani.”

BAIBEL (BSI)

⁵¹ Pano pa vilo pi, “Ino kuchouno nongu vilo pini, kungugha khaqhive puzu Alhou wu kungumino Timi Nu shou ikuju eno iqiju akeu nonguno ithulu nani.”

Sümi Tiqhelimi Bible

⁵¹ Tisheno pa no pikibe ghi pi, “Kuchou no I no O vilo pìní, nono ‘kungugha khaqhive no Alhou’w kungumiqo no Timi Nu shou iku iqi,’ akeu ithulu nanie.”

John 1:51 Iomraidhean Croise

BOTHUBO 28:12

Ikelo pa no asamo pumo, julo, tile akala lakhi ayeghi lo ghope püaghi, eno tipau kütsüqa ye atsütsü kutolo toae. Eno julo, Alhouw kungumi no tipau lo mili ikuiqi aghi!

EZEKEL 1:1

Atsala apunguu, aqhi abidiu, ampe chighiaküthüu lo, ni ye Khebar züla lo haphe sawuve kemi gholo ae, tile kungugha kokiyeve eno I no Alhouw kungunhetsü ithulu.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

MATTHEW 25:31

“Kughou Timi Nu no ajuküvü lono kungumi kümtsü pa gholo sasü ighini keno, pa no pa juküvü kükalakhü lo iqa nani.

MATTHEW 26:24

Kuchoyesü lo pa ghili yepüake toi Timi Nu ye wuve nani, ikemu khuu no Timi Nu thechu keno pa hasapue! Timi tipau ghengu ye punu move keu pavini chekena.”

MATTHEW 3:16

Kughou Jisü baptiz shitsü keno, paikhavi pa no azü lono ithughi kemtsa, julo, atsütsü pa lau khaqhitsü, eno miqhedu no yewu chekeshi Alhou Ghungu iqighi no pa shou ngove keu pa no ithulu;

MATTHEW 4:11

Tithiu tüghami no pa qhive, eno julo, kungumi no ighi no pa huthu auve.

MATTHEW 8:20

Jisü no pa vilo pi, “Aghalo tsüqo ye atuki ani, eno aghauqo ye apüsü ani, ikemu Timi Nu ye khilehi mu pa kütsü belu kepu-a kühae.”

MATTHEW 9:6

Ikemu hi shikeu vecheo nongu pelo Timi Nu ye ayeghi lo axine qhitsüni keu kükagha ani kepi vethalu peniye ke” —tishino pa no aküsüu vilo pi— “Ithulo, eno o züaphi ikhipe aki lo wolo.”

Mark 1:10

Kughou Jisü no azü lono ithughi keno, paikhavi atsütsü khaqhi keu pa no ithulu eno Aghungu no miqhedu toi iqighi püzü pa shou ngove.

Mark 14:62

Jisü no khochile, “Iyei, eno nongu no Timi Nu Aküka kughushuu u ajeu iqa no kungugha lo khüngküsü lono chekeu ithulu nani.”

Luke 2:13

Paikhavi kungugha lo kungumi aqokitikhi no kungumi tipau gholo ipeghive no iqhaighu Alhou sheqhe ghi pi,

Luke 2:9

Tile Ampeuw kungumi lakhi no panoqo zülo ipeghi, eno Ampeu juküvü no panongu homxape yepüvü luve kelo panoqo ye ighono msaichive.

Luke 22:43

Tile kungugha lono kungumi lakhi ipeghi no pa shikumto tsü.

Luke 22:69

Ikemu itehi Timi Nu ye Alhou küka kumto u ajeu küghüqa niae.”

Luke 24:4

Ikehu panongu ye phiküghüzüpe ake lono züleno timi kini phuphushi keu phi pusü panongu phivilo aghive.

Luke 3:21

Timi kümtsü no baptiz shiluve kethiu, Jisü ghi baptiz shive no akighini shi akelo kungugha khaqhive,

John 1:50

Jisü no pa khochile, “I no o vilo ‘Nono mububo qholo akelono, ni ye no ithuluvae’ ipike ghenguno no ye pülü ani keshea? Nono hipaqo nguno akijeu ithulu nani.”

John 10:1

“Kuchou no I no nongu vilo piani, khuu no ahukikha lono ambeki lo ilo mono ala kütauno zümili iloni keno, pa ye küpkami eno süxakulumi.

John 10:7

Ikehu Jisü no itaghi panoqo vilo pi, “Kuchou no I no nongu vilo piani, ni ye ambeqo hukikha ke.

John 13:16

Kuchou no I no nongu vilo piani, aqeu lakhi ye pa mpeu nguno akijeu kumoe; momu aghinimi ye pa puwu akeu nguno akijeu ke kumoe.

John 13:38

Jisü no khochile, “No ye kuchou no I ghenguno o küxü tsülu nani keshea? Kuchou no I no o vilo piani, awudu igha mphi lono no ye ghuthu küthü I milive nani.”

John 14:12

“Kuchou no I no nongu vilo piani, khunono I pülüni keno pa ye I no mlakeu kümlaqo shinani; eno ni ye Apu lau wuchea kehu pa no hinguno akijeu mla nani.

John 16:20

Kuchou no I no nongu vilo piani, ayeghiqha no alovi akelo nongu ye mloqa nani. Nongu ye amloksa no chhitoi nani, ikemu nongu mloküsa ye alokivipu shive nani.

John 16:23

Tipa tsala lo nongu ye I vilo kiumu khumo nani. Kuchou no I no nongu vilo piani, nongu no I je lono Apu vilo kiu kiumu khu kelo Pa no nongu tsü nani.

John 21:18

Kuchou no I no o vilo piani, kughou nono apumi shiche keno, o kutoshino aphimini pepusü khile khilemu nono pulo keu lo wuche, ikemu kughou nono kichimi shiveni keno, nono o u xachho no kütami no aphi o puu nani, eno nono khile pulomo keno tilau o sawu nani.”

John 3:3

Jisü no pa khochile, “Kuchou no I no o vilo piani, timi lakhi no punu kithemo keloye Alhou yekipe ithumlae.”

John 3:5

Jisü no khochile, “Kuchou no I no o vilo piani, milakhi no azü eno Aghungu lono punu kithemo keloye Alhou yekipe lo ilomlae.

John 5:19

Ikehu Jisü no panoqo vilo pi, “Kuchou no I no nongu vilo piani, Anu ye pa kutoshino kiumu shimlae, ikemu Apu no shiaghi keu pa no ithulu keu likhi shicheni. Apu no kiu shi keno Anu ghi tishi cheni.

John 5:27

Pa no Anu pelo küghatha penike kükagha tsüvae, kughengu pa ye Timi Nu ke.

John 6:26

Jisü no khochile, “Kuchou no I no nongu vilo piani, nongu no I phu chekeu ye amchipuqo ithulu kehu kumono aghakiqishi asho chulu kehue.

John 6:32

Tile Jisü no panoqo vilo pi, “Kuchou no I no nongu vilo piani, Moses no kungugha lono asho nongu tsüke kumoe, ikemu I Pu no kungugha lono kuchou sho nongu tsüe.

John 6:47

Kuchou no I no nongu vilo piani, khukhumu pülü keu no lhokta küxü ani.

John 6:53

Ikehu Jisü no panoqo khochile, “Kuchou no I no nongu vilo piani: nongu no Timi Nu shi eno aji chusho moke thaqhülo nongu lolo aküxüpu kühae.

John 8:34

Jisü no panoqo vilo pi, “Kuchou no I no nongu vilo piani, khuu no axine shini keno pa ye axine qüaxemi.

John 8:51

Kuchou no I no nongu vilo piani, khuu no I tsa peluni keno pa ye khilemu thimo nani.”

John 8:58

Jisü no pi, “Kuchou no I no nongu vilo piani, Abraham züuno ni ye acheghivae.”

Apostolmi 10:11

atsütsü khaqhive no kiukela ayephu kuloghi toike ashe bidi lono küghape no ayeghi lo piqi keu pa no ithulu.

Apostolmi 7:56

Pa no pi, “Julo, atsütsü khaqhi no Alhou u ajeu Timi Nu puthugho akeu I no ithulu ani.”

2 Thes. 1:7

eno aghime sholu akemi ngo ningu lau ghi Pa no alokughuno tsü nani. Hi ye kungugha lo Ampeu Jisü, Paw kungumi akumtomi gholo pephe kelono tishi nani.

2 Thes. 1:9

Panongu ye lhokta kütsakungo keu ghime sholu nani, Ampeu zülono eno Pa kumto jekipi lono hapheve nani,

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

IBRIMI 1:14

Panongu ye kümtsü aghinimi shi xakulupu ithulu niye akemi huthu peniye puwu püanike kumo keshea?

Jude 1:14

Hipaqo ghenguno itaghi Adam lono tiqheli akütsüniu lo Enoch no tungkuptsa ishi pike, “Julo, Ampeu no Paw akimthemi qhethonhe chighi sasü cheni,

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

Piyeküsü 4:1

Hipa thiu julo, itaghi kungugha lo ahukikha lakhi khaqhi püakeu I no ithulu! Eno azüu asütsa khikhi afuko toi vekipighi I pütsa keno, tipau huno pi, “Hilau ikughilo eno hipa thiu kiu shiveni cheni keno I no o piyeni.”