John 1:34 - Sumi Naga CL (Re-edited) Bible (BSI)

³⁴ I no ithulu no nongu vilo ashepe shitsü anike hi no Alhou Nue.”

BAIBEL (BSI)

³⁴ Ino ti ithuluvae eno nongu vilo ino ashepe shitsu anike paye Alhou Nue.”

Sümi Tiqhelimi Bible

³⁴ I no ithuluvea eno thopi shi anike hiye Alhou Nu ke.”

John 1:34 Iomraidhean Croise

LESHELE 2:7

I no xaküthaza pini: Ampeu no I vilo pi, “No ye I Nu; ishi tsala lono I no o pu shivae.

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

MATTHEW 16:16

Simon Peter no khochile, “No ye aküxüpu Lhou nu Messiah ke.”

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 26:63

Ikemu Jisü no inaqhoi ngove. Achinetou no itaghi pa vilo pi, “Aküxüpu Lhou je lono I no ashoqhi tsa o vilo piani, no ye Alhou Nu Messiah kemo keno ni vilo pilo.”

MATTHEW 27:40

eno pi, “No achineki xaleve no ghulo küthü lono shipuku luveni küau, no ampi xaluve lo! Nono Alhou Nu shiaghi aye kros lono iqighive lo.”

MATTHEW 27:43

Pa no Alhou shou pükhübe chenike Alhou ye pa xapheni shinani mala junie. Kughengu pa no, ‘Ni ye Alhou Nu,’ ipi chenie.”

MATTHEW 27:54

Ghüshimi aqhe shou zatsüu eno pa gholo akeqo no Jisü khekuto akelo ayeghi küghütha eno tile kiu shive keno kümtsü ithulupe thüghüive no pi, “Pa ye kuchou no Alhou Nue!”

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

MATTHEW 4:3

Tileno ghukujuu no ighi no pa vilo pi, “Nono Alhou Nu shiaghi aye, atu hipaqo pesü asho kughulhoveni keu za tsüju lo.

MATTHEW 4:6

eno pa vilo pi, “Nono Alhou Nu shiaghi aye, hileno ilheqive lo, kughengu ishi yepüani, ‘Pa no o ghenguno Paw kungumi hapuwu nani,’ eno ‘O pukhu no atu lo püsü pukulu nosa kehu panongu u lono o khapeqhe luve nani.’”

MATTHEW 8:29

Paikhavi pama no igha thuve, “O Alhou Nu, no ye ni lau kiu shikepu ani kea? Ado tomphi lono no ye ni ghimeni ke ighive akeshea?”

Mark 1:1

Alhou Nu Jisü Khristo tsakiviu ghili hukuthu.

Mark 1:11

Eno atsütsü lono asütsa lakhi ighi, “No ye I qhuu I Nu, O jupe I mloqi cheni.”

Luke 1:35

Kungumi no khochile, “Aghungu Kimthe no o shou ikughi nani eno Shishe Akiqheu küka no o nhape ngo nani; ikehu anu punu niye akeu ye Alhou Nu akimtheu ipi ku nani.

Luke 3:22

eno Aghungu Kimthe no ashi phimpi lono miqhedu kimihi shi iqighi no pa shou ngove; eno kungugha lono asütsa lakhi ighi, “No ye I Nu I qhuu, O jupe Ni ye amlokiqi shicheni.”

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

John 1:49

Nathanael no pa khochile, “Rabbi, no ye Alhou Nu! No ye Israel Kükaue!”

John 10:30

Ni eno Apu ye lakhie.”

John 10:36

I no, ‘Ni ye Alhou Nu’ ipike ghenguno nongu ye khuu Apu no kishekimthe no ayeghiqha lo puwu keno, pa vilo ‘No ye Alhou thaigha ani,’ ipilu nani keshea?

John 11:27

Li no pa vilo pi: “Iyei, Ampeu; no ye Alhou Nu, Khristo, ayeghi lo chekeu kepi I no pülü ani.”

John 19:7

Jewmi no pa khochile, “Ningu ye Ayezah ani, eno Ayezah tipau kiqilo pa ye thive masae, kughengu pa no pa ampi pesü Alhou nu shiveke.”

John 20:28

Thomas no pa khochile, “I Mpeu eno I Lhou!”

John 20:31

ikemu hipaqo yepüa keu ye nongu pelo Jisü ye Khristo, Alhou Nu, kepi pülülu peniye, eno pülülu keu vecheo Pa je lono aküxü apeniye ke.

John 6:69

eno no ye Alhouw Akimtheu kepi nino pülü luve no ithivae.”

Rommi 1:4

kemu Pa lolo akimthe nguagha akeu kiqilou ye Pa no akithi lono xüthughive keu vecheo aküka lo akeu Alhou Nu shi penike shuphetsü keno, ni Mpeu Jisü Khristo ghili huke.

2 Kor. 1:19

Alhou Nu Jisü Khristo khuu Silas, Timothy, eno ni küthü no nongu lau sheshu keno, Pa ye Iyei eno Moe kühae, ikemu Pa gholo ye alhokuthu Iyei ke.

IBRIMI 7:3

Pa ye apuaza küha, alagha kughuko küha, pa küxü bothu eno ashekha küha, ikemu Alhou Nu kimihi shi pa ye alholo achineu ke.

1 John 2:23

Khunomu Anu milive no Apu ikhilu mlae. Khuu no Anu ikhilu ani keno Apu ghi ikhilu ani.

1 John 3:8

Khukhumu axine kümla shiche keu ye tüghami laumi, kughengu tüghami ye abothu lono axine shisü ighivae. Alhou Nu no ipeghi keu kiqi ye tüghami kümlaqo kütsave tsüniye ke.

1 John 4:9

Alhou kikimiye ningu gholo pephetsü keu ye hipau lono ke: Alhou no Pa Nu lakhi akeu pesü ayeghi lo puwu, tishianguno ningu pelo Pa vecheo xülu peniye ke.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

2 John 1:9

Khuu no Khristo kükütsü lo kumono pa la kütashi wuveni keno, Alhou ye pa gholo kühae. Khukhumu Khristo kükütsü lo kimepe aghi keu ye Apu eno Anu kinikujo ani.

Piyeküsü 2:18

“Thyatira kukuhou lo kungumi lau yelo: ‘Alhou Nu, Khuu nhethi no ami mili toi eno apukhu no alazayi ghukimthepe phuphushi aketoi keno, Pa tsape.