John 1:29 - Sumi Naga CL (Re-edited) Bible (BSI)

²⁹ Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

BAIBEL (BSI)

²⁹ Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

Sümi Tiqhelimi Bible

²⁹ Tishiwo thoghiu Jisü no pa küdau chekeu ithulu kelo John no ishi pi, “Julo, Alhou’w Ambeti khuu ayeghilomi xiné pevetsü keno hi chenie!

John 1:29 Iomraidhean Croise

IPEKULU 28:38

Ti ye Aaron kishe lo akütsü küzüphi lo dapuni, eno Israelmi no akimthe gho shi pephe tsükeu lo kiukiu kipimi aghimu Aaron no puveni. Pa ye alhokuthu pa kishe lo tipau xapuni, tishianguno Ampeu zülo ikhikulupu shi nani.

ISAIAH 53:10

Ikeghi Pa no aghime shikeu ye Ampeu pulou lono ke; Pa no pa pelo ichheime peke; kughou Pa ngulho no shipimive keu ghenguno akümllagho shini keno, Pa ye pa polokiqi ithulu nani; Pa ye axüshu nani; Ampeu pulou no Pa lolo kupukuno shi nani.

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

ISAIAH 53:7

Pa nedaqoda eno ghimeqhi ke, ikeghi pa ye atsa lakhimu piqhimoe; ambeti lakhi hekiqhiki lo sawu cheke toi, eno ambe no pa mhi ghoche kemi zülo inaqhoi ngo ketoi Pa ye atsa lakhimu piqhimoe.

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

ACHINE 10:17

“Kushiye nongu ye axine kümllagho hipau akimthe-a lono chuvemo kea? Kughengu ti ye shishe akimthe eno nongu tsükeu ye aqoaho xine xapu luve tsüno Ampeu lau lokichile shitsü peniye ke.

ZEKHARIA 13:1

“Tipa tsala lo David laghami eno Jerusalem lo küami xine eno mithekumo qhukimthe tsünike ghenguno azüpuki lakhi ipeghi nani.

AKIKIHI 18:1

Ampeu no Aaron vilo pi, “Akimthe-a lo shipimive kelo no eno o nuli eno o limi no amakho pu nani, eno achine kümlapu lo shipimilu kelo no eno o nuliqo no amakho pu nani.

AKIKIHI 18:23

Levimi no kuposhukulu phiki lo hukuthu kümla shini eno panongu ye panow shikipimi xine punani. Ithamo keu pimheye hi ye ighini keu tiqheli kutolo peni eno Israelmi gholo panongu ye khilemu amheghi ighi moni.

AKIKIHI 21:9

Moses no alazayi pesü apighi julho mlape aqhedu shou qhi, eno khukhumu apighi no mighi püaghi keu ye tipau jukelo viluve.

AKIKIHI 7:27

akipti kümllagho ghenguno amshitsü, ambetsü, ampe lakhi mbetsü, lakhikhi;

AKIKIHI 7:39

akipti kümllagho ghenguno amshitsü, ambetsü, ampe lakhi mbetsü, lakhikhi;

MATTHEW 1:21

Li no anu lakhi punu nani, eno no ye pa je Jisü kutsü nani, kughengu pa no paw timiqo pano xine lono xalu nani.”

MATTHEW 20:28

Timi Nu thotsü huthu peniye ighike kumoe, ikemu huthu niyeke, eno timi kutomo ghenguno pa küxü pesü xakipheme shi tsüniye ighike.”

John 1:35

Tishiwo thoghiu itaghi John no pa khopemi kini sasü puthugho akelo,

John 1:36

Jisü cheghi keu ithulu no pi, “Julo, Alhouw Ambeti!”

John 1:43

Tishiwo thoghiu Jisü ye Galilee lo wuni keu shive. Pa no Philip sasü kuthulu no pa vilo pi, “I papelo.”

John 2:1

Atsala aküthüni Galilee cheaxü Cana lo külakupu lakhi shia, eno Jisü paza ghi tile ae,

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

John 4:42

Panongu no atotiu vilo pi, “Nono pike ghengu likhino ningu ye pülü anike kumovae, kughengu ningu ampi no pa no pikeu chiluvae, eno kuchou no Pa ye ayeghilomi Xakuluu kepi nino ithivae.”

John 6:51

Ni ye kungugha lono iqighi keu aküxüküa shoke. Khuu no hipa sho chuni keno pa ye alholo xü nani. I no ayeghiqha küxüpu ghenguno tsü akeu sho ye I shi ke.”

Apostolmi 13:39

eno khikhi Moses Yezah no kuqho phemlave keno, pa vecheo pülülu kemi kümtsü tipaqo launo kuqho phevae.

Apostolmi 8:32

Pa no Kuchoyesü mqo hipau phi cheghi: “Ambe toi ghikiqhi-a lo pa sawuve ambe no amhi kughou zülo inaqhoi ketoi, pa ye pa kichi xükho moe.

1 Kor. 15:3

Kughengu I no kiu ithulu keno ti ye ighono akhotou kepi nongu lau ikhiphe tsü: ti ye Kuchoyesü kiqi lono Khristo no ni ghenguno thive tsü,

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

Galatiami 1:4

pa no itehi tiqheli lhoksa lono ningu xaphe lunike ningu xine ghenguno pa ikhiphepe tsüve, ti ye ni Lhou eno Apu pulou kiqi lonoke,

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

1 Tim. 2:6

pa no pa ampi pesü kümtsü ghenguno xakipheme shi tsüve, tino atüqhüdo achipi lono ashepe shi tsüke.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 2:17

Tighenguno pa ye thokha jeli lono pa thiküzümiqo kimihi shi masave, tishianguno Alhou kümlapu lo pa ye kimiyeqhiyi keu eno pükhükulupu chinetou lakhi shi püzü timiqo xine ghenguno alashitsü peniye ke.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

1 Peter 1:19

ikemu ambe tukutiye momu akuaye küha keu kimihi shi Khristo ji amekusho huno ke.

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

1 John 3:5

Nongu no ithi anike Jisü ye axine süwuve tsüniye ighi ke, eno Pa küdau ye axine kiumu kühae.

1 John 4:10

Kikimiye ye hipau lo ani: ningu no Alhou kimiye ke kumono Pa no ningu kimiye eno Pa Nu pesü ni ghenguno axine kümllagho shive penike puwue.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

Piyeküsü 14:1

Tithiu I no pishipuwo jukelo Ambeti no Zion naghuto lo puthugho aghi, eno julo, Pa gholo timi khunono akishe lo Ambeti je eno Papu je yepuku püa keno pano lakh lakhi qhethonhe lhobidi bidi aghi.

Piyeküsü 14:10

azü temokeu tsaiji toi pa jukhu lo Alhou loghu akümkau lesü no pije nani, eno kungumi kimthemi ngo Ambeti zülono ami eno amichu pesü ghimeqhi piti nani.

Piyeküsü 14:4

Timi hipaqo ye totimi sasü kikivi püamo kemi, kughengu panongu ye athathe aphie. Ambeti no khile khile wumu papeche keqo ye hipaqo ke. Hipaqo ye timi kümtsü gholono Alhou eno Ambeti lau amsüu xathi shi xachile luve keqoe,

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Piyeküsü 19:7

Ningu alovi ilheni eno ajuküvü pesü Pa tsüni nolo kughengu Ambetiw külakupu do ighivae eno Paw külaliu ye kutope ngovae;

Piyeküsü 19:9

Kungumi huno I vilo pi, “Hi yelo: Ambetiw külakupu ghulhu lo khuno kusüni keno pano kümghapue.” Pa no highi I vilo pi, “Hipaqo ye Alhou tsa kuchoue.”

Piyeküsü 21:14

Aphughi liwo ye aboqha tu chighikini shou shipuku püa, eno tipaqo lo aje chighikini yepüa, ti ye Ambetiw apostolmi chighikini je ke.

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.

Piyeküsü 21:9

Tile kungumi tsüni khunoqo püsa bohu tsüni dolo ashekhau püsa tsüni chhitoi süpe chekeno, panoqo gholo lakhino I vilo pi, “Ighilo, I no Ambeti nipu Külaliu o piyeni.”

Piyeküsü 5:6

Kükalakhü ngo aküxüküa lhoxüqo dolo eno layemi gholo Ambeti lakhi, ghiqhive ke paphishi, puthugho aghikeu I no ithulu. Ambeti huye akibo tsüni eno anhethi tsüni xapua, tipaqo ye Alhou Ghungu tsüni ayeghiqha kümtsü lo puwu püakeqo ke.

Piyeküsü 5:8

Kughou Pa no ti ikhilu keno, aküxüküa lhoxü bidi eno layemi muku bidi no Pa zülo itsaqi, panongu lakhikhi no akighi lebo eno ameshoyi kiptibo lo müsüghüta chhitoi süpeae, ti ye küpülümi kukhu kighini ke.

Piyeküsü 6:1

Tithiu Ambeti no liküküzü kaku tsüni dolo lakhi xükho keu I no ju akelo aküxüküa lhoxü bidi dolo lakhi no asütsa vekipighi tsütsüküsü toi “Ighilo!” ipikeu I no chilu.

Piyeküsü 6:16

ngono naghuto eno atuqo pütsa, “Ni shou ilu ikughi lo eno Khuu no kükalakhü lo iqa ani keno Pa zülono eno Ambeti loghu launo ni küghütshüve lo,

Piyeküsü 7:14

I no pi, “Nono ithi anie, akijeu.” Pa no I vilo pi, “Hipaqo ye küsakushu kije hechesü ipeghi luve kemie. Panongu ye Ambeti ji lono panow chijeboike phi ishikimthepe metsüghoi luvae.

Piyeküsü 7:17

Kughengu kükalakhü mta lo Ambeti huno pano kheu shino panoqo sasü aküxüpu züpuki lo tucho sawu nani, eno Alhou no pano nhethi lono anhezü isüvetsü nani.”