John 1:18 - Sumi Naga CL (Re-edited) Bible (BSI)

¹⁸ Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

BAIBEL (BSI)

¹⁸ Khunomu Alhou ithumla aphi. Ikemu Anu khuu Alhou sasu aphiphi keno pa vechewo Alhou ye kiu toi keno ningu lau pephe piyetsu.

Sümi Tiqhelimi Bible

¹⁸ Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

John 1:18 Iomraidhean Croise

BOTHUBO 16:13

Ikehu li no Ampeu khuu li pütsa keno, Pa je pesü, “No ye ithukuluu Lhou,” ipi kuvetsü, kughengu li no pi, “Kuchou no khuu no I jukuto akeno I no hileno pa ithuluvae.”

BOTHUBO 18:33

Kughou Ampeu no Abraham pütsaqhive keno, Pa ye wuve, eno Abraham ghi pa kilo idewove.

IPEKULU 23:21

Pa lau amlo tsüqhiyi shilo eno pa tsa gholulo; pa hebide kevilo, kughengu pa ye nongu kipimi qhitsümo nani, kughengu pa lolo I je ani.

IPEKULU 24:10

eno panongu no Israel Lhou ithulu. Pa pukhu philo sapphire tu qha püake toi, tsüghükhüi keu no atsütsü hutoie.

AHOLE 8:30

Kütshakügha kümlau toi ni ye Pa gholo ae, tsalakipe Pa no I jupe alovi, eno I no Pa zülo alovi che,

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

AKUMLO 2:12

Mishighüna laghila lo izave kemi no thiqhi-thiqhi ake toi, aza no khape pülaghi pano küxü küxü süthauve ketoi panongu no panoqo paza lau ighamku, “Asho ngo aji khile ani kea?”

AKIKIHI 12:8

Ni ye aholeu no kumono pa sasü agi no agi thepe küptsa cheni, eno pa no mtsümishei I koghe ithulu cheni. Imaye kishino nokujo ye I qeu Moses shou lakichile tsa pini keu msa move kea?”

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

Luke 10:22

I Pu no thokha kümtsü pesü I u lo süve tsüae; Apu likhino thono khumu Anu ye khuu keno mthae, momu Anu, eno khukhumu Pa no piyeni ke kishelu keu likhino thono khumu Apu ye khuu keno mthae.”

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 12:41

Isaiah no hipaqo pikeu ye pa no Jisü jekipipu ithulu eno pa ghili pike.

John 13:23

Pa khopemi gholo lakhi, khuu Jisü no kimiyeche keno pa ye Jisü phivilo iqa ae,

John 14:9

Jisü no pa vilo pi, “Philip, ni ye nongu sasü hitotohi ighive apüzü no ye itehi kutolo ni mtha keshea? Khunono ni ithuluve akeno pa ye Apu ithuluvae. Tishiaye no ye kishino, ‘Apu ningu piyelo’ ipi ani kea?

John 17:26

I no panoqo pelo O je ithive ape eno I no tishi anani, tishianguno Nono I kimiye keu kikimiye no panoqo lolo apeni, eno ni ghi panoqo lolo anani.”

John 17:6

“Ayeghiqha lono Nono khunoqo ikhiphepe I tsü keno tipaqo lau I no O je pephe piyevae. Panongu ye Ow, Nono panongu pesü I tsü, eno panongu ye O tsa peluvae.

John 3:11

Kuchou no I no o vilo piani, nino keu ithi keno picheni, eno kiu ithulu keno thopi shicheni, ikemu nongu no ni shepe ikhilumoe.

John 6:46

Tipau kiqi ye khuu no Alhou launo ighi keno, pa likhino Apu ithuluve ake thono kümtsü noke kumoe.

2 Kor. 4:4

Panongu ghengu ye hipa yeghi lo lhou no pülümokemi mlo kughupove tsüae, tishikeu lono panongu pelo Alhou jukimhiu Khristow ajuküvü tsakiviu küvü ithulu pemo niye ke.

ZAKINIU 4:12

Tileno Ampeu no ami lono nongu pütsae. Nongu no atsa ye chilu kemu koghe ye ithumlae; tile asütsa likhi chilue.

Kolosiami 1:15

Pa ye ithukümla Lhou jukimihi, pulhoküsü kümtsü dolo amsüu.

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

1 Tim. 6:16

Pa likhino thimoni keu küka ani, Pa ye aphivilo wumla keu küvü lo acheni, khunomu pa ithulu mphi eno Pa shou jupuku mlae. Agigihu eno lhokta kükaqha, Pa lau alo. Amen.

JOSHUA 5:13

Kughou Joshua no Jericho kupunu ighi keno, pa no ju kelaye timi lakhi azütakikihi pa u lo pesü aghi keu ithulu. Joshua no pa lau wuno pi, “No ye ni laumi keo, ni ghümi laumi kea?”

1 John 4:12

Timi khunomu Alhou ithulu mphi; ikemu ningu no lakhino lakhi kimiye kile aye, Alhou ye ningu lolo ani eno Paw kikimiye no ni lolo kupukülailu ani.

1 John 4:20

Khuana no, “Ni ye Alhou kimiye cheni” ipi no pa thiküzümi mithi cheghi aye, pa ye kimkimi; kughengu khunono pa no ithulu chekeu thiküzümi kimiye chemo keno, pa ye ithulu chemo keu Lhou kimiye mlae.

1 John 4:9

Alhou kikimiye ningu gholo pephetsü keu ye hipau lono ke: Alhou no Pa Nu lakhi akeu pesü ayeghi lo puwu, tishianguno ningu pelo Pa vecheo xülu peniye ke.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.