John 1:15 - Sumi Naga CL (Re-edited) Bible (BSI)

¹⁵ (John no ighamku ishi Pa shepe shitsü, “I no khuu ghili pesü, ‘Khuu I thiu cheni keno Pa no I nguno akiqheue, kughengu Pa ye I züuno acheghivae’ ipiche keno tihu Pa ke.”)

BAIBEL (BSI)

¹⁵ Johan no ighamuku pa ghili ishi ashepe shitsu. Pano pi, “Ino khuu ghili pesu, ‘Khuu ithiu cheni keno paye inguno akiqheuke, kughengu ipunu mphi lono paye acheghivae’ ipi pichekeu hu pake.”

Sümi Tiqhelimi Bible

¹⁵ (John no pa vehu pesü ashepe shie. Eno pa no ighamuku pi, “I no pa ghili piakeu hu ye I no kughou, ‘Timi lakhi I shelo ighi niye akeu ye I nguno akiqheu ke, kughengu pa ye I züu no acheghivae,’ ipikeu hu ke.”)

John 1:15 Iomraidhean Croise

AHOLE 8:22

“Ampeu no khaghi wovekeu lo Pa kümla hukuthu lono I lhoke.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

MATTHEW 3:11

“Aküxü xaide penike I no azü pesü nongu baptiz shitsüe, ikemu I thiu khuu cheni keno, pa no I nguno akumtou, eno pa pukhukuqho mu ni ye peküzüpu kumoe. Pa no Aghungu Kimthe eno ami pesü nongu baptiz shitsü nani.

Mark 1:7

Pa no ishi kütsü, “I thiu khuu cheni keno, pa ye I nguno akumtou kehu ni ye itsaqi no pa pukhukuqho kighi mu kuqho küzüpu kumoe.

Luke 3:16

John no kümtsü khochile pi, “I no azü pesü nongu baptiz shitsü ani, ikemu I nguno akumtou lakhi cheni, khuu pukhukuqho kighi mu ni ye kuqho küzüpu kumo keno, pa no Aghungu Kimthe eno ami pesü nongu baptiz shitsü nani.

John 1:27

Pa no I thiu cheni, ni ye Pa pukhukuqho mu tsügha küzüpu kumoe.”

John 17:5

Apuo, ayeghiqha lhophe mphilo I no O gholo akelo ajuküvü achekeu pesü itehi O nhethe lono I juküvüpu shitsülo.

John 8:58

Jisü no pi, “Kuchou no I no nongu vilo piani, Abraham züuno ni ye acheghivae.”

Kolosiami 1:17

Pa ye thokha kümtsü züu, eno pa gholono thokha kime küqhape ani.

IBRIMI 13:8

Jisü Khristo ye ighi, ishi eno alholo aphiphie.

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.