John 1:14 - Sumi Naga CL (Re-edited) Bible (BSI)

¹⁴ Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

BAIBEL (BSI)

¹⁴ Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

Sümi Tiqhelimi Bible

¹⁴ Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 1:14 Iomraidhean Croise

LESHELE 2:7

I no xaküthaza pini: Ampeu no I vilo pi, “No ye I Nu; ishi tsala lono I no o pu shivae.

LESHELE 45:2

Timi nuliqo gholo shishe aju-akoghe akiviu ye noke; o mütsü lono küpükini qole ipeghi; tigheno Alhou no alhokupuju o kümghave tsüae.

LESHELE 85:9

Mtsüqheino Paw xakulu ye Pa sümsa chekemi phivilo ani, tishikeu lono ajuküvü ye ningu yeghi lo anani.

ISAIAH 40:5

Tileno Ampeu juküvü piye nani, eno timi kümtsü no tipau ithulu nani, kughengu Ampeu kichi no pivae.”

ISAIAH 53:2

Kughengu pa ye Alhou zülo asübo khuni lakhi toi thuwu, eno qhaike yeghi lo akuhu qüsüpe aketoi keu ke; Pa ye kogheküghü momu akükanguagha kiumu kühake, kiu lonomu Pa jukepu kühae; momu jukivipu kiumu kühake, pa mine akepu kiumu kühae.

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

EZEKEL 37:27

I kungo-a ye panoqo gholo anani, I no pano Lhou shinani, eno panongu no Iw timi shinani.

MATTHEW 1:16

eno Khristo ipi chekeu Jisü ye Mary, khuu Jacob nu Joseph nipu keno, li vecheo punu.

Luke 2:11

Kughengu ishi tsala lono nongu lau Xakuluu, khuu Khristo Ampeu keno, David phughi lono punuvae.

Luke 2:7

Li no punu tüghüu kiptimi ithulu no aphi kümtsha tachu pesü pa küzüpe amishi khulo püzü, kughengu pama ghenguno inaki lo a-a kühave ke.

Luke 9:32

Peter ngo pa qomi ye ingufufui akemu kughou panongu no atsüveshe ithughi keno, pa juküvü eno timi kini pa gholo akeu ithulu.

John 1:1

Abothu lono Atsa ae, Atsa huye Alhou gholo ae; eno Atsa huye Alhou ke.

John 11:40

Jisü no li vilo pi, “Nono pülü aye Alhou juküvü ithulu nanie pi ni ye o vilo pike kumo?”

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 14:9

Jisü no pa vilo pi, “Philip, ni ye nongu sasü hitotohi ighive apüzü no ye itehi kutolo ni mtha keshea? Khunono ni ithuluve akeno pa ye Apu ithuluvae. Tishiaye no ye kishino, ‘Apu ningu piyelo’ ipi ani kea?

John 17:22

Nono ajuküvü I tsükeu I no panoqo tsüvae, tishianguno nikujo no lakhi ketoi panongu ghi lakhi shipeni,

John 17:24

Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

John 18:37

Tile Pilate no pa vilo pi, “Tishiaye no ye akükau keshea?” Jisü no khochile, “Ni ye akükau kepi nono piani. Hi ghenguno I punue eno hi ghenguno ni ye ayeghi lo ighie— ti ye kuchou lau thopi shiniye ke. Khunono kuchou laumi keno I sütsa ini cheni.”

John 2:11

Jisü no amchipu kümla shikeqo gholo hi Galilee cheaxü Cana lo shikeu no atüghüu, eno hileno pa juküvü pephe piye; eno pa khopemi no pa pülüve.

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

John 3:18

Khukhumu Pa pülü keu ye küghathabe movae; ikemu Pa pülümo kemi ye küghatha bevae, kughengu Pa no Alhou Nu lakhi likhi akeu pülübe moke.

John 6:51

Ni ye kungugha lono iqighi keu aküxüküa shoke. Khuu no hipa sho chuni keno pa ye alholo xü nani. I no ayeghiqha küxüpu ghenguno tsü akeu sho ye I shi ke.”

John 8:32

nongu no kuchou ithi nani eno kuchou huno nongu khaqhiphe nani.”

Apostolmi 13:33

Pa no Jisü xüputhu keu vecheo ningu anuliqo lau shikupu tsüe, ti ye Leshele akiniu lo ghi yepüani, “‘No ye I nu, ishi no I no o pu shiluvae.’

Rommi 8:3

Ashi lhoaye no shikimqepe Ayezah no kiu shimlave keno Alhou no shive tsüae. Axine shipühave tsüniye Pa Nu kuchou pesü axine phimpi kimihi shi puwu keu vecheo Pa no timi lhoaye lo axine jeli kileve tsü,

Rommi 9:5

Alhouw tushokiqhi pekibe ighi keu ye panongu puasüqo ke, eno ashi kiqi lono pini aye, pano kuhu-aghü lono Khristo ighi, Pa ye kümtsü shou Alhou, alhokupuju sheqhe akepue, Amen.

1 Kor. 15:47

Timi atüghüu ye ayeghimkhu no lhoke; Timi akiniu ye kungugha lono ighie.

2 Kor. 12:9

Ikemu Pa no I vilo pi, “Iw küpükini ye o ghenguno lukümkhae, kughengu I küka ye miqemlei kelono kupukülailu cheni.” Tighenguno ni ye aloviqhiyi Iw miqemlei keu lo alau qhezani, tishianguno Khristo küka no I shou apeni.

Galatiami 4:4

Ikemu kughou ado kupukülai ighive keno Alhou no Pa Nu puwu, totimi pelo punupe, ayezah qholono punu,

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

Kolosiami 1:19

Kughengu Alhou no Pa züküvü shi Paw kupukülai keu lhoaye Anu lolo sütsü,

Kolosiami 2:3

Khristo lau alokütsü eno akighithi kini khuki kümtsü küsüpe püani.

Kolosiami 2:9

Kughengu Khristo lolo Alhou lhoaye kuchopu kupukülai ani,

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 1:5

Kughengu Alhou ye kungumi dolo khuu vilo, “No ye I Nu, ishi tsala lono I no o Pu shiluvae.” Momu itaghi, “I no Papu shini, eno pa no I Nu shinani” ipi püania?

IBRIMI 10:5

Tishi kehu Khristo no ayeghi lo ighi kelo pa no pi, “No ye aghakishi eno akümllagho laju chemoe, ikemu Nono I sala aphimpi lakhi kutope qhitsüe;

IBRIMI 2:11

Kughengu khuu no axine shikimthe cheni eno khunoqo no mithe luve cheni keno kümtsü akuhu aghü lakhi lono ke. Tighenguno pa ye panoqo vilo athiküzümie pini keu kujo chemoe,

IBRIMI 5:5

Tihutoi Khristo ghi achinetou shi penike pa ampi süqheke kumoe, ikemu Alhou khuu no hipa tsa pi keno, Pa no Khristo kishelu ke, “No ye I Nu, ishi tsala lono I no o Pu shiluvae.”

1 John 4:14

Ningu no ithulu no ashepe shi anike Apu no Pa Nu pesü ayeghiqha Xakuluu shipeniye puwue.

1 John 4:9

Alhou kikimiye ningu gholo pephetsü keu ye hipau lono ke: Alhou no Pa Nu lakhi akeu pesü ayeghi lo puwu, tishianguno ningu pelo Pa vecheo xülu peniye ke.

2 John 1:7

Kughengu ayeghiqha lo pishikiqhimi, khunoqo no Jisü Khristo ye ashi phimpi xapusü ighie pi ikhilu chemo keno, tipaqo kutomo ipeghivae. Titoi kemi no pishikiqhimi eno kichileu Khristo ke.

Piyeküsü 19:13

Pa ye aji pusüsü keu chijeboike phi pepu, eno pa je pesü “Alhou Tsa” ipi kutsüe.

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.