JOB 9:15 - Sumi Naga CL (Re-edited) Bible (BSI)

¹⁵ I no achipi lo apülaghi Pa khochile mla keke I nguku akeu vilo I kimiyetsü penike qhüiniju masavae.

BAIBEL (BSI)

¹⁵ Ta niye achipi shi anamu pa khochile mlae, inguku akeu vilo ikimiye lopi qhuiniju masavae.

JOB 9:15 Iomraidhean Croise

YEKIKITHI AKINIU 33:13

Pa no Alhou lau inikhu, eno pa kighini no Alhou mlo buve no Pa no itaghi Jerusalem lo pa kükaqha lo sachile ighive. Tileno Manasseh no Ampeu ye Alhou kepi ithive.

JOB 10:15

I no pimive aghi aye I hasapue! I no achipiu lo aghi aye ni ye I kijivile mlae, kughengu ni ye akukujo no chhitoi eno kushuküqha no mhoqhivae.

JOB 10:2

I no Alhou vilo pini, Akipimi I tsü kevilo; kushiye I nguku ani keno I pelo ithi pelo.

JOB 22:27

Nono Pa lau akighini shikelo Pa no chilutsü nani eno o shoqhi shikeu shikupulu nani.

JOB 23:7

Tile akümzümi no Pa sasü kütsala eno alhokupuju ghenguno Iw küghaküthau no I tsa xathave tsüniche.

JOB 40:5

I no ghuthu lakhia pivae, ikemu khochile moae; iyei, tinguno alaumu pivae, ikemu itehi ye pimoae.”

JOB 5:8

I müzülo ni ye Alhou phu nani, eno I kumchho pesü Alhou lau kulhuqhi tsü nani.

JOB 8:5

Tsala nono Alhou phuju no Akughushuu lau küpüqhiyi tsü penike qhüiniju aye,

JOB 9:16

Tsala I no Pa ku kelo Pa no I khochile püaghi namu, Pa ye I sütsa initsü akepi ni ye pülümo nani.

JOB 9:20

I no achipi lo anamu I kichi no akipimi I tsüve nani; I no akipimi kühamu Pa no I tuchighiveni aphie.

JOB 9:21

Ni ye akipimi küha keghi I kihi movae; I küxü jumithi auvae.

JEREMIYA 31:9

Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

DANIEL 9:18

O I Lhou, O kini kugho puwolo eno inilo. O nhethi xükho no nino küghüküghalei akeu, eno mishighüna O je lono ku püakeu julo. Kughengu ningu mikucho ghenguno ningu ye O zülo qhüiniju keu hipau süghi anike kumoe, ikemu Ow kikimiye kije akeu ghenguno ke.

DANIEL 9:3

I no Ampeu Alhou lau I gi kugho puwo, akighini eno kümvü keu, yeqhiyephi ngo ayevu vecheo küpükini piye penike qhüiniju.

1 Kor. 4:4

Kughengu ni ye I kipimi kiumu kümsülu amoe, tishike ghenguno ni ye akipimi kühake pimlae. Ampeu no I shou küghathabe cheni ke.

1 Peter 2:23

Kughou Pa pipütha keno Pa ye tipaphi shi ghechilemoe, kughou Pa no imeve keno Pa ye amkhükulu tsa pesü kichimoe, ikemu Pa ampi pesü Khuu no achipishi küghathatsü cheni keno Pa lau kulhuqhive tsüke.