JOB 8:10 - Sumi Naga CL (Re-edited) Bible (BSI)

¹⁰ Panongu ye o shika eno o vilo pitsümo nani kea? Panow vethakulu kiqi lono atsa pimoni keshea?

BAIBEL (BSI)

¹⁰ Wovekeu tiqhelimi pelo okutsu eno ovilo pipelo, eno pano lokutsu piju pelo.

JOB 8:10 Iomraidhean Croise

JOB 32:7

I no kümsü, ‘Kichimi no pi peni, eno xükülayeve kemi no alokütsü shika peni.’

JOB 8:11

“Akhiji-a küha keloye asalebo ipeghilu nani kea? Azü küha keloye ayeghübo nibonilei ipeghi luni keshea?

JOB 8:9

Ningu ye ighina timi aphi kehu kiumu ithiamoe, kughengu ayeghi lo ni küxü ye yekükhü ke.

LESHELE 145:4

Tiqheli lakhi lono lakhiu kutolo O kümla pikibe nani, eno O kughushu kümla shuphe nani.

AHOLE 16:23

Alokütsümi ye pa tsa kilhe mono pikepu likhi kishepe pive kelo timi züiza luve cheni.

AHOLE 18:15

Aqho-aji tsüghükhüi kemi mlo eno alokütsümi kini no akighithi ithi küphalu cheni.

MATTHEW 12:35

Timi kivimi ye küakini pekütsü püake toi pano xülo akivi pephe cheni, ikemu alhoksami ye alhoksa pekütsü püakeu lono alhoksa pephe cheni.

ZAKINIU 11:19

Hipaqo pesü no tianuli shika lo, nongu no aki lo akelo, khalau chekelo, züake lo eno ithu akelo, hipaqo pesü pialo.

ZAKINIU 6:7

Hipaqo pesü amlo tsüqhiyi no tianuli shikalo, nongu no aki lo akelo, khalau chekelo, akulhoqhi eno mlaitha kelo hipaqo pesü pialo.

IBRIMI 11:4

Aküpülü lono Abel no Cain nguno ikhikulupu ghakishi Alhou lau tsü, eno Alhou no pa kümllagho ikhilu tsüno aküpülü vecheo pa ye amikucho kepi kihi tsüe. Pa ye thive namu aküpülü vecheo pi chephie.

IBRIMI 12:1

Tighenguno, thopimi aqokitikhi kije no ningu sühope ani kehu, ningu ghi ape kimshi jeli, eno axine khikhino tsatsai ningu tsüghave cheni keno tipaqo xaqhiveni nolo, eno ningu zülo kuto tsükeu kupo kheakulu shi poni nolo.