JOB 7:11 - Sumi Naga CL (Re-edited) Bible (BSI)

¹¹ “Ikehu ni ye I kichi kujukhave moni, I nguagha no iju ake lono I no pini; I küxü kukhukimji lono I no muchhoni.

BAIBEL (BSI)

¹¹ Tighenguno niye ikichi mushope amlae: Ingu-agha ghime launo pini putsae, ikuxu kukhukimji mutsa lono mopi aniaphie.

JOB 7:11 Iomraidhean Croise

BOTHUBO 42:21

Tithiu panongu lakhino lakhi vilo pi, “Kuchou loye ningu ye ni thiküzüu vehu lo akipimi anie, ningu no pa ngulho ghime kitikhi ithulue, pa no ningu vilo qhüiniju kemu ningu no initsü moveke. Tighenguno aghime kitikhi hipau ningu shou ikughi anie.”

JOB 10:1

“Ni ye I küxü ju azüzüvae; ni ye I kumchho kuqhope zale niae; I küxü kukhukimji qhemi lono ni ye atsa piniae.

JOB 10:15

I no pimive aghi aye I hasapue! I no achipiu lo aghi aye ni ye I kijivile mlae, kughengu ni ye akukujo no chhitoi eno kushuküqha no mhoqhivae.

JOB 13:13

“Iqünhei shilo, eno I no atsa pini, I shou kiu ighini keno ighi pelo.

JOB 16:6

“Itehi ye I no atsa pinamu I küsü no iqü luamoe, I no inaqhoive keu no ni ye aloinolu ani keshea?

JOB 21:25

Kütamiu ye angukümgha michemla no mijimlai thive cheni.

JOB 23:2

“Ishi ghi I kumchho ye mijimlai ani, I no igha akeghi Alhou u no mishishei qaqhi ani.

JOB 36:21

Kutokupui lo; alhoksa lo tsüghü wuve kevilo, kughengu aghime züqhulo nono hiu kisheluve akehu.

JOB 6:26

Lajupu hauve kemi tsa pesü abokümsa shive tsüno I shikithe tsünike kümsü anio?

JOB 9:27

Tsala I no, ‘Ni ye I kumchho kümsümaveni, amloghime gi qhive no alophaleiveni’ ipi aye,

LESHELE 39:3

I mlo alouno shukuthui ipeghive; I no kümsüju, ikelo ami iqü ipeghive; tithiu I kichi lono ishi pi:

LESHELE 40:9

Ahoho kije lono I no xaphekulu lokivi tsa pive tsüae; O Ampeu, Nono ithi aketoi, ni ye I mütsü lakha püamoe.

ISAIAH 38:15

Pa no I pütsa, Pa ampi no hitoi shiveke ni ye kiu pini kea? I lolo kukhukimji akeu ghenguno ni ye I küxü tivilo asheshino checheniae.

ISAIAH 38:17

Kuchou no I no kukhukimji kije sholu keu ye I kivipu akehu kena; Nono I kimiye kelauno akumo ki lono I küxü xaphe tsüno I xine kümtsü pesü O thiu vepuwove tsüe.

Luke 22:44

Pa no amloiju akehu alau amlo tsüqhiyi inikhu; eno pa tsünhizü no aji toi ayeghi lo ijiqighi.

2 Kor. 2:4

Kughengu nongu mlo küsapu shitsüni ye kumono nongu pelo Iw kikimiye kupukuno nongu lau akeu ithi penike ni ye amlo ghime kije eno amlo ghuju ngo anhezü kipiji lono nongu lau yesü yepuwu ke.

SAMUEL ATUGHIU 1:10

Li ye ighono amloime ae eno Ampeu lau kukhukimji shi qa ae.