JOB 42:8 - Sumi Naga CL (Re-edited) Bible (BSI)

⁸ Tighenguno itehi ye amshitsü ngo ambetsü tsünini pesü I qeu Job lau wuno nongu ghenguno akipti kümllagho shilo. Eno I qeu Job no nongu ghenguno inikhu tsünani, I no pa kighini chiluve tsüno nonguw mbomzü qhemi akipimi tsümoveni. Kughengu nongu ye I qeu Job toi I ghili pitsümoe.”

BAIBEL (BSI)

⁸ Tighenguno amshitsu, tsuni bheritsu tsugho pesu iqeu Job lau wuno nongu ghenguno akipiti kumllagho shi-ghi tsulo, eno pano nongu ghenguno inikhu tsunani. Ino pano inikhukeu vechewo nonguno ighili pipusavekeu kipimi qhivetsu nani, kughengu nongu ye iqeu Job no ighili pitsu keu toi pitsumoe.”

JOB 42:8 Iomraidhean Croise

BOTHUBO 20:17

Tishino Abraham no Alhou lau inikhu, eno Alhou no Abimelek eno pa nipu ngo totimi aqemi ghi shipivi tsüe, tishikeu lono panongu ghi atianuli punulue.

BOTHUBO 20:7

Ikehu itehi, timi nipu hu tsüchileve lo, kughengu pa ye tungkupu ke pa no o ghenguno inikhu tsü nani, eno no ye xülu nanie. Ikemu tsala nono li tsüchile moaye, no eno o gholo akeqo kümtsü mtsüqheino thive nanie pi ithilo.”

YEKIKITHI ATUGHIU 15:26

Levi laghami no Ampeuw Puloshoqhi Bohu peche kelo Alhou no kuphutsü penike panongu no amshitsü tsüni eno ambetsü tsüni ghiqhipe mllave.

YEKIKITHI AKINIU 29:21

Panongu no amshitsü tsüni, ambetsü tsüni, ambeti tsüni, eno anetsü tsüni pesü kükaqha ngo akimthea eno Judah kümtsü ghenguno axine kümllagho shitsü. Pa no Aaron li lono ighi keqo achinemi vilo Ampeu kümlla khache lono mlla lopi azah tsü.

JOB 1:5

Kughou no aghulhu tsalaqo taveni keno, Job no panongu ku puwu no shikimthepe Alhou lau ikhiphe tsüche, pa no inaqhe itheno ithu panongu lakhikhi ghenguno akipti kümllagho shiche. Kughengu pa no piche, “I nuliqo no axine shive no panongu mlo lono Alhou ghushove aghi nosake.” Ikehu pa no alhokuthu hitoi shiche.

JOB 1:8

Tile AMPEU no Satan vilo pi, “No ye I qeu Job shou kümsü pukuju kema? Kughengu pa toi tukutiye kühano müzüchoi kemi, Alhou sükümsa shi xüno alhoksa lono tsüghüve chekemi ayeghi lo kühae.”

JOB 22:30

Pimive kemiu ghi Pa no xaphelu cheni, o u kimthe vecheo nou ghi xaphe luve nani.”

JOB 35:8

O lhoksa no o shou ikughina thono o mikucho huye kütami lau wuve nanie.

JOB 42:9

Ikehu Temanmi Eliphaz, Shuahmi Bildad, eno Naamahmi Zophar pano küthü no wu püzü AMPEU no kiu pi keno titoi shive, eno AMPEU no Job kighini ikhiluve tsüe.

LESHELE 103:10

Pa ye ni xine qhemi lono ni ghimeqhi chemoe, momu ni kipimi qhemi lono tsüchile chemoe.

IPEKULU 18:12

Moses pangu Jethro no akipti kümllagho lakhi peighi no Alhou lau aghashi; eno Aaron no Israelmi layemi kümtsü saighi no Moses pangu sasü Alhou zülono chushoe.

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

JEREMIYA 14:11

Ampeu no I vilo pi, “Timi hipaqo kivipu ghenguno inikhu kevilo.

JEREMIYA 15:1

Ampeu no I vilo pi, “Moses ngo Samuel pama no I zülo puthugho püaghi namu, I mlo ye timi hipaqo lau tsüghü ighimo nani. I zülono panongu hapheve no puwuve lo!

EZEKEL 14:14

tsala timi hipano küthü, Noah, Daniel eno Job noqo no tile aghi namu, panongu ghi pano chipiu mikucho vecheo pano küxü likhi xalu nani, Ampeu Alhou no asheshue.

EZEKEL 45:23

Atsala tsüni ghulhu lo akipti kümllagho ghenguno Ampeu lau pa no amshitsü lhothe eno ambetsü tsüni tukutiye kühakeu ikhiphe tsüni, atsala tsüni ghenguno atsala lo lakhikhi; eno tsalakipetsü anetsü lakhikhi axine kümllagho ghenguno ikhiphe tsüni.

AKIKIHI 23:1

Balaam no Balak vilo pi, “I ghenguno hilehi akiptia tsüni mla tsülo eno amshitsü tsüni, ambetsü tsüni saghilo.”

AKIKIHI 23:14

Pa no Zophim luza lo Pisgah Toghi kütsüqa lo pa sasü ikuno tile akiptia tsüni mlape qhi, eno lakhikhi lo amshitsü lakhi ambetsü lakhi pesü mllave.

AKIKIHI 23:29

Eno Balaam no pa vilo pi, “I ghenguno hile akiptia tsüni mla tsülo eno amshitsü tsüni, ambetsü tsüni tsülo.”

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

2 Tim. 4:14

Ayikiyiqiu Alexander no ighono I kijipüsae; Ampeu no pa kümla kiqi lono tsüchile nani.

IBRIMI 10:4

Kughengu amshitsü ji ngo ane ji ye khilemu axine ikhive tsümlae.

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

James 5:14

Nongu gholo khuana ye küsükini shi ani keshea? Pa ye akukuho lo kichimi kuno panoqo pelo Ampeu je lono thazü pesü nu püzü pa shou inikhu tsü pelo.

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

1 John 5:16

Khuana no pa thiküzümi lakhino akithipu kumo xine shi aghi keu ithulu aye, Alhou lau khulo, eno Alhou no aküxü pesü akithipu kumo xine shive kemi tsü nani. Akithipu lo sailove chekeu xine ghi ani; tipau ghenguno inikhu kepue pi ni ye piamoe.

1 John 5:6

Hi ye, Khuu azü eno aji pesü ighi keno—Jisü Khristo huke; azü likhimu kumo ikemu azü eno aji kinikujo ke. Eno Aghungu no kuchou kepi ashepe shitsü, kughengu Aghungu ye kuchou huke.

Piyeküsü 3:9

Julo, Satanw sinagogmi khunono kumomu Jewmi kepi pishiqhi cheni keno, I no panoqo pelo o zülo ighi no o pukhu philo itsaqi penike jualo, tileno panongu no Ni ye o kimiye cheni pi ithi nani.

SAMUEL ATUGHIU 25:35

Li no kiu süghi keno David no li u lono luvetsü. Eno li vilo pi, “Aloino o kilo wulo. Julo, I no o tsa luve tsüae, eno nono qhüiniju keu shitsüni.”