JOB 42:2 - Sumi Naga CL (Re-edited) Bible (BSI)

² “I no ithi anike No ye thokha kümtsü shilu nani, eno kiu nomu O kimji hakhave mlae.

BAIBEL (BSI)

² Ino ithi nono shimlakeu thime kumu kuhae eno okimiji ye kumtsu shi kupu cheni.

JOB 42:2 Iomraidhean Croise

BOTHUBO 18:14

Ampeu ghengu ye kiuala ighono kushokütsüpu ani kea? Tokuu hipau ghuloki lo, piqhi püakeu do lono I no o lau ideighi nani, eno Sarah ye anu lakhi punu nani.”

JOB 23:13

Ikemu Pa ye kilive mlae, eno khuu no moe piluni kea? Pa no kiu pulo keno ti shicheni.

JOB 25:2

Ayekipe ngo sükümsa ye Alhou gholo ani; Pa no Paw kungugha kiqhe-a lono iqüghai shitsü cheni.

JOB 42:1

Job no AMPEU khochile:

LESHELE 135:6

Atsütsü lo eno ayeghi lo, azüghi lo eno akuthoku lo Ampeu no kiu pulo keno Pa no shi cheni.

LESHELE 139:2

Kughou I no iqa eno I no ithughi keno Nono ithi ani; Nono putou no I kükümsü jupililu ani.

LESHELE 44:21

Alhou ye phuphe mlani keshea? Kughengu Pa ye amlo lo tuqhou akeu ghi ithi ani.

AHOLE 19:21

Timi lolo akukughu kutomo shipeqhi cheni, ikemu ashekha loye Ampeu kimji likhino puthugholu nani.

YETSAPIU 3:14

I no ithi anike Alhou no mlakeu kümtsü alholo ache nani; tipau lo kiumu süküpha mla, momu kiumu ikhive mlae. Alhou no hi shitsü keu ye timi pelo Pa zülo ighüqhiyi apeniye ke.

ISAIAH 14:27

Kughengu aqokitikhi MPEU no kughuve ke khuu no moe pini kea? Pa u chhove ke khuu no tuchile luni kea?

ISAIAH 43:13

Hinguno hilau ye, I no Pa ke; khunomu I u lono xaphemlae; I no mlave keu khuu no tuchile kulupu kea?”

ISAIAH 46:10

I no abothu lono ashekha vehu sheshue, mulho lono shikupu mphikeu tsa ishi piqhi püani, ‘I kimji kupulo ye mtotoi ani, eno I no I kukughu kümtsü shikupu nani.’

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 32:17

‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.

EZEKEL 38:10

“Ampeu Alhou no ishi piani: Tipa tsalani, o lolo akükümsü iloghi no nono küsakügha kuchughu nani

DANIEL 4:32

eno no ye timiqo dolono hasasü wuve nani, o kungo-a ye aghasa lo tüghashiqo gholo shive nani. No ye amshitsü lakhi toi atsüni mzachupe nani, eno Shishe Akiqheu no timi kükaqha shou ayepe cheni eno tipau pesü khukhumu Pa no pulo keu tsüve cheni ipi ithi moke kutolo kihiküthado tsüni no o hecheve nani.”

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

MATTHEW 19:26

Jisü no panoqo jupüzü pi, “Timi ghengu ye kushokütsüpu kemu Alhou ghengu ye thokha kümtsü shilu nani.”

Mark 10:27

Jisü no panoqo juno pi, “Timi ghengu ye shikümlapue, ikemu Alhou ghengu ye kumoe. Kughengu Alhou ghengu ye thokha kümtsü shikulupu likhie.”

Mark 14:36

Pa no pi, “Abba, Apuo, O ghengu ye thokha shikulupu ani. Ajukhu hipau I launo ikhive tsülo. Tishimu I pulou kumono O pulou shilo.”

Luke 18:27

Ikemu pa no khochile, “Timi zülo kiu no tokümlapu keno Alhou züloye shikulupue.”

John 21:17

Jisü no ghuthu aküthüu pa vilo pi. “John nu Simon, no ye I kimiye anima?” Peter ye amlo shimove kughengu Jisü no pa vilo ghuthu aküthüu “No ye I kimiye anima?” ipi ighiju ke. Pa no Jisü vilo pi. “Ampeu, nono thokha ithi ani, eno I no o kimiye akeu nono ithi anie.” Jisü no pa vilo pi, “I mbeqo jukuto lo.

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,