JOB 42:12 - Sumi Naga CL (Re-edited) Bible (BSI)

¹² AMPEU no Job küxü hukuthu lo nguno alau ashekhalau no pa kümghatsü. Ikehu pa ye ambe qhethonhe chighibidi, sayeshi 6,000, amshitsü 1,000, eno khurhaqu 1,000 auve.

BAIBEL (BSI)

¹² AMPEU no atughulo Job no pighichekeu nguno alau shi pa kumghatsu. Ikehu paye bheri 14000, kemel 6000, amshitsu 1000 eno gadahali 1000 ishi pighiluve.

JOB 42:12 Iomraidhean Croise

BOTHUBO 24:35

Ampeu no shishe I mpeu kümghatsü, eno pa ye kije shivae. Atsü-aqu, ghükayi ngo ameshoyi, aqemi kiptimi ngo totimi, sayeshi ngo khurhaqo ishi Ampeu no pa tsüe.

BOTHUBO 32:14

anequ aqhe kini, anetsü muku, ambequ aqhe kini eno ambetsü muku,

JOB 1:10

Nono pa kibo eno paw pichepighi qhoi putukhave no ala kümtsü lono botha luveke kumo? Pa kümla kümtsü Nono kughuko tsüno pa tsüaqu no ayeghi nhakha luve ake.

JOB 1:2

Pa ye ati-anuli kiptimi tsüni eno totimi küthü ache.

JOB 1:3

Tipau gholo ambe 7,000, sayeshi 3,000, alu kümla mishi atüna 500, khurhaqu 500, eno aqemi no kütsasa ache kehu kipela küdaumi gholo aje kijeshi ache.

JOB 8:7

Eno o küxü bothu no kitila lono ithughi püaghi namu, athiu o tsala chekeu ye ighono kije shinani.

LESHELE 107:38

Paw kükümgha vecheo panongu ye shishe kughuko luve, eno Pa no panow pichepighi lhoxü mpive pemoe.

AHOLE 10:22

AMPEUw kükümgha no kinikülü tsü cheni; eno Pa ye tipau lo amlo ghime küphatsü chemoe.

YETSAPIU 7:8

Ashekuho no abothu nguno akiviue, alolo kutuukulu no alolo aqheküza nguno akiviu ke.

EZEKEL 36:11

I no timi ngo tüghashiqo o lau kughuko tsü nani, eno panongu no kughuko no athi pithi nani. I no nongu pelo khaghi lo toi küghüna lupe nani, eno püzüu nguno alau nongu lau akivi alau shinani. Tileno nongu no Ni ye Ampeu kepi ithi nani.

ZAKINIU 8:16

Pa no nongu peju no kuchuni eno ashekha lo akivipu shitsü niye asayeqha lono nongu puasüqo nomu mthakeu manna pesü nongu lojike.

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

James 5:11

Julo, khunoqo no puqhekulu keno, tipaqo ye akümghaue pi ningu no kihi cheni. Job no puqhekulu shikeu nongu no chiluvae, eno ashekha lo Ampeu kimji kiu akeno ithuluvae. Pa ye amlo ighiqhiyi eno kimiyekini ke.