JOB 24:1 - Sumi Naga CL (Re-edited) Bible (BSI)

¹ “Kushiye Akughushuu ye küghakütha tsala kuto chemo eno kushiye Pa ithi kemi ye khilemu Pa tsala ithulu chemo kea?

BAIBEL (BSI)

¹ Tuchomujokulu Lhou ye ku shiye kihikulayi kepu tsala kutope qhimo kya? Kushiye pa huthuchekemi ye Alhou tsala ithulupe chemo kya?

JOB 24:1 Iomraidhean Croise

BOTHUBO 18:17

Ampeu no pi, “I no kiu shiniye ani keno Ni ye Abraham launo küsüveni keshea?

BOTHUBO 7:4

Kughengu atsala tsüni dolono I no ayeghi lo putho tsala lhobidi eno pucho tsala lhobidi tsütsüghu puwuni, eno aküxüküa lhoxü I no lhophe keu kümtsü ayeghi hipau lono I no pühaveni.”

JOB 15:20

Kixikilami ye pa küxü tivilo aghime lono iju acheni, nedaqoda kemi sala kuto püakeu ghime pa no sholu acheni.

LESHELE 31:15

I do-ghuloki ye O u lo ani; I ghümi eno I pishipuju kemi u lono I xalu tsülo!

LESHELE 36:10

O, No ithi akemi lau Ow iqemokeu kikimiye eno amlo kümzümi lau O mikucho tamono qhitsülo!

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

YETSAPIU 3:17

I mlo lono I no pi, Alhou no amikuchomi eno kixikilami shou küghatha nani, kughengu avehu eno akümla kümtsü ghenguno ado anike.

ISAIAH 2:12

Kughengu aqheküzami eno tsütsüngoju kemi ghenguno aqokitikhi MPEU no atsala lakhi kuto püani tipani no panoqo sünheqhive nani;

ISAIAH 60:22

Nongu gholo kihi kelo aghuloshi aghikeu no alimi shive nani, eno kümtsü gholo aghulou no shiye kumto shive nani; Ni ye Ampeu ke; eno ado achipi lono I no ti shikupu nani.

JEREMIYA 46:10

Tipa tsalani ye aqokitikhi MPEU tsala, Pa ghümi shou amkhü luni keu, amkhükulu tsala ke. Azütakikihi no aghaqilu moke kutolo aji pele eno tsüye nani. Kughengu ahuu Euphrates ghoki lono aqokitikhi MPEU no aghakishi shiani.

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

Obadiah 1:15

Kughengu Ampeu tsala ye shiye kümtsü kupunuvae. Nono mlake toi o lau mla nani; o kümla ye o kütsü lo ideikughi nani.

ZEFANIA 1:7

Ampeu Alhou zülo iqüghai lo! Kughengu Ampeu tsala ye kupunuvae; Ampeu ye aghakishi kutovae eno kuküsümi kishekimthevae.

MATTHEW 24:38

Atshünazü ighi mphi lono wo Noah no ashukaki lo iloke tsala kutolo timiqo ye chusho eno külakupu shiae.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

Apostolmi 1:7

Pa no pi, “Apu no Pa küka lono kughuve keu do aghuloki ye nongu no ithi masa keu kumoe.

Apostolmi 17:26

Pa no timi lakhi launo shiye kümtsü lho no panongu pelo ayeghi kümtsü lo xülupe, eno pano do-aghuloki ngo aghüna lo alughi kihitha tsüe,

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

1 Thes. 5:1

Athiküzümiqo, atüqhüdo eno atusho ghenguno nongu lau kiumu ye akepu kühae.

1 Tim. 4:1

Aghungu no mtsüqhei pikeu no hithiu timi khami ye pishikiqhi ghawuqo tsa ini eno tüghami shiküka lo amlo tsüuve keu lono aküpülü pheve nani.

1 Tim. 6:15

Pa ikighi tsala ye ado achipi lono Alhou no süghi nani, Pa ye akümghau eno Pa likhi no yepetou, kükami shou Akükau eno ampemi shou Ampeu,

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.