JOB 22:21 - Sumi Naga CL (Re-edited) Bible (BSI)

²¹ “Alhou sasü külashi luvelo, eno iqüghai auvelo; tishianguno o lau akivi ighi nani.

BAIBEL (BSI)

²¹ Job, noye Alhou sasu alashiluve no iqunei auvelo, tishiaye oghenguno akiviu shiwolu nanike.

JOB 22:21 Iomraidhean Croise

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

LESHELE 34:10

Abongshuu lhothe ghi achuqupu püqüve no müzüthi cheni; ikemu Ampeu phukemi ye akivi kiumu kühave monani.

ISAIAH 27:5

Tikumo aye panongu pelo Iw sükusho qholo ngolu pelo, iyei, pano pelo I sasü külashi pelo.”

MATTHEW 5:25

Khuana no nguku keu lono o sasü küghaki lo wu aye, no ye ala lonomu pa sasü pekithi luvelo, tikumo aye o nguku akeu no o küghape küghaküthau tsüve no tilauno ghukhemi no o pesü akughu shive nosae.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

Apostolmi 10:36

Atsa khikhi Pa no Israelmi lau puwu keno, ti ye Jisü Khristo vecheo aloino keu tsakiviu pesü sheshu keu nongu no ithi ani (Pa ye kümtsü Mpeu ke).

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

2 Kor. 5:20

Ikehu ningu ye Khristo ghenguno lashikami, Alhou no ningu vecheo ghutu ake kumlhoke. Ningu no Khristo züqhushi nongu hakite anike Alhou sasü alupekili luvelo.

FILIPIAMI 4:7

Eno Alhouw aloino keu khikhi timiw vethakulu nguno alau keno, tino Khristo Jisü küdau no nongu mlo eno nongu kükümsü khekuto anani.