JOB 18:8 - Sumi Naga CL (Re-edited) Bible (BSI)

⁸ Kughengu pa pukhu no pa sasü akhame lo kitimeve cheni, eno aqokutho shou checheno tile ikiqive cheni.

BAIBEL (BSI)

⁸ Pa likhi pa pukhuno pa xapuwo akhame lo kitimeve cheni, eno pa ye aqohkuchhu shou chechenie.

JOB 18:8 Iomraidhean Croise

ESTHER 3:9

Tsala hipau no akükau lopu shilu aye, panongu kütsave penike xaküthaza shive tsülo, eno I no ghükayi ahu lakh küthü qhethonhe lhobidi pesü khunoqo no akükau küakini jukütsü cheni keno pano u lo süve tsüni, tishino panongu no akükau kinibo lo süve peni.”

ESTHER 6:13

Eno Haman no pa nipu Zeresh ngo pa küsami vilo pa lau kiu shive keno kümtsü pive. Tile pa küsami alokütsümi ngo pa nipu Zeresh no pa vilo pi, “Tsala Mordecai, khuu zülo nono ikiqive akeno, pa no Jewmi shi aghi aye, no ye pa theqhi lumo nani ikemu mtsüqheino pa zülo ikiqive nani.”

ESTHER 7:10

Tighenguno panongu no Haman no Mordecai ghenguno tshükiqhi-a mla püakeu lono pa tshüqhi pithive. Tithiu no akükau loghu ye iqüve.

ESTHER 7:5

Tileno Akükau Ahasuerus no Kükaliu Esther vilo pi, “Ti ye khuu no, eno pa ye khile ani, khuu no msa mono hipau shiluni kea?”

JOB 18:9

Alichhe no pa phitsü meluve no pa phimpi qhoi meluve cheni.

JOB 19:6

hi ithilo, Alhou no I küghape akumou lo qhivae, eno Pa khame pesü I küzü luvae.

JOB 22:10

Ikehu alichhe no o vehope auvae, züle kümsapu no o mhoqhi ani,

JOB 5:5

Akhüavami no pa lulo pekighi chuvetsü cheni, asahuli lo aghimu luve cheni, eno tüghüthi kemi no pa küakini phucheni.

LESHELE 35:8

Pa no mtha no akelono kütsakungo pa shou ikughive pelo! Eno pa no alichhe shipüa keu no pa meluve pelo; pa kütsave penike tipau lo ikiqi ilove pelo!

LESHELE 9:15

Shiyeqo ye pano no aqo chhukeu lo ilovae; pano no küsü püakeu lichhe lono pano pukhu meluvae.

AHOLE 29:6

Alhoksami ye pa xine lono meve cheni ikemu kivimi ye ale phe eno alokivishi cheni.

AHOLE 5:22

Kixikilami ye pa xine no meluve cheni, eno pa xine kighi no tsatsai pa tsüghave cheni.

ISAIAH 24:17

O ayeghi lo küami, aküighüpu, aqokutho, alichhe no nongu kheani!

ISAIAH 24:18

Aküighüpu sütsa chilu kehu pove namu aqokutho lo ikiqive nani, khuana no aqokutho lono ipeghilu namu alichhe lono meluve nani. Kughengu atsütsü lashe ye khaqhi püani eno ayeghi boqha huno thüthüshi anie.

EZEKEL 32:3

Ikehu Ampeu no ishi piani: ashiaye kütsasa gholono I no I khame pesü o shou vepuku no panongu no o meluve nani.

1 Tim. 3:7

Tinguno alau, pa ye akukuhomi kumo kemi ghi pa kivi pi kemi shiaghi masae, tishianguno pa ye ajuaje küsa lo ikiqimo nani eno tüghami lichhe lo ilomo nani.

1 Tim. 6:9

Ikemu khunono kinimi shinikeu mine cheni keno, ghukuju lo ikiqi ilove cheni, akümsapu lichhe lo ikiqive no timi kütsave chekeu mbomzü kükümsü lo sünhe süve cheni

2 Tim. 2:26

eno panoqo no kümsüchilelu püzü tüghami no pano mepe qhino pa gho-apulou shipe chekeu lichhe lono poluve nani.