JOB 11:19 - Sumi Naga CL (Re-edited) Bible (BSI)

¹⁹ Khumu o shikümsa mono no ye zühulu nani eno kutomo no o kukuphu laju ighi nani.

BAIBEL (BSI)

¹⁹ Nono aghumi msamono zuhulu nani eno timi kutomono okukuphu iniju nani.

JOB 11:19 Iomraidhean Croise

YEKIKITHI AKINIU 20:30

Jehoshaphat yekipeqha ye iqüghai lue, kughengu pa Lhou no aqha kümtsü lono pa kulhoqhi tsüke.

JOB 11:18

Lajupu ania kehu nono amlo mtotoi iqüghai akulhoqhilu nani.

LESHELE 127:2

Nono inaqhe itheno ithuve eno munu akulhoqhi no ghichheghime shi mlakeu lono chusho akeu ye adou ke; kughengu Pa no qhuivü kemi pelo zühu lupe cheni.

LESHELE 4:8

Ni ye aloino qhiyi ihozü no zühulu nani; kughengu, O Ampeu, O likhi no I pelo sükusho lono xülupe cheni.

LESHELE 45:12

Tyremi no agho pesü ighi nani, kinimi no o mlo chuniye phuighi nani.

AHOLE 19:6

Kümtsü no timi akhotomi lopu shiniye pükapütsa cheni; eno tsükinimi sasü küsapau shinike pükha cheni.

AHOLE 3:24

Nono akulhoqhi anamu msamo, eno zü akelo aloinoqhiyi nani.

ISAIAH 17:2

Aroer phughiqo ye pighive no achu kümza-a shive nani eno khunomu tipaqo hapupo monani.

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

EZEKEL 34:28

Panongu ye shiyeqo no ghime keu shimo nani momu tüghashiqo no tsüqhimo nani. Panongu ye sükusho lono küghünalu nani eno khunomu panoqo shikümsa mla nani.

ACHINE 26:6

I no aghakhu lo iqüghai keu tsü nani, eno kiumu nongu shikümsa mono nongu no zühulu nani. I no aghakhu lono tüghashiqo haleve tsü nani, eno tile aghükishi küha nani.

MICAH 4:4

ikemu kümtsü no pütüta tsaibo eno mububo qholo nani, eno khunomu panongu shikümsa monani, kughengu aqokitikhi Mpeu kichi lono piqhivae.

ZEFANIA 3:13

Israel lo ghülu keqo ye achipikumo xakütha shimo nani eno akimki tsa pimo nani, momu pano kichi lo pishikiqhi mili ithulumo nani. Panongu no chuno ihozü nani eno khunomu pano kichimo nani.”

Piyeküsü 3:9

Julo, Satanw sinagogmi khunono kumomu Jewmi kepi pishiqhi cheni keno, I no panoqo pelo o zülo ighi no o pukhu philo itsaqi penike jualo, tileno panongu no Ni ye o kimiye cheni pi ithi nani.