JOB 1:21 - Sumi Naga CL (Re-edited) Bible (BSI)

²¹ Pa no pi, “Ni ye I za po lono aphi kümsa ighi, eno aphi kümsa idewove nani. AMPEU no tsüno AMPEU no ikhipe wuvae; AMPEU je shelo.”

BAIBEL (BSI)

²¹ “Niye iza po lono kumsa ighie eno kumsa woveniae. AMPEU no tsu puzu AMPEU no ikhi suwuvae. AMPEU je shelo!”

JOB 1:21 Iomraidhean Croise

BOTHUBO 3:19

Nono ayeghi lo idewo moke kutolo o tsünhizü o gi lono ijiqi ghi no ye achuqupu chuni, kughengu tipau lono o lhophe; kughengu no ye ayeghimkhu eno ayeghimkhu lo idewove nani.”

BOTHUBO 30:2

Jacob ye li shou axuideve, eno pa no pi, “Alhou khuu no o launo atita lo xathi lakhave tsü akeno, ni ye Pa-a lo ngo ani keshea?”

BOTHUBO 45:5

Itehi nongu no hilau I jepuwuve ke ghenguno nongu ampi jupe kütakihi momu amloide kevilo, kughengu aküxü pükhatsü peniye nongu züuno Alhou no I puwuve ke.

SAMUEL AKINIU 16:12

I lau akumou shive keu Ampeu no ithulu tsüno ishi paw ghukusho theli lo akivi pesü I tsüchile penie.”

KUKAMI ATUGHIU 12:15

Ikehu akükau no timiqo tsa initsü move, kughengu ti ye Ampeu no Nebat nu Jeroboam vilo tungkupu Ahijah Shilohmi vecheo pikeu tsa shikupu niye ke.

KUKAMI AKINIU 20:19

Hezekiah no Isaiah vilo pi, “Ampeu tsa nono pi akeu ye aloe.” Kughengu pa no ishi kümsüe, “I ghuloki lo külakishi eno sükusho akepushi aye kumu kumoe.”

NEHEMIA 9:5

Tishino Levimi Jeshua, Kadmiel, Bani, Hashabneiah, Sherebiah, Hodiah, Shebaniah, eno Pethahiah noqo no pi, “Puthugho lo eno alho lono alholo Ampeu nongu Lhou shelo. O jekipi je sheqhelo, kughengu O je ye shekiqhe eno akishe kümtsü nguno akiqheu lo peqhe püanike.

JOB 1:11

Ikemu pa pighi shou O u chhopuku julo, pa no O gi thepe ghusho nanike.”

JOB 2:10

Ikemu pa no li vilo pi, “No ye mbomzümi totimi tsapi toi pi ani. Ningu ye Alhou launo akivi likhi luno alhoksa ye lumoveni keshea?” Hi kümtsü lo Job ye pa kichi lono axine tsa pimoe.

JOB 9:12

Pa no mxape wuve namu khuu no Pa hachilepe, ‘No ye kiu shi ani kea?’ ipi luni kea?

LESHELE 34:1

Ado kümtsü lo I no Ampeu sheqheni; I kichi lo Pa sheqhe keu ye taveni chemoe.

LESHELE 34:2

I ngulho no Ampeu lau alovi; aqhokighemi pelo chilu no alovi pelo.

LESHELE 39:9

Ni ye atsa pimlavae; ni ye I kichi xükho movae, kughengu Nono I lau tishive tsü ake.

LESHELE 49:17

Kughengu pa no thive kethiu pa ye kiumu pewomo nani; pa jekipi ye pa papesü wuve monani.

YETSAPIU 12:7

Ayeghimkhu no atüghü lo toi ayeghi lo idewove nani, eno aghungu no Alhou lau idewove nani.

YETSAPIU 5:14

akini tipaqo ye anguküsa lono puwove cheni. Eno pa ye anu ani kemu kiumu pesü pa nu qhitsü kepu kühave cheni.

YETSAPIU 5:15

Aza po lono pa ye kishi ighi keno titoi itaghi aphi kümsa idewove nani; aphikümsa ighike toi pa ye akaghashi mlache no kiumu pemono au kümsa wove nani.

YETSAPIU 5:19

Alhou no küakini ngo tinhemgha tsüno tipaqo peithalu penike aküka tsü keqo ghi, pano makho ikhilu no pano kümla lo alovi kepue, hi ye Alhou launo agho ke.

ISAIAH 24:15

Ikehu kipelau no Pa sheqhelo; azüghimkü lo küami no Ampeu, Israel Lhou je sheqhelo.

ISAIAH 42:24

Khuu no küpükami u lo Jacob süve kea? eno Israel pesü xülepuwu kemi u lo süve kea? Ti ye Ampeu khuu shou nino axine shive keno, Pa no ke kumo? Pa laghi lo panongu no wumove, eno ningu no Pa yezahqo gholumove ke.

ISAIAH 45:7

I no aküvü ngo aküzü lhoke; I no kükümgha ngo amhekiqi lhophe ke; Ni Ampeu no hi kümtsü shicheni.”

AKUMLO 3:38

Akivi aküsa ye Shishe Akiqheu kichi lono ighi chenike kumo?

AMUS 3:6

Mishighüna lo afuko igha aye timiqo ye msa moni keshea? Ampeu no puwumo kelo mishighüna lo kütsakungo keu ighini keshea?

MATTHEW 20:15

I no akeu pesü kiu shinishi keno ni ye shimlani keshea? Ikeo, Iw tsüjekini ghenguno o nheshuve kea?’

Apostolmi 4:28

Nono azünatha kughu püakeu panongu no shike.

Ephesiami 5:20

Alhokuthu lo thokha kümtsü ghenguno ni Mpeu Jisü Khristo je lono Apu Alhou lau shikimthi tsülo,

1 Thes. 5:18

atüqhüdo kümtsü lo shikimthi tsülo, kughengu Ampeu Khristo Jisü gholo hi no nongu ghenguno Alhou pulou ke.

1 Tim. 6:7

kughengu ningu ye ayeghi lo kiumu pesü ighimoe eno ayeghi lono kiumu pewuni chemoe.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

James 5:11

Julo, khunoqo no puqhekulu keno, tipaqo ye akümghaue pi ningu no kihi cheni. Job no puqhekulu shikeu nongu no chiluvae, eno ashekha lo Ampeu kimji kiu akeno ithuluvae. Pa ye amlo ighiqhiyi eno kimiyekini ke.

RUTH 1:21

Ni ye chhitoi wu kemu Ampeu no au kümsa I sachile ighi ani. Ampeu no I mjochile, eno Akughushuu no amhekiqi I shou süghitsü keghi kushiye Naomi ipi I kuni kea?”

SAMUEL ATUGHIU 2:7

Ampeu no kumlhomi ngo kinimi kughulhotsü cheni; Pa no sünheqhi eno xaqhe cheni.

SAMUEL ATUGHIU 2:8

Pa no ayeghimkhu lono kumlhomi xaqhe; ayevu lono athokhami sünheqhe panoqo pe sakiphemi gholo iqape no agigihu lakhü ighilupe. Kughengu ayeghi tsükuchoqo ye Ampeuw ke, eno tipaqo shou no Pa no ayeghiqha shiqhe pukue.

SAMUEL ATUGHIU 3:18

Tighenguno Samuel no kiumu küsü mono thokha kümtsü pa vilo pive. Eno pa no pi, “Ti huye Ampeu ke. Kiu no Pa ghenguno akivi ipi ithulu ani keno tishi pelo.”