JEREMIYA 9:26 - Sumi Naga CL (Re-edited) Bible (BSI)

²⁶ Egypt, Judah, Edom, Ammon nuliqo, Moab, asayeqha lo xüküami, acheku lo asa amqo lakhi tsache keqo, shiye hi kümtsü aphighüyiko ghamo keqo, eno Israel kibolomi pano mlo lono aphighüyiko ghamo keqo kümtsü ghime nani.”

BAIBEL (BSI)

²⁶ Timi tipaqoye Ijip, Juda, Edom, Amun nuliqo, Muab eno asayeqhalo khunoqono pano kutsusa ikhonhei tsave cheni keno tipaqo kumtsu. Hipaqo shiayeh lakhimu eno Israil lo akemi milakhimu iwu puloshoqhi pechemoke.”

JEREMIYA 9:26 Iomraidhean Croise

JEREMIYA 10:1

Ampeu no nongu vilo pi akeu tsa inilo, O Israel kibolomi.

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

JEREMIYA 40:11

Titoi Jewmi Moab lo, Ammon lo, Edom lo, eno ayeghi kütau akeqo no Babylon kükau no Judah lo ghükulumi qhive no panoqo shou Gedaliah pesü angh shi penike süsüvae pi chilu kelo,

JEREMIYA 49:32

Panow sayeshiqo ngo pichepighi hakholuve tsülo. Asa ikhonhei ghove keqo sa I no amülhüwo lo küza puwuve nani, I no ako kümtsü lono panoqo amhekiqi süghi nani, ipi Ampeu no sheshu.

JEREMIYA 6:10

Ni ye khuno vilo pini eno ghutuni kea? Khunono I tsa chilu tsüni kea? Julo, panongu kini ye ipovae, panongu ye chimla nani; pano ghenguno Ampeu tsa ye atichepu lakhie; pano ye tipau lo azüküvü kühae.

EZEKEL 31:18

“Imaye Eden süboqo dolo ajekipi eno akughushu gholo no ye khikhiu toi kea? No ye Eden süboqo gholono ayeghi qhou sailove nani. No ye azütakikihi lono ghiqhive kemi, aphighüyiko ghamo kemi gholo ngove nani. “Hi ye Pharaoh eno paw aqokitikhi kümtsü ghenguno, ipi Ampeu Alhou no asheshu.”

EZEKEL 32:19

‘Nongu ye khunow jukivi shoqalu kea? Iqive lo eno aphighüyiko ghamo kemi gholo akulho qhivelo.’

EZEKEL 44:7

kughou achuqupu, atha, eno aji pesü I mlla keno nongu no inaghami, amlo eno ashi lo aphighüyiko ghamo kemi I chineki lo ngo peniye sasü eno I chineki shikitiqeve ke. Now aphikümqhüpu nguno alau nongu no Iw puloshoqhi kubovae.

EZEKEL 44:9

“Ikehu Ampeu Alhou no ishi piani: Inaghami Israelmi gholo akemi, amlo eno ashi lo aphighüyiko ghamo kemi khumu I kimtheki lo ilomo nani.

ACHINE 26:41

kughengu Ni ghi panongu mjochile no pano ghümi yeghi lo puwuve kehu, panongu no mtshaivü eno axine lhoaye shikithe aye,

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

ZAKINIU 30:6

Ampeu nongu Lhou no nongu eno no polo kughukomi mlo kishekimthe nani, tishikeu lono nongu no amlo eno angulho kuchopu pesü Ampeu nongu Lhou kimiye eno xülu nani.

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”

SAMUEL ATUGHIU 17:26

David no pa phivilo akemi vilo pi, “Philistiami hipau pithive no Israelmi launo thokügha ikhive tsükeu lau kiu shitsü nani pi kea? Kughengu aphighü ghamo kemi Philistiami hipau ye khuue pi aküxüpu Lhou ghüshimi khüni kea?”