JEREMIYA 9:2 - Sumi Naga CL (Re-edited) Bible (BSI)

² Asayeqha lo kicheghüzümi kungoki I no aghike aye, ni ye Iw timiqo qhive no tilau wuveni cheke! Kughengu panongu kümtsü küsalhami, pishikiqhi lojimi.

BAIBEL (BSI)

² Asayeqhalo ngokulupu-a ino aghi keaye, iwu timiqo launo poveno tilau wuveni cheke. Panongu kumtsu pichebekum-lamike, muquqhi chekemi muqoke.

JEREMIYA 9:2 Iomraidhean Croise

ISAIAH 59:3

Kughengu nongu u ye aji no kitiqe püani eno nongu ulotiqo ye akimthe shiamoe. Nongu mütsü lo akimki ani; eno nongu mili no kixikila tsa pike.

JEREMIYA 12:1

O Ampeu, O lau muchho kelo No ye achipiu shicheni; tishimu I vehu pesü O qhüinijuni. Kushiye kixikilami no kinikülü shicheni kea? Kushiye pishikiqhimi kümtsü no ikoishelu cheni kea?

JEREMIYA 12:6

O thiküzümi eno o pu kibolomiu ghi o jechue; eno ighamku o hakuqo ke, panongu no ashou toi o pütsa namu panongu pülü kevilo.”

JEREMIYA 13:22

Nono o mlo lono, ‘Kushiye hipaqo ye I shou ikughi ani kea?’ ipi aye, ti ye o xine kije ghenguno o phimini süxüve tsüno no ye ighono aghimeshi ani.

JEREMIYA 23:10

Kughengu ayeghi ye asalhami no chhitoivae; ghukusho ghenguno ayeghi no mlo ani eno asayeqha lo atsüni kümtsha no thizümüivae. Panongu laghi ye alhoksa eno pano kumto ye achipi kumoe.

JEREMIYA 4:22

“Kughengu Iw timiqo ye küghüzümi; panongu ye Ni ithi amoe; panongu ye akükümsü küha keu tianuliqoe; panongu ye vethakulu kühae. Panongu ye alhoksa kümla lo alotsüe! Ikemu kishino akivi mlani keno panongu ye ithimoe.”

JEREMIYA 5:1

Jerusalem laghila lo poipe poilo tsaqüi jukuto julo! Achipiu shi eno kuchou phuche kemi lakhimu phuluni mala liw kobidi-a lo phujulo, tishi aye I no li kipimi qhive tsüni.

JEREMIYA 5:11

Israel eno Judah kibo ye akümzapu shi I pishiqhivae, ipi Ampeu no asheshu.

JEREMIYA 5:2

Panongu no, “Ampeu xü anike,” ipi anamu, akimki lono tushoqhi cheni.

HOSIYA 4:2

tushokiqhi, akimki, ghikiqhi, aküpka, eno asalha likhi ani; panoqo no akütsüghaqo kuqhove no ajikuqo no kibe ke.

HOSIYA 5:7

Panongu no Ampeu lau aküpülü piye move; kughengu panongu no inami tianuliqo punu ke. Itehi ye aqhi kithe no pano luza gholono pano kütsa nani.

HOSIYA 6:7

Ikemu Adam toi panongu no puloshoqhi hebideve; tilau panoqo ye I pükhü mlave.

HOSIYA 7:4

Panongu kümtsü ashupumi; panoqo ye amiphoki külü toi, ti ye ashokishiu no asho kunupe ingu ipeghi moke kutolo ami chixemo no lüghüi qhike toie.

MICAH 6:12

Now kinimiqo ye ngukangugha no chhitoi ke; xüküamiqo no alatsa picheni, eno pano mili ye pishikiqhie.

ZEFANIA 3:4

Liw tungkupmi ye lhelheshi, pishikiqhimi ke; achinemi no akimthe pesü kitiqe; eno ayezah hexa cheni.

MALAKI 2:11

Judah ye pükhükümla shi ighivae, Israel eno Jerusalem lo aphikümqhüpu kümla shivae. Kughengu Judah ye Ampeu chineki, khikhi Pa no kimiye cheni keno tipau shipüthave eno inaghami lhou nga sasü külauve ke.

MALAKI 2:14

Ikemu nongu no pi, “Pa ye kushiye ikhilu tsüamo kea?” Kughengu Ampeu no no eno o lhothe lo nipu, khuu puloshoqhi vecheo o nipu eno o tüna keghi nono li zülo pükhükümla shikeno, nokujo dolo thopi ke.

James 4:4

Nongu pükhükümla timiqo! Ayeghi sasü ashou shiche kemi ye Alhou ghümie pi nongu ye mtha keshea? Tighenguno khuu no ayeghi sasü ashou shinishi keno pa ye pa pesü Alhou ghümi shi ani.

XAKUTHAMI 2:10

Eno tipa tiqhelimi kümtsü thi khave no tipa shelo ipeghi keu tiqhelimi ye Ampeu mtha eno Ampeu no Israel ghenguno kiu mlatsü keno mthae.