JEREMIYA 9:11 - Sumi Naga CL (Re-edited) Bible (BSI)

¹¹ Jerusalem ye I no atachu shi kütsaleve nani, tüngtügha kungo-a shinani, Judah lo mishighünaqo ye pighive no küghüve nani.”

BAIBEL (BSI)

¹¹ AMPEU no pi, “Ino Jerusalem pesu ixapinyi kumqove nani, sherqo kungo-a shitsuni; Juda lo aphughiqoye asayeqha shive nani timi khunomu ngomovekeu-a shive nani.”

JEREMIYA 9:11 Iomraidhean Croise

NEHEMIA 4:2

Pa thiküzümi ngo Samaria ghüshimi zülono pa no pi, “Hi miqemlei kemi Jewmi ye kiu shi anie pi kümsü ania? Panongu ye pano sala shiqhe niye ani keo? Panongu ye aghashi nani keo? Panongu ye atsala lakhi lono shiqhilu nani keo? Panongu ye xine-xigha kiptia lono aki kishi tu mlaphelu nani keshea?”

LESHELE 107:43

Khukhumu alokütsümi no thime hipaqo kümsükutoju alo; panoqo pelo Ampeuw iqemokeu kikimiye kümsükutoju apelo.

LESHELE 44:19

ikeghi Nono atineqo-a lo ningu heqhipe qhive eno akithi yekükhü pesü ningu khonhape qhive.

LESHELE 79:1

O Alhou, shiyeqo ye O mheghi lo iloghivae; panongu no O kimthe chineki shipixive tsüae; panongu no Jerusalem kütsavae.

ISAIAH 13:22

Atine ngo tüngtügha no aqoghe eno akighiki lono igha nani; Babylon tüqhüdo ye kupunuvae li tsala ye süpushumo nani.

ISAIAH 25:2

Nono aphughi shipüsape atuli kughulhove tsü, aliwo akeu phughi kütsave tsü; inaghami kighiki pühave tsüke; aphughi ye khilemu shiqhekithe moae.

ISAIAH 34:13

Kükaki eno aliwo lo koghesahu, apüghü ngo ayemhi no itsüve nani, tüngtügha ngo ostrich ki shive nani.

ISAIAH 44:26

I qemi no asheazü tsa pikeu I no iqhikumto tsü cheni, eno I tsapemi mijekütsü shikupu tsü cheni, I no Jerusalem vehu ishi pi, ‘Tile timiqo küghünauve nani,’ Judah lo mishighünaqo vehu ishi pi, ‘Tipaqo ye shiqheve nani, I no ixapinyi akeqo shiqhe nani’;

JEREMIYA 1:15

I no ahuu kükaqha shiayeqo kukumqo ani, Ampeu no pi, eno panongu no ighi no lakhikhi no Jerusalem khagho kulaghi lo pa kükalakhü süsüpe qhinani, tipau tupi hokümxa kümtsü eno Judah lo mishighüna sükümxa kümtsü bothape qhinani.

JEREMIYA 10:22

Asütsa lakhi ighi ani! Julo, ti ye cheni! Ahuu ghakhu lono Judah phughiqo kütsave tsüno aghalo tsü kungo-a shive tsünike akümsapu kije cheni.

JEREMIYA 16:10

“Kughou nono hipa tsa pesü timiqo vilo pi keno panongu no o vilo iniju nani, ‘Ampeu ye kushiye alhoksa kije hipaqo ni shou pipuku ani kea? Ningu xine ye kiu kea? Ningu ye Ampeu ni Lhou lau kiu xine shive kea?’

JEREMIYA 25:11

Ayeghi qhoi kütsape kümsa shive tsüni, shiye hipaqo ye ampe lhotsüni Babylon kükau huthu nani.

JEREMIYA 25:18

Jerusalem ngo Judah mishighünaqo, kükami ngo hiyampemi, tishikeu lono ishi kutolo panoqo no kiu lo ani keno titoi panoqo pesü yenguyi, atichepu eno ghukusho shive peniye ke;

JEREMIYA 26:18

Moresheth lo Micah no Judah kükau Hezekiah ghuloki lono Judah lo timi kümtsü vilo tungkuptsa ishi pi: ‘aqokitikhi MPEU no ishi piani, “‘Zion ye alu toi hokide nani; Jerusalem kütsalepe amoqhe puku nani, achineki toghi ye aghasa shive nani.’

JEREMIYA 26:9

No ye kushiye Ampeu je lono tungkuptsa, ‘Aki hipau ye Shiloh toive nani eno mishighüna ye kütsaleve no küghüna move nani,’ ipi ani kea?” Ikehu Ampeu kilo timi kümtsü no Jeremiah süho luve.

JEREMIYA 34:22

Julo, Ampeu no sheshu, I no azah tsüno panongu sasü mishighüna hipau lo ighi nani. Panongu no mishighüna sasü aghüshi nani eno ami no pitive tsü nani. I no Judah mishighünaqo pighive tsüno timi küghüna movepe nani.”

JEREMIYA 4:27

Kughengu Ampeu no ishi piani, “Ayeghi kümtsü pighive niae, tishimu Ni ye qhoi kishekhave tsümo nani.

JEREMIYA 44:2

“Aqokitikhi MPEU, Israel Lhou no ishi piani: Jerusalem ngo Judah lo mishighüna kümtsü I no kütsave keu nongu no ithuluvae. Julo, ishi tipaqo ye pighive no khumu tile ngo movae,

JEREMIYA 49:33

Hazor ye tüngtügha kungo-a shive nani, ti ye alholo ixapinyive nani; khunomu tile küghünamo nani; eno khunomu ti kathamae.

JEREMIYA 50:3

“Ahuu no shiye lakhi Babylon lenike ighi ani, tino li pesü küghüve tsü nani, eno khunomu tile küghüna move nani; timi ngo lhoxü kümtsü pove nani.

JEREMIYA 51:37

Babylon ye atachu shi kütsaleve nani, tüngtügha kungo-a shinani, akümsapu eno thoküghapu-a shino timi küghüna move nani.

JEREMIYA 8:22

Gilead lo nukümtshau küha keshea? Tile shikipivimi küha keo? Tishiaye kushiye Iw timi ngaqo shiaji ye athoputho mla kea?

AKUMLO 1:4

Zion lo kuwu laqo no mloqa ani, kughengu khunomu aghulhu lo ighimo ke; liw khagho kümtsü ixapinyivae; li chinemiqo no ijuqa ani; ililhotheqo pesü ghimevae, li ampi ghi mijimlai sü auvae.

AKUMLO 2:2

Ampeu no küpükini kühano Jacob kungoa kümtsü kütsavae; Pa no Judah sükusho-aqo Pa loghu lono kubove tsüae; kükaqha eno tile yepemi Pa no akukujopu shi ayeghi lo sünhe saiqighivae.

AKUMLO 3:47

thüghüi keu ngo aqokutho, hakiphi keu ngo kütsakungo no ningu shou ikughivae;

ACHINE 26:32

Ni ampi no aghakhu kütsale nani eno no ghümi tile akemi no apuchopungo nani.

MICAH 1:6

Ikehu I no Samaria pesü xine-xigha pekilepu-a shive tsüni, atsaibo shokepu-a shive tsüni, eno li tuquqo pesü akhila lo kulu piqive tsüno li boqhaqo xaleve tsü nani.

MICAH 3:12

Ikehu nongu ghenguno Zion ye aluza toi hokideve nani; Jerusalem ye xine-xigha pekilepu-a shive nani, eno achineki toghi no aghasü ilhouve nani.

MICAH 6:16

Kughengu nongu no Omri yezah eno Ahab lagha kümla kümtsü papeke; eno nongu no panoqow mijekütsü laghi pülake, ikehu I no nongu kütsale eno xüküami jukünatha penani; eno nongu no Iw timiw tichetighe xapu nani.”

ZAKINIU 29:23

aghakhu kümtsü amichu ngo amti no chhitoivae, kiumu shosümo eno ipeghimoe, atsüni mu ipeghimoe; hi ye Ampeu no Pa loghu lono Sodom ngo Gomorrah eno Admah ngo Zeboiim kütsakungo keshivae—

Piyeküsü 18:2

Pa no asütsa kuloghi lono ighamku pi, “Ikiqivae, Babylon akijeu huye ikiqivae! Li ye tüghami kungo-a, mithekumo ghawu, mithekumo ghau, mithekumo eno aphikümqhüpu tüghashi jeli kümtsü kicheqho-a shivae.