JEREMIYA 9:1 - Sumi Naga CL (Re-edited) Bible (BSI)

¹ O, I kütsü no azükikhe, eno I nhethi no azüpuki shi aghike aye, Iw timi ghiqhive keqo ghenguno putho pucho qa ani cheke!

BAIBEL (BSI)

¹ Ikutsuye azukikhe lo akeu zu shi aghi keaye, eno inhethiye anhezu puki keaye, putho pucho iwu timi ghiqhivekeqo ghenguno igha qa ani cheke.

JEREMIYA 9:1 Iomraidhean Croise

LESHELE 119:136

I nhezü no aghoki toi qoani, kughengu timi no O yezah pape movae.

LESHELE 42:3

Putho pucho kupuju I nhezü no I khuna shie, atsala kupuju panongu no I vilo pi, “O Lhou ye khile ani kea?”

LESHELE 55:7

iyei, ni ye putou itsü wuveni che; ni ye asayeqha lo ngoveni cheke.

ISAIAH 16:9

Ikehu Sibmah tsaibo ghenguno ni ye Jazer küqa gholono qa ani; O Heshbon ngo Elealeh, I nhezü no o pütsüvae, kughengu mütsü tusho lo o xathi ghile ghenguno alovi chekeu ye kishekhavae.

ISAIAH 22:4

Ikehu I no pi: “I likhi qhivelo; I pelo kukhukimji shi mlo pelo; Iw timi kütsave keu lo I lokughuno tsüniye pükapütsa tsü kevilo.”

JEREMIYA 13:17

Ikemu nono inimo aye, o qheküza ghenguno I ngulho no tuqhou no qa nani; I nhethi lono kukhukimji shi anhezü ipeghi qa nani, kughengu AMPEUw timi loji ye akughu lo sawuveni ake.

JEREMIYA 14:17

“Atsa hipau pesü panongu vilo pilo: ‘Putho pucho I nhethi lono tamo mithe anhezü qopelo, kughengu Iw timi ngaqo ye aghüza kitikhi shi imevae.

JEREMIYA 3:10

Ikeghi li tsünipu Judah no pishikiqhi kümla shi anamu li mlo kuchopu pesü I lau ideighi mono ighike ye shike, ipi Ampeu no asheshu.”

JEREMIYA 4:19

I mlo ghime, I mlo ghime, ni ye aküsü lono ihi ani! O I mlo ghuju! I mlo no kukushi itha ani; ni ye inaqhoi ngolu amoe kughengu aghükishi kütüghü keu fuko ghügha chilu ani.

JEREMIYA 5:7

“Ni ye kishino panongu kipimi qhitsüni kea? No tianuliqo no I kümsümavae eno alhou kumo keqo jeku ashoqhi shivae. I no pano ghakiqipu shi loji kelo panongu no shupu-salha eno küsalhami kilo kumqope ngoe.

JEREMIYA 6:26

O Iw timi ngaqo, yeqhiyephi pepu no ayevu lo ihilo; anu lakhi likhi keu ghenguno mlo ketoi, kukhukimji shi mloqa lo, kughengu züleno hekiqhimi no ningu shou ikughuni cheni.

JEREMIYA 8:18

I lokivi ye chevae; amloksa I shou ikughi ani; I mlo no aghime shi ani.

JEREMIYA 9:18

panongu pelo mtazü ni ghenguno mlo pelo, tishiaye ni nhethi lono anhezü qoipeghi nani eno ni nhebo lono anhezü qowu nani.

AKUMLO 2:11

Ni ye qakeno anhebo khoivae; I po no tsüghü minhe anie; Iw timi nga kütsave keu; aphughi laghila lo angakughunu eno itimiqo no thiqhi akeu ghenguno I tithizü ye ayeghi lo ijiqi ani.

EZEKEL 22:12

Nongu dolo panongu no aji peleni ye külügho luke; nongu no akighishe eno ala lue, eno akisüghüu launo kichiqhi süxachu keu lono ala shilue; ikemu nongu no I kümsümave kepi Ampeu Alhou no asheshu.

HOSIYA 7:4

Panongu kümtsü ashupumi; panoqo ye amiphoki külü toi, ti ye ashokishiu no asho kunupe ingu ipeghi moke kutolo ami chixemo no lüghüi qhike toie.