JEREMIYA 8:6 - Sumi Naga CL (Re-edited) Bible (BSI)

⁶ I no amlokütsü shi ini kemu panongu no achipiu tsa pimoe; khunomu pa lhoksa lono xaide mono pi, ‘Ni ye kiu shive kea?’ Khurshi no shoxashi aghüshiqa lo poilo keshi kümtsü no pütüta la lo wuve.

BAIBEL (BSI)

⁶ Ino tsaqui inijuke, ikemu nonguno kuchou tsa pimoe. Nongu milakhimu pututa lhoksa ghenguno xaideghikeu kuhae, nongu milakhimu ‘Niye kishi akumou shive akela?’ ipi pimoe. Khurshino aghushilo posuwuke toi pututa shelo pututa lalo wuveke.

JEREMIYA 8:6 Iomraidhean Croise

JOB 10:2

I no Alhou vilo pini, Akipimi I tsü kevilo; kushiye I nguku ani keno I pelo ithi pelo.

JOB 34:31

“Khuana no Alhou vilo, ‘I no aghime xapu luvae; ni ye akumou shikithe moae;

JOB 34:32

I no kiu ithuluamo keno I shika tsülo; akumou shi püaghi aye, ni ye shikithe moae’ ipi püani nio?

LESHELE 14:2

Ampeu no kungugha lono pishipiqi timi nuli lakhi nomu vethalu no Alhou phuju cheni kemo keno jucheni.

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

ISAIAH 57:17

I no pa shou amlo idevekeu ye pa no aghükha shikeu xine ghenguno ke, tighenguno I no ghimeqhi eno I no amlo ideve no I gi küsüve, ikemu pa no pa mlo iqesü athiu idewove.

ISAIAH 59:16

Pa no ju kelaye milakhi mu alakishi shitsüni keu ithumlae; tileno Pa u no xaphelue, eno Pa chipiu-mikucho no Pa süqheke.

JEREMIYA 23:25

Tungkupmi no I je lono akimki tungkuptsa ishi pikeu I no chiluvae, ‘I no asamo pumova, I no asamo pumova!’

JEREMIYA 3:5

Pa ye alhokuthu amloide eno alholo axuide anani keshea?’ Nono pive akemu no ye shiluke thaqhü alhoksa kümtsü shivae.”

JEREMIYA 5:1

Jerusalem laghila lo poipe poilo tsaqüi jukuto julo! Achipiu shi eno kuchou phuche kemi lakhimu phuluni mala liw kobidi-a lo phujulo, tishi aye I no li kipimi qhive tsüni.

EZEKEL 18:28

Kughengu pa no kümsüju no pa no axine shiche keqo lono tsüghü ighike, pa ye mtsüqheino xü nani; pa ye thimo nani.

EZEKEL 22:30

Khuu no putukha keu tupikiye shiqhe puku eno ayeghi ileqive keu lo I zülo puthugholu nani keno I no phuju, tishianguno tipau kütsa moni ye ke, ikemu Ni ye khumu phumlae.

DANIEL 9:11

Israelmi kümtsü no O yezah hebideve eno O sütsa chiluni keu milive no kughove ke. Angusü ngo ashoqhi khikhi Alhou qeu Moses Yezah lo yepüani keno tipaqo ni shou lepukuve tsü, kughengu ningu no Pa shou axine shive ke.

MICAH 7:2

Alhou pape chekemi ye ayeghi lono kühavae, eno timi gholo akümzümi ye khumu kühavae; panongu kümtsü no aji peleni ye ngokhe ani eno akhame pesü lakhino lakhi hakuqo ani.

ZEFANIA 3:7

I no pi, ‘Mtsüqheino no ye I sümsa nani; no ye shikithekütsü ikhilu nani. Tishino o kungo-a ye kütsamo nani eno o shou aghime ighimo nani.’ Ikemu panongu no alaushi pano kümla shipüsa kithe auveke.

HAGAYI 1:5

Tighenguno, itehi aqokitikhi Mpeu no piani: Nongu laghi chhejulo.

HAGAYI 1:7

“Ikehu aqokitikhi Mpeu no piani: Nongu laghi chhejulo.

MALAKI 3:16

Ampeu sümsa chekemi lakhino lakhi sasü küptsae. Ampeu no amlo tsüqhiyi shino panoqo tsa chiluvae, eno Pa zülo Pa sümsa no gihu chekemi ye kümsüchilekulu kaku lakhi lo yesüve tsüe.

2 Peter 3:9

Timi khami no Ampeu ye Paw pikiqhitsa shikupuni keu lo asheshi kepi kihi cheni, ikemu Pa ye asheshi mono nongu lau kheakulu shi ani, Pa ye khuu pelomu pühave penishimo kemu kümtsü pelo xaideghilu penishi kehue.

Piyeküsü 9:20

Püsa hipaqo vecheo pithi mlave kemi timi khunoqo achili akeno, panoqo ye pano kümla lhoksa lono xaide keumu kumo, moaye tüghami kümlla momu ameshoyi, ghükayi, alazayi, eno asüatu julhoqo ye ithulu chemo, chilu eno alachelu chemo kehu tipaqo kümlla pimu phevemo,