JEREMIYA 8:19 - Sumi Naga CL (Re-edited) Bible (BSI)

¹⁹ Julo, akuaqha lono Iw timi ngaqo no qa ani: “Ampeu ye Zion lo küha keshea? Li kükau ye tile küha keshea?” “Kushiye panongu gholo ajulho eno inaghami lhou julho pesü I xukutho ani kea?”

BAIBEL (BSI)

¹⁹ Inijulo! Aghakhuqha kuchopulo iwu timiqono ishi igha akeu chilu ani, “AMPEU ye Zion lo ngo chemovea kesha? Zion kukauye tilehi kuhavea kesha?” AMPEU, panoqo kukauno khochile, “Kushiye nonguye asu-atu mllakeu lono eno nowu inaghami lhouqo lau itsaiqi mllakeu lono iloghu shikighideve kya?”

JEREMIYA 8:19 Iomraidhean Croise

LESHELE 135:21

Zion lono Ampeu sheqhelo, khuu Jerusalem lo ani keno, Pa sheqhelo! Ampeu sheqhelo!

LESHELE 137:1

Babylon ghoki mkülo, kughou ningu no Zion kümsülu keno ningu no tilehi iqano mloqa.

LESHELE 146:10

Ampeu no alhokupuju ayepe nani, O Zion, O Lhou no tiqheli kümtsü lo ayepe nani. Ampeu sheqhelo!

LESHELE 149:2

Israel pelo Pa Pulhoküsüu lau amlokiqi shipelo; Zion tianuli pelo pano kükau lau alokiqi shipelo!

LESHELE 31:6

Khunono ameküküha julho mlla cheni keno I no mithie, ikemu ni ye Ampeu pükhü cheni.

ISAIAH 1:4

Aha, axine shikicheu shiye, akipimi pekimshi xapu chekemi, alhoksa shiche kemi tianuliqo, amikuchokumo shiche kemi! Panongu ye Ampeu phevae, Israelmiw Akimtheu jukünatha eno ithithai no tsüghüsü athiu idewovae.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 13:5

Ampeu eno Pa loghu ghünanu ye ayeghi qhoi kütsapinyive tsünike tsütsü-yeghi bouno cheni.

ISAIAH 33:22

Kughengu Pa ye niw Xaküthau, Azakütsüu; Akükau ke; Pa no ni xalu nani.

ISAIAH 39:3

Tileno tungkupu Isaiah no pa lau ighi no pi, “Timi hipaqo ye khilano ighi eno kiu sütsa peighi kea?” Hezekiah no khochile, “Panongu ye aghache ghakhu Babylon lono I lau ighie.”

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

JEREMIYA 10:15

Tipaqo ye ame küha, atichepu; aghime ghuloki lo pühave nani.

JEREMIYA 14:19

No ye qhoi Judah kheleve akeshea? O ngulho no Zion mithive akeshea? Ni shipivi mlave peniye No ye kushiye ningu hekulu kea? Nino aloino keu laju, ikemu akivi ighimoe; shikipivi do huqhe, ikemu akümsapu ithulue.

JEREMIYA 14:9

No ye kushiye timi lakhi no avehu izüveke toi, xamlani keu ghütomi toi ani kea? Ikeghi, O Ampeu, No ye ni gholo ani, nino O je ku anike ni qhivetsü kevilo.”

JEREMIYA 2:5

Ampeu no ishi piani: “O puasüqo ye I lau achipikumo kiu ithulue pi panongu ye I launo putosü lo wuve, eno ameküküha pape wuve no ame kühave kea?

JEREMIYA 27:10

Kughengu ti ye akimki lono nongu lau tungkuptsa piani, ti ye nongu pesü no yeghi lono putosüu hapuwuveni keu kiqi ke; I no nongu hapheve no nongu ye pühave nani.

JEREMIYA 31:6

Ephraim ghakhu lo akhemi no ku keu tsala ighi nani: ‘Ithulo, ningu Zion lo Ampeu ni Lhou lau iqhoni nolo.’”

JEREMIYA 32:30

Kughengu Israel ngo Judah tianuliqo ye pano lhothe lono ishi kutolo I nhethe lo alhoksa kümla likhi thono kütau kiumu shi püamoe. Panongu ye pano u no mlakeu pesü I mlo shikighide keu nguno alau ye kiumu mla püamoe, ipi Ampeu no sheshu.

JEREMIYA 7:19

Panongu ye I xukutho ani keo? ipi Ampeu no asheshu. Hi ye panongu ampi kukujopu shi anike kumo?

JEREMIYA 8:20

“Ghile tusho wovae, mütsü tusho kishekhavae, ikemu ningu ye xamlavae.”

JEREMIYA 9:16

Panongu momu pano puasüqo no ithimo keu shiyeqo gholo I no panongu kuthole puwuveni, eno panongu qhoi pühave moke kutolo I no azütakikihi pano thiu puwuni.”

EZEKEL 48:35

Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”

JOYIL 2:32

Eno ado hu ighi kelo khukhumu Ampeu je kulu keu ye xaluve nani. Kughengu Ampeu no pike toi khami ye Zion Toghi lo eno Jerusalem lo pove nani, eno tipaqo gholo Ampeu no kuluve keqo anani.

JOYIL 3:21

Aji peleve keu mkhü Ni ye lumphi ke I no amkhü lunani, kughengu Ampeu ye Zion lo anie.”

Obadiah 1:17

Ikemu khunoqo no pokalu keno Zion toghi lo anani, eno ti ye akimthe shi nani, Jacob laghami ye pano mheghi ithuluve nani.

MICAH 4:9

Itehi nongu ye kushiye ighaqa ani kea? Nongu ye akükau kühava kea? Nongu lapiyemi pühave kehu totimi punu küsü toikeu no nongu tsüqü luve akeshea?

ZEFANIA 3:15

Ampeu no o launo küghakütha pewuve tsüae; Pa no o ghümiqo haleve tsüae. Israel Kükau, Ampeu no o gholo anike no ye khilemu alhoksa msakithe moae.

ZEKHARIA 2:9

“Julo, I no panoqo shou I u peqhe nani eno khunono panongu qe ani keno tipaqo no pano xüle pewuve nani. Tileno aqokitikhi Mpeu no I puwu kepi nongu no ithi nani.

Apostolmi 14:15

“Timiqo, nongu ye kushiye hipaqo shi ani kea? Nikujo ghi nongu toi timi, eno nongu lau atsakiviu süghi ani, tishianguno nongu pelo hi adou thime lono tsüghüsü aküxüpu Lhou khuu atsütsü, ayeghi, azüghi eno tile akeu kümtsü lho keno, Pa lau ighi peniye ke.

ZAKINIU 31:17

Tipani I mlo kighide panongu shou ikughi no panoqo pheve nani, panongu launo I gi kughove nani, tileno panongu ye kütsaleve nani. Panongu shou alhoksa ngo shiluküsa kutomo ikughi nani, eno panongu no pi nani, ‘Alhoksa hipaqo ni shou ikughi akeu ye, ni Lhou no ni gholo kühave kehu keshea?’

Piyeküsü 2:1

“Ephesus kukuhou lo kungumi lau yelo: ‘Khuu no Pa u ajeu ayepu tsüni pesü ameshoyi kulukibepu tsüni gholo checheni keno, Pa tsape.