JEREMIYA 7:3 - Sumi Naga CL (Re-edited) Bible (BSI)

³ Aqokitikhi MPEU, Israel Lhou no ishi piani: Nongu laghi eno no kümla kilive lo, eno I no nongu pelo hile xülupe nani.

BAIBEL (BSI)

³ “Nonguno xuchekeu laghi eno mlaithache keu laghi kilivelo eno ino nongu pelo hilehi xu acheuve penike.

JEREMIYA 7:3 Iomraidhean Croise

KUKAMI AKINIU 17:13

Ikeghi Ampeu no Pa ghinimi eno tungkupmi puwu no Israel ngo Judah ghutu, “Nongu laghi lhoksa lono tsüghüve lo, eno I no no puasüqo azah tsü püzü I qemi tungkupmi vecheo nongu tsükeu zakütsü eno akhuayeqo pelulo.”

EZRA 10:11

Ikehu itehi ye Ampeu, no puasüqo Lhou lau axine piphelo eno Pa pulou shilo. Aghakhu lo ashiayeqo eno inaghalimi nipuqo launo nongu pesü kütüta shivelo.”

AHOLE 28:13

Axine peküsü chekemi ye aküxü lo ikoishe lumo nani, ikemu ti piphe no qhive aye kimiyeqhiyi keu ithulu nani.

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

JEREMIYA 17:25

David kükalakhü lo iqa akemi kükami eno kijemi no mishighüna lo khurkulu ngo khurshi lono pano gholo Judah ngo Jerusalem lo küxümi sasü khagho veche ilo nani. Eno mishighüna hipau ye alholo küghüna nani.

JEREMIYA 18:11

Tighenguno itehi, Judah ngo Jerusalem lo küxümi vilo pilo: ‘Ampeu no ishi piani, Jualo, Ni ye nongu shou amhekiqi eno amqü kuchughu ani. Kümtsü no pütüta kümla lhoksa lono ideighi lo, no laghi eno no kümla lhoksaqo shikithe luvelo.’

JEREMIYA 18:8

I no ghutuve keu shiye no alhoksa kümla lono xaideve aye, I no amhekiqi kümla shini pi kughuve keu lono I kükümsü kilive nani.

JEREMIYA 26:13

Tighenguno itehi nongu laghi shikithe lulo, eno nongu Lhou Ampeu tsa lulo, tishiaye Ampeu no nongu ghenguno amhekiqi pi püakeu xachileve nani.

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

JEREMIYA 35:16

Rekhab nu Jonadab kughuko ye pano pasü no azah tsükeu pelu ikemu timi hipaqo ye I gholumoe.

JEREMIYA 4:1

“Nono ideighini aye, O Israel, Ampeu no asheshu, no ye I lau ideighi masae. Ow aphikümqhüpu thimeqo nono I zülono ikhive no ithamo aye,

JEREMIYA 6:16

Ampeu no ishi piani; “Alaghila lo puthugho no julo, khaghi laghiqo ighiju lo eno akivi la khila keno tila chewulo, eno nongu ngulho no akulho qhilu nani. Ikemu panongu no pi, ‘Ningu ye tipa la lo chewu moe.’

James 4:8

Alhou lau kupunu ighilo eno Pa no nongu kupunu ighi nani. Nongu axinemiqo, nongu u qhukimtheve lo, nongu amlo kini kupumiqo, nongu mlo shikütsüghüve lo.