JEREMIYA 7:26 - Sumi Naga CL (Re-edited) Bible (BSI)

²⁶ Ikemu I tsa chiluke kumono panongu kinimu kughopuwo moe, panongu kuo mkamghai kitheve. Panongu ye pano puasüqo nguno alhoksau shive.

BAIBEL (BSI)

²⁶ Ikeghi milakhi nomu initsumo momu amlo tsuqhiyikeu kuhake. Tishinike zuqhulo nonguno nopuasu nguno alau kuthovi kithe eno hebide kitheke.”

JEREMIYA 7:26 Iomraidhean Croise

KUKAMI ATUGHIU 14:22

Judah timiqo no Ampeu zülo axine shikeu lono Ampeu mlo shikighide tsü, eno pano puasüqo nguno alau axine shive.

KUKAMI ATUGHIU 14:9

Ikemu no ye o züumi kümtsü nguno alau axine kije shivae eno I milive no o sala kütau lhou ngo ayi julho mlakeu lono I mlo shikighide tsüke.

KUKAMI AKINIU 17:14

Ikemu panongu no ini tsümo eno pano puasüqo no Ampeu pano Lhou pülübemo ketoi, panongu no kuthovi ke.

KUKAMI AKINIU 17:15

Panongu no Pa khuayeqo eno puloshoqhi khikhi pano puasüqo sasü shi keno, ti thaighae. Panongu no kichile julhoqo pape eno sükümxa lo Ampeu no shiye khunoqo toi shi kevilo pi azah tsü keno, tipaqo pape ke.

YEKIKITHI AKINIU 30:8

Itehi no puasüqo toi kuthovi kevilo, ikemu nongu pesü Ampeu tsüve lo eno Pa kimthe khache, khikhi Pa no alholo ghenguno shikimtheve akeno, tile ighi lo eno Ampeu nongu Lhou huthu lo, tishianguno nongu launo Pa loghu tsüghüve nani.

YEKIKITHI AKINIU 33:10

Ampeu no Manasseh ngo paw timiqo lau kütüghü puwu kemu panongu no ini tsümoe.

YEKIKITHI AKINIU 33:23

Pa pu Manasseh no kuchuni ketoi mono pa ye Ampeu lau pa shikuchuni moe, ikemu Amon hipau ye alau-alau akipimi shi auve.

NEHEMIA 9:29

Nono O Yezah lo sachile ighi niye panongu kütüghü, ikemu panongu no aqheküza shino O zakütsüqo papemo no axine shive. O zakütsü hipaqo ye timi no pape aye aküxüpu ani, ikemu panongu no kuthovi eno akuchhoma shi agholu move.

AHOLE 29:1

Anguno anguno sakiyi anamu mkamghai auve aye paikhavi no shipivimla kepushi mukhumuno shive nani.

ISAIAH 48:4

Kughengu nongu ye kishi kuthovi keno I no ithi ani, nongu kuo ye ayikichhe toi nongu kishe no alazayi toike,

ISAIAH 5:4

I tsailu ghenguno shikulupu hinguno alau I no shimove keu kiu ani kea? Kushiye I no atsaithi kivi huqhe akelaye akiqhiu xolu kepu shive kea?

JEREMIYA 11:8

Tishimu panongu no agholumo eno pano kinimu kughopuwo moe, ikemu kümtsü no pano mlo lhoksa lo kuthovi auve. I no panoqo pelo pelu penike azah tsü kemu panongu no pemo kehu puloshoqhi lo müsüini keu kümtsü panongu shou puku tsüe.”

JEREMIYA 16:12

eno nongu no no puasüqo nguno alhoksau shiveke, nongu kümtsü no I tsa inimo no kuthovi, kixikila pulou shike.

JEREMIYA 17:23

Ikeghi panongu ye I tsa inimo eno pano kini kughopuwo moe, eno akükütsü tsa chilu eno ikhilu moniye kuthovi auve.

JEREMIYA 19:15

“Israel Lhou, Aqokitikhi MPEU no ishi piani, julo, I no kütüghü püake toi mishighüna hipau eno mishiphu kümtsü lo amhekiqi süghini cheni, kughengu panongu no I tsa ini mono kuthovi auveke.”

JEREMIYA 22:21

Nono kinikülü shi akelono I no o pütsae, ikemu nono pi, ‘Ni ye inimoe.’ O lhothe lono no ye khilemu I tsa lumoe, hi no o laghi ke.

JEREMIYA 25:3

“Amon nu Judah kükau Josiah yepe mpe chighiaküthüu lono ishi kutolo ampe muku küthü shi akelono Ampeu tsa I lau ighi, eno ni ye tamo mithe nongu vilo pivae, ikemu nongu no inimoe.

JEREMIYA 25:7

Ikeghi, Ampeu no sheshu, nongu no I tsa inimoe, eno nongu kümla no I mlo shikighide tsüe.

JEREMIYA 26:5

eno I qemi tungkupmi I no nongu lau anguno anguno puwu keu tsa ini tsümo aye,

JEREMIYA 29:19

kughengu panongu no I tsa lo amlo tsümoke, Ampeu no sheshu, I no tamono I qemi tungkupmi puwue, ikeghi nongu no initsü moe, ipi Ampeu no sheshu.’

JEREMIYA 3:13

Nono Ampeu o Lhou hebideve o pulou pesü asüminipho qholo inaghami lau tsüve no I tsa gholu move keu kipimi kepi ikhilu lo, ipi Ampeu no asheshu.

JEREMIYA 32:23

Panongu no tile ilo no ayeghi pükhalu. Ikemu panongu ye O tsa gholumo eno O yezah lo cheche moveke. Nono panongu pelo shi penike azah tsükeu kiumu shimove. Tighenguno Nono panongu shou amhekiqi hipaqo pukutsüe.

JEREMIYA 34:14

‘Ampe tsüni shekha lo Hebrewmi khunoqo o lau jesüve no ampe tsügho o qeve akeno no ye panongu kuqho pheveni; o kümlapu lono no ye pa pelo ililaive peni.’ Ikemu no puasüqo no I tsa inimo eno panongu kini mu I lau kugho puwomoe.

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

JEREMIYA 35:17

Tighenguno, aqokitikhi Mpeu, Israel Lhou no ishi piani: Julo, I no shupheve ketoi Ni ye Judah ngo Jerusalem lo küghüna küami kümtsü shou kütsakungo süghini cheni, kughengu I no panongu vilo pi anamu panongu no initsü moe, I no panongu ku keghi panongu no khochile moe.”

JEREMIYA 44:16

“Nono Ampeu je lono ni vilo kiu piani keno, ningu ye tipaqo inimoe.

JEREMIYA 5:3

O Ampeu, O nhethi ye kuchou ju cheni ke kumo? Nono panongu ghaqhi kemu panongu ye amloiju moe, Nono panongu chisheqhi keghi panongu ye shikithe moe. Panongu no pano gi pesü atuqu nguno akümkau shive; panongu no xaideni keu milive.

JEREMIYA 6:10

Ni ye khuno vilo pini eno ghutuni kea? Khunono I tsa chilu tsüni kea? Julo, panongu kini ye ipovae, panongu ye chimla nani; pano ghenguno Ampeu tsa ye atichepu lakhie; pano ye tipau lo azüküvü kühae.

JEREMIYA 6:17

I no o shou ghukhemi qhino pi, ‘Tsaqüi afuko ghügha inilo!’ Ikemu panongu no pi, ‘Ningu ye amlo tsümo nani.’

JEREMIYA 7:24

Ikemu panongu ye agholu moe eno akini mu kughopuwo mono alhoksa mlo xapu kuthovi ghi pano gho-apulou lono chewuve, eno azüu chewu mono athiu idewove.

JEREMIYA 9:13

Ampeu no pi; “Kughengu I no panongu zülo I yezah qhitsü keu panongu no pheve, I sütsa gholumo momu tipau kiqi lono cheche move,

EZEKEL 12:2

“Timi nu, no ye hekibide kibo lo xüanie. Panongu ye anhethi animu ithulu chemo, akini xapu animu chilu chemoe, kughengu panongu ye hekibide kibolomi ke.

EZEKEL 12:3

Timi nu, o ghenguno haphe sawuve kemi toi akho kutolo, eno tsüküvü lono panoqo nhethe lono haphe sawuve kemi paphishi wuvelo. No ye haphe sawuve kemi toi o kungo-a lono a-a kütau lo panoqo nhethe lono wuve lo. Ishiake panongu no hekibide kibolomi lakhi shi aghimu panongu ghi vethaluvi ke.

EZEKEL 20:30

“Tighenguno Israel kibolomi vilo pilo, Ampeu Alhou no ishi piani: Nongu ye no puasüqo ghola lono nongu ampi shikitiqe eno panow aphikümqhüpu thimeqo pape kütüqhani keshea?

DANIEL 9:6

Ningu no O qemi tungkupmi khunoqo no O je lono niw kükami, sakiphemi, ni puasü eno aghakhu lo timi kümtsü pütsa keno, panoqo tsa initsü moveke.

HOSIYA 11:7

Iw timiqo ye tsümomo I launo tsüghüveni shi cheni, eno panongu no Shishe Akiqheu lau ighamku anamu Pa ye kiu gholau nomu panoqo xaqhemo nani.

ZEKHARIA 7:11

Ikemu panongu no amlo tsümove eno tsatsai ngove no ini moniye pano kini kiyikha luve.

MALAKI 3:7

Nongu puasüqo ghuloki lono nongu ye I yezah lono tsüghüve eno tipaqo pemove. I lau ideighilo, eno I no nongu lau ideighini, aqokitikhi Mpeu no pi. Ikemu nongu no pi, ‘Ningu ye kishi ideighini kea?’

MATTHEW 21:38

Ikemu kughou mishikulumi no anu ithulu keno, panongu lakhi no lakhi vilo pi, ‘Hi no amheghi kiyighiue. Ighilo, ningu pa pithive no pa mheghi luveni nolo.’

MATTHEW 23:32

Tishiaye no puasüqo no kiu huthu keno shikupuve lo.

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

ZAKINIU 8:20

Ampeu no nongu zülono shiyeqo püghave keshi, nongu ghi Ampeu nongu Lhou gholumo aye püghave nani.