JEREMIYA 7:24 - Sumi Naga CL (Re-edited) Bible (BSI)

²⁴ Ikemu panongu ye agholu moe eno akini mu kughopuwo mono alhoksa mlo xapu kuthovi ghi pano gho-apulou lono chewuve, eno azüu chewu mono athiu idewove.

BAIBEL (BSI)

²⁴ Ikemu panonguno agholumoe momu amlo tsuqhiyimoke. Tishinike zuqhulo panoqo mlolo kuthovi keu eno kusakughano panoqo vilo shilo pikeu shiwukhaveke, eno panonguye akiviu shinike zuqhulo alhoksau shikithe wuveke.

JEREMIYA 7:24 Iomraidhean Croise

NEHEMIA 9:29

Nono O Yezah lo sachile ighi niye panongu kütüghü, ikemu panongu no aqheküza shino O zakütsüqo papemo no axine shive. O zakütsü hipaqo ye timi no pape aye aküxüpu ani, ikemu panongu no kuthovi eno akuchhoma shi agholu move.

LESHELE 81:13

O, Iw timiqo no I tsa initsü keaye, Israel ye I laghi lo checheni cheke!

JEREMIYA 13:10

Lhoksa kügha timiqo, I tsa chilumo keqo, khunono kuthovi ghi pano mlo ghola hawuve eno alhou kütauqo huthu no mlla nike pape wuve keno chighichephi avehu kühave ketoi shivetsü nani.

JEREMIYA 13:11

Chighichephi pesü timi polo khapu ketoi, I no Israel ngo Judah kibo kuchopu pesü I khada peke, ipi Ampeu no asheshu, tishianguno panongu pelo Iw timi shilu, I jeku, shekiqhe eno agigihu tsü peniye ke, ikemu panongu no initsü moe.

JEREMIYA 15:6

Nono I milive, ipi Ampeu no asheshu; no ye athiu likhi idewove, ikehu I no I u chhopuwo no o kütsave Ni ye süchile keu no lhovae.

JEREMIYA 16:12

eno nongu no no puasüqo nguno alhoksau shiveke, nongu kümtsü no I tsa inimo no kuthovi, kixikila pulou shike.

JEREMIYA 17:23

Ikeghi panongu ye I tsa inimo eno pano kini kughopuwo moe, eno akükütsü tsa chilu eno ikhilu moniye kuthovi auve.

JEREMIYA 17:9

Amlo ye thime kümtsü nguno pishikiqhiue, shipivimla kepushi sü ani; khuu no ti vethakulupu kea?

JEREMIYA 18:10

tipau no I zülo alhoksa kümla shino I tsa lumove aye, akivi shinipi kughu akeu lono I kükümsü kilive nani.

JEREMIYA 18:12

“Ikemu panongu no pi, ‘Ti ye adoue! Ningu ye ni kukughu pape nani; eno pütüta no kuthovi eno amlo lhoksa shikeu kiqi lono mla nani.’

JEREMIYA 2:27

Nongu no asübo vilo, ‘No ye I pu,’ eno atu vilo, ‘Nono I punu ke,’ ipi cheni. Kughengu panongu no agi I piye mono kughope azübo I tsüke, Ikemu pano veküsa loye, ‘Ithughi no ni xalulo!’ ipike.

JEREMIYA 22:21

Nono kinikülü shi akelono I no o pütsae, ikemu nono pi, ‘Ni ye inimoe.’ O lhothe lono no ye khilemu I tsa lumoe, hi no o laghi ke.

JEREMIYA 23:17

Panongu no Ampeu tsa thaigha chekemi vilo tamono picheni: ‘O ghenguno akivipu ani’; eno kuthovi ghi amlo pape chekeu vilo picheni, ‘O shou amhekiqi ighimo nani.’”

JEREMIYA 3:13

Nono Ampeu o Lhou hebideve o pulou pesü asüminipho qholo inaghami lau tsüve no I tsa gholu move keu kipimi kepi ikhilu lo, ipi Ampeu no asheshu.

JEREMIYA 3:17

Tipau ghuloki lo Jerusalem ye Ampeu kükalakhü ipi kunani, Jerusalem lo Ampeu nhethe lo shiye kümtsü tile kumqo nani, panongu ye kuthovi ghi pano mlo lhoksa papemo nani.

JEREMIYA 32:23

Panongu no tile ilo no ayeghi pükhalu. Ikemu panongu ye O tsa gholumo eno O yezah lo cheche moveke. Nono panongu pelo shi penike azah tsükeu kiumu shimove. Tighenguno Nono panongu shou amhekiqi hipaqo pukutsüe.

JEREMIYA 32:33

Panongu ye agi kumono azübou kughope I tsüe. I no tamo mithe panongu shika anamu panongu no I kükütsütsa lumoe.

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

JEREMIYA 6:16

Ampeu no ishi piani; “Alaghila lo puthugho no julo, khaghi laghiqo ighiju lo eno akivi la khila keno tila chewulo, eno nongu ngulho no akulho qhilu nani. Ikemu panongu no pi, ‘Ningu ye tipa la lo chewu moe.’

JEREMIYA 7:26

Ikemu I tsa chiluke kumono panongu kinimu kughopuwo moe, panongu kuo mkamghai kitheve. Panongu ye pano puasüqo nguno alhoksau shive.

JEREMIYA 8:5

Imaye kushiye timi hipaqo ye ideighi mono athiu wove kea? Panongu no pishikiqhi tsüqüpe; eno ide ighini keu lachile.

JEREMIYA 9:14

ikemu panongu no kuthovi ghi pano pulou pape wuve eno pano puasüqo no shika ketoi Baal lhouqo pape wuve.

EZEKEL 20:13

Ikemu Israel kibolomi no asayeqha lono I hebide ke. Panongu no I khuayeqo pemove eno Iw pimheyeqo milive ke, tsala milakhi no tipaqo pape aye, pa ye xülu nani; eno panongu no Iw Sabbath shishe shikitiqeve ke. “Tileno I no pi, Ni ye asayeqha lono I loghu panoqo shou lepukuni, eno kümtsü kishekhave tsüni.

EZEKEL 20:16

kughengu panongu no I khuayeqo milive eno I yezahqo pemove ke, eno Iw Sabbath shikitiqeve; kughengu panoqo mlo ye pano sü-atu julho lau wuveke.

EZEKEL 20:21

Ikemu anuliqo no I hebideve ke. Panongu ye I yezah lo cheche move eno Iw pimheyeqo gholuni ke kutokupui move, ti ye milakhi no papelu aye, tipau vecheo pa ye xülu nani pikeu ke; panongu no Iw Sabbath shikitiqeve ke. “Tileno I no pi, Ni ye panoqo shou I loghu lepukuni eno asayeqha lono I mlokighide panoqo shou pukuni.

EZEKEL 20:8

Ikemu panongu no I lachile ghi hebide eno I tsa chiluni keu pulo move. Panongu khumu pano nhethi ghapiqilu chekeu aphikümqhüpu jeli pevemoe, momu Egypt süatu julhoqo phevemoe. “Tileno I no pi, Ni ye I loghu panoqo shou lepukuni eno Egypt yeghi lono I mlokighide panoqo shou pukuni.

DANIEL 9:6

Ningu no O qemi tungkupmi khunoqo no O je lono niw kükami, sakiphemi, ni puasü eno aghakhu lo timi kümtsü pütsa keno, panoqo tsa initsü moveke.

HOSIYA 10:6

Ti huye asüqha shi ghi Assyria lo akükau akijeu tsüve nani. Ephraim ye shikujove nani, eno Israel ye pa julho ghenguno kujo nani.

HOSIYA 4:16

Israel ye amishi lhothe no kuthovi akeshi ke Ampeu ye atsüni kümtsha-a lo ambe tucho keshi panoqo tucho luni keshea?

MICAH 6:16

Kughengu nongu no Omri yezah eno Ahab lagha kümla kümtsü papeke; eno nongu no panoqow mijekütsü laghi pülake, ikehu I no nongu kütsale eno xüküami jukünatha penani; eno nongu no Iw timiw tichetighe xapu nani.”

ZEKHARIA 7:11

Ikemu panongu no amlo tsümove eno tsatsai ngove no ini moniye pano kini kiyikha luve.

ZAKINIU 29:19

Milakhi no hi puloshoqhi lo yepüa keu chilu no pa ampi kümghatsü ghi, ‘I no kuthovi ghi xüani kemu, ni ye sükusho qholo anie,’ ipi aghi aye, hitoi kemi ye akivimi eno alhoksami kümtsü aphiphishi joleve nani.