JEREMIYA 7:20 - Sumi Naga CL (Re-edited) Bible (BSI)

²⁰ Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

BAIBEL (BSI)

²⁰ Tighenguno ni, AMPEU Alhou no iloghu kighide Achineki hipau shou lepuku nani. Timi shou ngo lhoxuqo shou aphiphi shi ino tipau lepuku nani, eno asubo ngo axabo shou ghi lepuku nani. Iloghuye, timi khunomu pinhemla keu mi toi nani.

JEREMIYA 7:20 Iomraidhean Croise

KUKAMI AKINIU 22:17

Kughengu panongu no I milive eno pano kümla vecheo I mlo shikighide tsüniye kütau lhouqo lau akümllagho tsüke, tighenguno I loghu ye a-a hipau shou ikughi nani eno ti ye iqüvemo nani.

ISAIAH 10:17

Israel küvü huno ami ilhouve nani, eno Akimtheu huno ami mili shive no ghulo lakhi lono aghüsahubo pitivetsü nani.

ISAIAH 42:25

Tighenguno Pa no Pa xukighide ngo aghükishi ghime pesü panongu shou lepukue; tino panongu homxape iqü, ikemu panongu ye vethamlae; tino panongu piti, ikemu panongu no alomsümoe.

ISAIAH 66:24

“Eno panongu no kuwolau ye khunono I mjochile keno tipaqo kithi kumo ithulu nani. Kughengu panoqo kumo lo apitheqo ye khilemu thimo nani, eno ami no panoqo piti akeu khilemu inhemo nani. Panoqo ye timi kümtsü lau aphikümqhüpu shi ache nani.”

JEREMIYA 11:16

Ghuthu lakhi lo Ampeu no o pesü ‘xüthilei keu olive sübo, jukivi eno axathi kivi’ ipi kuche. Ikemu Pa no pasapagha kije ghügha pesü tipau lo ami süvetsü nani, eno tipa lokaqo ye pitive nani.

JEREMIYA 12:4

Ayeghi ye khitohi mloqa eno aluza lo atsüni ye khitohi ighüive anani kea? Tile küxümi lhoksa ghenguno tüghashi eno aghauqo ye pühavae, kughengu panongu no pi, “Pa ye hithiu ningu shekuho ithulumo nani.”

JEREMIYA 14:16

Eno timi khunoqo lau panongu no tungkuptsa pi cheni keno tipaqo ghi püqümiye ngo azütakikihi no Jerusalem laghila lo vepheve nani. Panongu nipu momu apu-anga khunomu pano shiqhomo nani. Kughengu I no pano lhoksa pesü pano shou lepuku nani.

JEREMIYA 17:27

Ikemu nongu no I tsa inimo, Sabbath tsala akimthe shi qhimo, akho xapusü Sabbath tsala lono Jerusalem khagho veche ilo aye, I no ghapinhe mlakeu mi pesü Jerusalem khaghoqo eno liw jukivi kighikiqo pitive tsü nani.’”

JEREMIYA 17:4

Nongu ye I no tsükeu mheghi au lono lekhove nani, eno I no nongu no mthakeu yeghi lo nongu ghümi qemi shiuvepe nani, kughengu I mlo kighide lono alholo iqüni keu mi küqüvae.”

JEREMIYA 18:23

Ikemu O Ampeu, panoqo no I pithini ke amqü shi akeu Nono ithi ani. Pano kipimi qhitsü kevilo, momu O zülono pano xine nuxave tsü kevilo. O zülono panongu ikhive lo; O mlokighide lono pano kuto tsülo.

JEREMIYA 21:12

O David kibo! Ampeu no ishi piani: “‘Ina atsütsü lo kuchou xakütha peitha lo, pükaqhive no itaghi qhasüpe akeu xaphe lulo, tikumo aye nongu kümla lhoksa ghenguno I loghu no ami toi ghapinhe mlano piti nani.’”

JEREMIYA 42:18

“Kughengu aqokitikhi MPEU, Israel Lhou no ishi piani: I no Jerusalem lo küami shou I loghu puku ketoi nongu Egypt lo wuve kemi shou ghi puku nani. Nongu ye ghukushopu, aküighüpu, thoküghapu shive no a-a hipau khilemu ithumlave nani.

JEREMIYA 44:6

Tighenguno I loghu eno mlo kighide no Judah lo mishighünaqo shou eno Jerusalem laghila lo pukue, ikehu ishi kutolo ixapinyi eno pighivae.

JEREMIYA 6:11

Ikehu ni ye Ampeu loghu no chhitoi ani; ni ye ti süchile keu no lhovae. “Alaghila lo atianuliqo shou tipau lepuku lo, eno lhothemi kumqo akeqo shou ghi lepuku lo; akimi anipu gha, kichimi eno kitemi ghi, sasü wuve nani.

JEREMIYA 6:12

Panongu ki-alu eno anipuqo ye qhoi kütamiw shive nani, I no ayeghi lo küxümi shou I u chhopuku nani,” ipi Ampeu no asheshu.

JEREMIYA 8:13

I no panongu hekütsü kelo, Ampeu no asheshu, atsaibo lo atsaithi küha nani, mububo lo mubuthi küha nani; anipaqo ghi kimghoive nani, eno I no kiu panongu tsü keno pano launo süwuve nani.”

AKUMLO 4:11

Ampeu no Pa loghu kümtsü pükhüle; Pa mlokighide külü lephe, eno Zion lo ami küiqü no tipau boqhaqo pitileve tsü.

EZEKEL 22:22

Ayi kiyiqi miküqü lono ghükayi pitive ketoi, nongu ye tipau lono pitive nani, eno Ni ye Ampeu kepi nongu no ithi nani; I no I loghu nongu shou lepuku nani.”

EZEKEL 7:12

Ado ye ighivae; atsala ye tovae. Qhülu akemi no alovi kevilo momu jelu akemi no mloqa kevilo, kughengu aloghu ye kümtsü shou ikughivae.

EZEKEL 7:14

“Panongu no afuko küigha eno thokha kümtsü kutove ke, ikemu khumu aghüshi lo wumoe, kughengu aloghu ye aqokitikhi kümtsü shou ikughivae.

DANIEL 9:11

Israelmi kümtsü no O yezah hebideve eno O sütsa chiluni keu milive no kughove ke. Angusü ngo ashoqhi khikhi Alhou qeu Moses Yezah lo yepüani keno tipaqo ni shou lepukuve tsü, kughengu ningu no Pa shou axine shive ke.

ACHINE 26:28

I no axukighide lono nongu mjochile nani, Ni ampi no ghuthu tsüni no küghüsü no nongu ghime nani.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

ZEFANIA 1:2

“I no ayeghi lono thokha joleve nani,” ipi Ampeu no sheshu.

ZEFANIA 1:3

“I no timi eno tüghashi jole nani; I no atsütsü lo aghauqo eno azüghi lo akhaqo jole nani, I no kixikilami püxakulu nani. I no ayeghi lono timiqo kütsave nani,” Ampeu no pivae.

ZEKHARIA 7:12

Panongu no pano mlo pesü atu kümka toive, tikumo aye aqokitikhi Mpeu no Pa Ghungu vecheo azüu tungkupmi launo ayezah eno atsape tsükeu panongu no chiluve nosa kehue. Tighenguno aqokitikhi Mpeu launo axukighide kije ighive.

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

Piyeküsü 14:10

azü temokeu tsaiji toi pa jukhu lo Alhou loghu akümkau lesü no pije nani, eno kungumi kimthemi ngo Ambeti zülono ami eno amichu pesü ghimeqhi piti nani.